அஜீத் நடித்த ‘என்னை அறிந்தால்’ திரைப்படம் வரும் பிப்ரவரி 5ஆம் தேதி உலகம் முழுவதும் பிரமாண்டமாக ரிலீஸாகவுள்ள நிலையில் அஜீத்தின் அடுத்த படத்தின் வேலைகளை சிறுத்தை சிவா விறுவிறுப்பாக செய்து வருகிறார்.
தற்போது அஜீத்துக்கு ஜோடியாக நடிக்கவுள்ள நடிகை குறித்த தேர்வு வேலைகள் நடைபெற்று வருகின்றன. தனது முந்தைய படத்தில் அஜீத்துடன் ஜோடி சேர்ந்த தமன்னாவையே இந்த படத்திற்கும் ஹீரோயினாக புக் செய்யலாம் என சில உதவி இயக்குனர்கள் ஐடியா கொடுக்க அதற்கு அஜீத் மறுப்பு தெரிவித்து விட்டாராம். இதுவரை ஜோடி சேராத ஹீரோயினாக பாருங்கள் என்று அஜீத் கூறிவிட்டதாகவும், செய்தி வெளிவருகின்றது.
இதனால் மீண்டும் ஒருமுறை அஜித்துடன் ஜோடி சேரலாம் என்ற கனவு தகர்ந்த நிலையில் அதிர்ச்சியில் தமன்னா இருக்கையில், அஜீத்துடன் ஜோடி சேரும் அதிர்ஷ்டம் ஸ்ருதிஹாசன் பக்கம் போய்க்கொண்டிருப்பதாகவும் தகவல்கள் கூறுகின்றன. அஜீத்தே கமல் மகளிடம் பேசிப்பாருங்கள் என்று கூறியதாகவும், இதனால் ஸ்ருதிஹாசன் மகிழ்ச்சியின் உச்சத்தில் இருப்பதாகவும் கூறப்படுகிறது.
ஆனால் ஸ்ருதிஹாசன் தற்போது புலி படத்தில் விஜய்க்கு ஜோடியாக நடித்து வருவதால் அஜீத் ஜோடியாக அவர் நடிக்க விஜய் தரப்பு அவருக்கு எதிர்ப்பு தெரிவிக்கும் என கூறப்படுகிறது. விஜய் தரப்பின் எதிர்ப்பை மீறி ஸ்ருதிஹாசன் அஜீத்துடன் ஜோடி சேருவாரா? என்பது இன்னும் சில நாட்களில் தெரிந்துவிடும்.
