இன்று முதல் ‘பைரவா’ திருவிழாவை ஆரம்பிக்கும் விஜய்-கீர்த்திசுரேஷ்
‘அழகிய தமிழ் மகன்’ இயக்குனர் பரதன் இயக்கத்தில் இளையதளபதி விஜய் நடித்து வரும் ‘பைரவா’ படத்தின் படப்பிடிப்பு விறுவிறுப்பாக நடைபெற்று வருகிறது. இந்நிலையில் இந்த படத்தின் படப்பிடிப்பு 90% முடிந்துவிட்டதாகவும் அடுத்தகட்ட படப்பிடிப்பு இன்று முதல் ஆரம்பமாக உள்ளதாகவும் தகவல்கள் வந்துள்ளது.
இந்த படத்திற்காக சென்னை அருகேயுள்ள பின்னி மில்லில் பிரமாண்டமான திருவிழா போன்ற செட் ஒன்று அமைக்கப்பட்டுள்ளதாகவும், இந்த செட்டில் விஜய், கீர்த்திசுரேஷ் உள்பட பலர் நடனம் ஆடும் காட்சி ஒன்று இன்று முதல் படமாக்கப்படவுள்ளதாகவும் கூறப்படுகிறது.
வரும் 2017ஆம் ஆண்டு பொங்கல் தினத்தில் வெளிவரவுள்ள இந்த படத்தில் விஜய், கீர்த்தி சுரேஷ், சதீஷ், ஜெகபதிபாபு, டேனியல் பாலாஜி, சுதன்ஷி பாண்டே, உள்ளிட்ட பலர் நடித்துள்ளனர். சந்தோஷ் நாராயணன் இசையமைத்துள்ள இந்த படத்தை விஜயா புரடொக்ஷன்ஸ் நிறுவனம் பிரமாண்டமாக இந்த படத்தை தயாரித்து வருகிறது. இந்த படத்தை ‘அழகிய தமிழ்மகன்’ பரதன் இயக்கி வருகிறார்.
