இந்தியாவின் பிரமாண்ட இயக்குனர்களில் ஒருவர் என புகழ்பெற்ற இயக்குனர் ஷங்கரின் ‘ஐ’ திரைப்படம் வரும் ஜனவரி 9ஆம் தேதி ரிலீஸாகும் என்று அதிகாரபூர்வமாக இன்று அறிவிக்கப்பட்டது.
ஏற்கனவே அஜீத்தின் என்னை அறிந்தால், விஷாலின் ஆம்பள, கார்த்தியின் கொம்பன், சிவகார்த்திகேயனின் காக்கி சட்டை ஆகிய படங்கள் பொங்கலுக்கு திரையிடவுள்ள நிலையில் ‘ஐ’ ரிலீஸும் உறுதியாகியுள்ளதால் தியேட்டர்கள் புக் செய்வதில் பெரும் போட்டி இருக்கும் என கூறப்படுகிறது.
ஆனால் ‘ஐ’ ரிலீஸ் ஆனால் அந்த படத்திற்குத்தான் முக்கியத்துவம் கொடுப்போம் என தியேட்டர் உரிமையாளர்கள் சங்கம் கூறியுள்ளதால் மற்ற படங்களுக்கு பெரும் நெருக்கடி ஏற்பட்டுள்ளது.
விக்ரம், எமி ஜாக்சன், நடித்துள்ள ‘ஐ’ படத்திற்கு ஏ.ஆர்.ரஹ்மான் இசையமைத்துள்ளார். ஆஸ்கார் ரவிச்சந்திரன் இந்த படத்தை தயாரித்துள்ளார். இந்த படத்தின் பட்ஜெட் ரூ.150 கோடிக்கும் அதிகம் என கூறப்படுகிறது.
