ரூ.100 கோடி கிளப்பில் ஆறே நாட்களில் இணைந்தது விஜய்யின் தெறி
இளையதளபதி விஜய் நடித்த ‘தெறி’ திரைப்படம் கடந்த 14ஆம் தேதி வெளியாகி உலகம் முழுவதும் மாபெரும் வசூலை குவித்து வரும் நிலையில் இந்த படம் ரூ.100 கோடி வசூலில் இணைந்துள்ளதாக அதிகாரபூர்வமாக செய்திகள் வெளிவந்துள்ளது. இந்த தகவலை விஜய் தன்னுடைய டுவிட்டரில் உறுதிப்படுத்தியுள்ளார் என்பது குறிப்பிடத்தக்கது.
கடந்த 14ஆம் தேதி ‘தெறி’ ரிலீஸ் ஆன நிலையில் ஆறே நாட்களில் இந்த படம் ரூ.100 கோடி வசூல் செய்து சாதனை புரிந்துள்ளது. இதுவரை எந்த ஒரு விஜய் படம் மட்டுமின்றி எந்த ஒரு தமிழ்ப்படமும் ஆறு நாட்களில் ரூ.100 கோடி வசூல் செய்திராத நிலையில் முதன்முதலாக ‘தெறி’ இந்த சாதனையை செய்துள்ளது என்பது குறிப்பிடத்தக்கது.
இதற்கு முன்னர் ஏ.ஆர்.முருகதாஸ் இயக்கிய ‘கத்தி’ திரைப்படம் 14 நாட்களில் ரூ.100 கோடி வசூல் செய்தது என்பது குறிப்பிடத்தக்கது. மேலும் ரூ.100 கோடி வசூல் படத்தை இயக்கிய இயக்குனர்களில் அட்லிதான் மிகவும் இளையவர் என்பதும் ஒரு புதிய செய்தி.
‘தெறி’ திரைப்படம் தமிழகத்தில் செங்கல்பட்டு ஏரியாவில் ரிலீஸ் ஆகாமலேயே ரூ.47 கோடி வசூல் செய்தது. மேலும் அமெரிக்கா, கனடா, பிரிட்டன், பிரான்ஸ், ஆஸ்திரேலியா, மலேசியா, சிங்கப்பூர் ஆகிய நாடுகளிலும் நல்ல வசூலை பெற்றதால் எளிதில் ரூ.100 கோடி கிளப்பில் இணைந்துவிட்டது என்பது குறிப்பிடத்தக்கது.
