சிவகார்த்திகேயன், விமல் படங்களுக்கு விஷால் செய்த உதவி
இளையதளபதி விஜய், சிம்பு நடித்த ‘வாலு’ மற்றும் கவுண்டமணி நடித்த ”49ஓ’ ஆகிய படங்கள் ரிலீஸாக உதவியதுபோல, நடிகர் விஷாலும் சிவகார்த்திகேயன் மற்றும் விமல் படங்களின் புரமோஷன்களுக்கு உதவி செய்திருப்பதாக கூறப்படுகிறது.
விஷால் நடித்த ‘பாயும் புலி’ திரைப்படம் வரும் வெள்ளியன்று பிரமாண்டமாக ரிலீஸ் ஆகவுள்ளது. இந்த படத்துடன் சிவகார்த்திகேயன் நடித்த ‘ரஜினிமுருகன்’ மற்றும் விமல் நடித்த ‘மாப்ளே சிங்கம்’ ஆகிய படங்களின் டிரைலர் வெளியாகவுள்ளது. ‘பாயும் புலி’ படத்தை தயாரித்த வேந்தர் மூவீஸ் நிறுவனம்தான் ‘ரஜினிமுருகன்’ படத்தின் ரிலீஸ் உரிமையை பெற்றுள்ளது என்பதும், ‘பாயும் புலி’ படத்தின் ரிலீஸ் உரிமையை பெற்ற எஸ்கேப் ஆர்ட்டிஸ்ட் நிறுவனம்தான் விமல் நடித்த ‘மாப்ளசிங்கம்’ படத்தை தயாரித்துள்ளது என்பதும் குறிப்பிடத்தக்கது.
ஒரு படத்தை தயாரிக்கும் நிறுவனமும், அந்த படத்தை வெளியிடும் நிறுவனமும், அவர்கள் தயாரிக்கும் மற்ற படத்தின் விளம்பரத்திற்கும் பயன்படுத்தி கொள்ளும்முறை சினிமாவில் ஆரோக்கியமானது என்ற கருத்து நிலவி வருகிறது.
