ரஜினியின் தர்மதுரை ரீமேக்கில் விஜய்சேதுபதியா?
கடந்த ஆயுத பூஜை தினத்தில் வெளியான ‘நானும் ரெளடிதான்’ படத்தின் வெற்றி அந்த படத்தில் நடித்த அனைவருக்குமே ஒரு திருப்புமுனையை ஏற்படுத்தியுள்ளது. ‘போடா போடி’ என்ற சுமாரான படத்தை இயக்கிய விக்னேஷ் சிவனை புக் செய்ய ஏ.எம்.ரத்னம் உள்பட பல முன்னணி தயாரிப்பாளர்கள் முயற்சி செய்து வருகின்றனர்.
இந்நிலையில் இந்த படத்தில் நடித்த விஜய்சேதுபதிக்கும் மார்க்கெட் உயர்ந்துள்ளது. பீட்சா, நடுவுல கொஞ்சம் பக்கத்தை காணோம்’ படங்களை அடுத்து சூப்பர் ஹிட் படத்தை கொடுத்துள்ள விஜய் சேதுபதியை ஏற்கனவே செல்வராகவன் இயக்கவுள்ள நிலையில் தற்போது தேசிய விருது பெற்ற இயக்குனர் சீனுராமசாமியும் தனது அடுத்த படத்திற்காக விஜய்சேதுபதியை ஒப்பந்தம் செய்துள்ளார்.
ரஜினி-கவுதமி நடித்த ‘தர்மதுரை’ என்ற படத்தின் டைட்டில் இந்த படத்திற்கு வைக்கப்பட்டுள்ளதாக கூறப்படுகிறது. இந்த படத்தை ஸ்டுடியோ 9′ நிறுவனம் தயாரிக்கவுள்ளதாகவும், யுவன்ஷங்கர் ராஜா இசையமைக்கவுள்ளதாகவும் கூறப்படுகிறது. இந்த படத்தின் டைட்டில் மட்டுமே ‘தர்மதுரை’ என்று வைக்கப்பட்டுள்ளதாகவும் மற்றபடி அந்த படத்தின் ரீமேக் இது இல்லை என்றும் படக்குழுவினர் தெரிவித்துள்ளனர்.
