சென்னையில் மட்டும் ரூ.10 கோடியை நெருங்குகிறது விஜய்யின் தெறி வசூல்
இளையதளபதி விஜய் நடித்த ‘தெறி’ திரைப்படம் ஆறே நாட்களில் உலகம் முழுவதும் ரூ.100 கோடி வசூல் செய்து சாதனை செய்துள்ள நிலையில் இந்த படம் தமிழகத்தில் குறிப்பாக சென்னையில் அபார வசூலை இரண்டாவது வாரமாக பெற்று வருகிறது.
சென்னையில் கடந்த 22,23,24 ஆகிய மூன்று நாட்களில் மட்டும் இந்த படம் 486 காட்சிகள் திரையிடப்பட்டு அதன் மூலம் சுமார் ஒரு கோடியே 85 லட்சம் வசூல் செய்துள்ளது. மேலும் கடந்த 14ஆம் தேதியில் இருந்து நேற்று வரை ரூ.7 கோடியே 89 லட்சம் வசூல் செய்துள்ளது. இன்னும் ஓரிரு நாட்களில் சென்னையில் மட்டுமே ரூ.10 கோடி வசூல் செய்துவிடும் என்று எதிர்பார்க்கப்படுகிறது.
மேலும் தமிழகம் முழுவதும் செங்கல்பட்டு ஏரியாவில் ரிலீஸ் ஆகாத நிலையிலும் ரூ.58 கோடி வசூல் செய்துள்ளதாகவும் இந்த தொகை விஜய்யின் படங்களில் மிக அதிகமான தொகை என்பதும் குறிப்பிடத்தக்கது.
