மும்பையில் விராத்-அனுஷ்கா திருமண வரவேற்பு: குவிந்த பிரபலங்கள்
விராத்கோஹ்லி, அனுஷ்காவின் திருமணம் சமீபத்தில் இத்தாலியில் நடைபெற்ற நிலையில் கடந்த இரண்டு நாட்களுக்கு முன்னர் டெல்லியில் வரவேற்பு நிகழ்ச்சியும் நடைபெற்றது. இந்த வரவேற்பு நிகழ்ச்சியில் பாரத பிரதமர் நரேந்திர மோடி உள்பட பல விஐபிக்கள் கலந்து கொண்டு விராத்-அனுஷ்கா ஜோடிக்கு வாழ்த்துக்களை தெரிவித்தனர்
இந்த நிலையில் கிரிக்கெட் நண்பர்கள் மற்றும் பாலிவுட் நட்சத்திரங்களுக்காக நேற்றிரவு மும்பையில் மீண்டும் ஒரு வரவேற்பு நிகழ்ச்சி நடந்தது. இந்த நிகழ்ச்சியில் அமிதாப்பச்சன், ஷாருக்கான், மாதுரி தீட்சிதி, கேத்ரினா கைப், இந்திய கிரிக்கெட் அணி வீரர்கள் உள்பட பலர் கலந்து கொண்டனர்
ஏ.ஆர்.ரஹ்மான் தனது மனைவியுடன் இந்த நிகழ்ச்சியில் கலந்து கொண்டு விராத்-அனுஷ்கா தம்பதிக்கு வாழ்த்துக்களை தெரிவித்தார். இந்த நிலையில் தென்னாப்பிரிக்கா தொடருக்காக விராத் கோஹ்லி விரைவில் தன்னை தயார்ப்படுத்தவுள்ளதாக கூறப்படுகிறது.
