1000 திரையரங்குகளில் விக்ரம் நடித்த ’10 எண்றதுக்குள்ள’ ரிலீஸ்
பிரமாண்ட இயக்குனர் ஷங்கர் இயக்கத்தில் விக்ரம் நடித்த ‘ஐ’ திரைப்படத்தின் மாபெரும் வெற்றிக்கு பின் அவர் நடிப்பில் வெளிவரவிருக்கும் அடுத்த திரைப்படம் ’10 எண்றதுக்குள்ள’. இந்த படத்தில் .விக்ரம், சமந்தா, பசுபதி மற்றும் பலர் நடித்திருக்கின்றனர். கோலி சோடா’ இயக்குனர் விஜய் மில்டன் இப்படத்தை இயக்கியிருக்கிறார், ஏ.ஆர். முருகதாஸ் தயாரித்துள்ள இப்படத்திற்கு டி. இமான் இசையமைத்திருக்கிறார்.
இப்படம் வரும் அக்டோபர் 21ம் தேதி ரிலீஸாக உலகம் முழுவதும் பிரமாண்டமாக சுமார் 1000 திரையரங்குகளில் திரையிட உள்ளது. முதலில் இந்த படத்தின் தமிழ் பதிப்பு மட்டும் வெளியாகவுள்ளதாகவும், இந்த படத்தின் தெலுங்கு மற்றும் இந்தி மொழி மாற்றம் அடுத்த மாதம் வெளி வர உள்ளதாகவும் கூறப்படுகிறது.
மேலும் இதே நாளில் விஜய் சேதுபதி மற்றும் நயன்தாரா நடித்த ‘நானும் ரெளடி தான்’ திரைப்படமும் ரிலீஸாக உள்ளது. இந்த இரு திரைப்படங்களில் எந்த படம் வெற்றி பெறும் என்பதை பொறுத்திருந்து பார்ப்போம்.
