மாதவன் – விஜய்சேதுபதி பட டைட்டில் இதுதான்
பிரபல இயக்குனர்கள் புஷ்கர்-காயத்ரி இயக்கும் புதிய படம் ஒன்றில் மாதவன், விஜய்சேதுபதி முதன்முதலாக இணைந்து நடிக்கவுள்ளனர் என்ற செய்தி இணையதளங்களில் ஏற்கனவே வலம் வந்தது. இந்நிலையில் இந்த தகவல் உறுதியாகியுள்ளது. அதுமட்டுமின்றி இந்த படத்தின் டைட்டில் ‘விக்ரம்வேதா’ என்றும் அறிவிக்கப்பட்டுள்ளது.
மேலும் இந்த படத்தில் இரண்டு நாயகிகள் என்றும் அவர்கள் வரலட்சுமி சரத்குமார் மற்றும் ஷாரதா ஸ்ரீநாத் என்றும் அறிவிக்கப்பட்டுள்ளது. ஷாரதா ஸ்ரீநாத் கன்னட படமான ‘யூடர்ன்’ படத்தில் நடித்தவர் என்பதும் தற்போது அவர் மணிரத்னம் இயக்கி வரும் ‘காற்று வெளியிடை’ படத்தில் நடித்து வருபவர் என்பதும் குறிப்பிடத்தக்கது.
மேலும் இந்த படத்தில் ‘கிருமி’ பட நாயகன் கதிர் ஒரு முக்கிய கேரக்டரில் நடிப்பதாகவும், அனேகமாக அவர் வில்லனாக நடிக்க வாய்ப்பு இருப்பதாகவும் கூறப்படுகிறது.
ஒய்நாட் ஸ்டுடியோஸ் இந்த படத்தை தயாரிக்கின்றது.
