ஆஸ்திரேலியாவில் உள்ள பிரிஸ்பேன் நகரில் இருந்து பாலி நகருக்கு இன்று புறப்பட்ட பயணிகள் விமானம் ஒன்று விமானத்தின் பயணி ஒருவரால் கடத்தப்பட்ட தகவலை அடுத்து பெரும் பரபரப்பு ஏற்பட்டுள்ளது.
மலேசிய விமானம் கடந்த மார்ச் மாதம் 8ஆம் தேதி காணாமல் போன பரபரப்பு இன்னும் அடங்காத நிலையில் இன்று காலை விர்ஜின் நிறுவன விமானம் ஒன்று பயணி ஒருவரால் கடத்தப்பட்டு வலுக்கட்டாயமாக தரையிறக்கப்பட்டதாக வந்த தகவலை அடுத்து பெரும் பரபரப்பு ஏற்பட்டுள்ளது.
ஆனால் இதுகுறித்து விளக்கம் அளித்த விர்ஜின் விமான நிறுவன மேலாளர் Heru Sudjatmiko, அவர்கள் விமானத்தில் பயணம் செய்த பயணி ஒருவர் குடிபோதையில் விமான பைலட்டிடம் தகராறு செய்ததால் அவர் மீது நடவடிக்கை எடுக்கவே விமானம் இறக்கப்பட்டதாகவும், விமானத்தை யாரும் கடத்தவில்லை என்றும், அதில் பயணம் செய்த பயணிகள் எவ்வித ஆபத்தும் இன்றி நலமாக இருப்பதாகவும் கூறப்பட்டுள்ளது.
