இன்று முதல் விஜய்சேதுபதியின் அடுத்த படம் ஆரம்பம்
விஜய்சேதுபதி நடித்து முடித்துள்ள ‘தர்மதுரை’ படத்தின் படப்பிடிப்புகள் முடிவடைந்து ஆகஸ்ட் மாதம் வெளிவரவுள்ளது. மேலும் அவர் நடித்து வரும் ‘ஆண்டவன் கட்டளை’ மற்றும் ‘ரெக்கை’ படங்களின் படப்பிடிப்புகளும் விறுவிறுப்பாக நடைபெற்று வருகிறது.
இந்நிலையில் விஜய்சேதுபதி நடிக்கவுள்ள இன்னொரு படத்தின் படப்பிடிப்பு இன்றுமுதல் தொடங்கியுள்ளது. ‘மாற்றன்’, அனேகன்’ உள்ளிட்ட பல வெற்றி படங்களை இயக்கிய கே.வி.ஆனந்த் இயக்கத்தில் ஏஜிஎஸ் நிறுவனம் தயாரிக்கும் படத்தில் விஜய்சேதுபதி வித்தியாசமான வேடத்தில் நடிக்கவுள்ளார். இந்த படத்தின் படப்பிடிப்பு இன்று தொடங்கியுள்ளது.
இந்த படத்தில் டி.ராஜேந்தர் முக்கிய வேடத்தில் நடிக்கின்றார். அவர் இந்த படத்தில் நெகட்டிவ் கேரக்டரில் நடித்து வருவதாக கூறப்படுகிறது. ஹிப் ஹாப் தமிழா ஆதி இசையமைக்கும் இந்த படத்தின் திரைக்கதையை பிரபல இரட்டை எழுத்தாளர்கள் சுரேஷ்-பாலகிருஷ்ணன் எழுதுகின்றனர். இந்த படம் அடுத்த ஆண்டு வெளியாகும் என்று எதிர்பார்க்கப்படுகிறது.
