இந்திய அளவில் சூப்பர் ஸ்டார் ரஜினியை அடுத்து அதிக சம்பளம் வாங்கும் நடிகர்களில் பட்டியலில் இளையதளபதி இணைந்துள்ளார் என்ற தகவல் தற்போது வெளியாகியுள்ளது.
துப்பாக்கி, ஜில்லா, கத்தி என ஹாட்ரிக் வெற்றி பெற்ற படங்களை கொடுத்த விஜய், விரைவில் வெளியாகவுள்ள ‘புலி’ திரைப்படமும் சூப்பர் ஹிட் ஆகி, ரூ.100 கோடி வசூல் கிளப்பில் இணையும் என எதிர்பார்க்கப்படுகிறது.
இந்நிலையில் விஜய் தற்போது நடித்து கொண்டிருக்கும் ‘விஜய் 59’ படத்திற்காக கலைப்புலி எஸ்.தாணு, அவருக்கு ரூ.30 கோடி சம்பளம் கொடுத்திருப்பதாக செய்திகள் வெளிவந்துள்ளது. இந்தியாவிலேயே அதிக சம்பளம் வாங்கும் நடிகராகது சூப்பர்ஸ்டார் ரஜினியைத்தான் அனைவரும் கூறுவர். ஒரு படத்திற்கு சுமார் ரூ.40 கோடி வரை அவருக்கு சம்பளம் கொடுக்கப்படுவதாக கூறுவதுண்டு. தற்போது ரஜினியின் சம்பளத்தை கிட்டத்தட்ட இளையதளபதி நெருங்கிவிட்டதாக கூறப்படுகிறது. கோலிவுட் திரையுலகம் விஜய்யின் சம்பளத்தொகையை கேட்டு ஆச்சரியத்தில் மூழ்கியுள்ளது.
விஜய் இதுவரை வாங்கிய சம்பளங்களில் இதுதான் மிகப்பெரிய தொகை என்று கூறப்படுகிறது. இதேபோல் இந்த படத்தை இயக்கும் அட்லிக்கு ரூ.3 கோடி சம்பளம் கொடுக்கப்பட்டதாக கூறப்படுகிறது. ஒரே ஒரு படம் மட்டுமே இயக்குனர் ஒருவர் கோடிகளில் சம்பளம் பெறுவது இதுவே முதல்முறை.
