விஜய்யின் அறிமுகப்பாடல் இணையத்தில் கசிந்ததா? அட்லி அதிர்ச்சி
இளையதளபதி விஜய் நடித்து முடித்துள்ள ‘தெறி’ படத்தில் விஜய்யின் அறிமுகப்பாடல் மிகப் பிரமாண்டமாக படமாக்கப்பட்டுள்ளதாக ஏற்கனவே தகவல்கள் வெளிவந்த நிலையில் தற்போது இந்த பாடலின் முதல் வரி குறித்த தகவல்கள் இணணயத்தில் கசிந்துள்ளது. இதனால் படக்குழுவினர் அதிர்ச்சி அடைந்துள்ளனர்.
‘ஜித்து ஜில்லாடி…மிட்டா கில்லாடி’ என்ற வரிகளுடன் விஜய்யின் அறிமுகப்பாடல் தொடங்குவதாகவும், இந்த பாடல் விஜய்யின் மாஸ் பாடல்களில் ஒன்றாக இருக்கும் என்றும் படக்குழுவினர் கருதுகின்றனர். அறிமுகப்பாடல் மட்டுமின்றி விஜய்யின் ‘கில்லி’ படத்திற்கு பின்னர் இந்த படத்தின் அனனத்து பாடல்களும் பட்டிதொட்டியெங்கும் சூப்பர் ஹிட் ஆகும் என்றும் ஜி.வி.பிரகாஷ் தனது டுவிட்டரில் நம்பிக்கை தெரிவித்துள்ளார்.
‘தெறி’ திரைப்படம் ஜி.வி.பிரகாஷின் 50வது படம் என்பதால் இந்த படத்தின் பாடல்களுக்காக அவர் கடுமையாக உழைத்துள்ளதாகவும் கூறப்படுகிறது. இந்த படத்தின் பாடல் வெளியீடு விரைவில் நடைபெறவுள்ளதாகவும், இதுகுறித்த அதிகாரபூர்வ அறிவிப்பு விரைவில் வெளிவரும் என்றும் செய்திகள் வெளிவந்து கொண்டிருக்கின்றன.
