‘மருது’ படத்திற்கு ‘யூ/ஏ சர்டிபிகேட். படக்குழுவினர் அதிர்ச்சி
விஷால் நடித்த மருது’ திரைப்படம் தமிழ், தெலுங்கு என இரண்டு மொழிகளிலும் வரும் 20ஆம் தேதி பிரமாண்டமாக ரிலீஸ் ஆகவுள்ளது. இந்நிலையில் இந்த படம் நேற்று தணிக்கை செய்யப்பட்டது.
தணிக்கை அலுவலக அதிகாரிகள் இந்த படத்தை பார்த்துவிட்டு படத்திற்கு ‘யூ/ஏ’ சர்டிபிகேட் அளித்துள்ளனர். மேலும் படத்தின் ஒருசில காட்சிகளை கட் செய்துவிட்டதாகவும் தகவல்கள் வெளிவந்துள்ளது.
‘மருது’ படத்திற்கு ‘யூ/ஏ சர்டிபிகேட் கிடைத்துள்ளதால் விஷால் உள்பட படக்குழுவினர் அதிர்ச்சி அடைந்துள்ளனர். இதனால் இந்த படத்திற்கு தமிழக அரசின் 30% வரிவிலக்கு கிடைக்க வாய்ப்பில்லை என்பது குறிப்பிடத்தக்கது.
விஷாலின் முந்தைய படமான ‘கதகளி’ ‘யூ’ சர்டிபிகேட் பெற்ற நிலையில் திருப்திகரமான வசூல் இல்லை என்று கூறப்பட்ட நிலையில் வரிவிலக்கு இல்லாத இந்த படத்தை வாங்க திரையரங்கு உரிமையாளர்கள் எந்த அளவுக்கு முன்வருவார்கள் என்பதை பொறுத்திருந்துதான் பார்க்க வேண்டும்.
