‘பைரவா’ படப்பிடிப்பு முடிந்தது. விஜய்யின் அடுத்தகட்ட நடவடிக்கை என்ன?
இளையதளபதி விஜய், கீர்த்திசுரேஷ் நடிப்பில் பரதன் இயக்கி வந்த ‘பைரவா’ படத்தின் படப்பிடிப்பு நேற்றுடன் முற்றிலும் முடிந்துவிட்டதாக படக்குழுவினர்களிடம் இருந்து தகவல்கள் வெளிவந்துள்ளது
சென்னை, ஐதராபாத், நெல்லை மற்றும் வெளிநாடுகளில் எடுக்கப்பட்ட இந்த படம் தற்போது முடிவடைந்துவிட்டதால் அடுத்து போஸ்ட் புரடொக்ஷன்ஸ் பணிகள் தொடங்கப்பட்டுள்ளது. இன்னும் ஓரிரு நாட்களில் விஜய் டப்பிங் செய்வார் என்றும் அதன்பின்னர் அவர் தனது குடும்பத்துடன் வெளிநாடு செல்லவுள்ளதாக கூறப்படுகிறது.
இந்நிலையில் விஜய்யின் 61வது படத்தை அட்லி இயக்குவார் என்றும் ஸ்ரீதேனாண்டாள் பிலிம்ஸ் தயாரிக்கும் என்றும் செய்திகள் வந்தாலும் விரைவில் இதுகுறித்த அதிகாரபூர்வ தகவல் வெளிவரும் என்று எதிர்பார்க்கப்படுகிறது.
வரும் பொங்கல் தினத்தில் ‘பைரவா’ ரிலீஸ் ஆகும் என்பது குறிப்பிடத்தக்கது.
