உறவினர்களிடம் அதிக அன்பும், பாசமும் கொண்ட, மேஷ ராசிக்காரர்களே!
உங்கள் ராசி நாதன் செவ்வாய், லாப ஸ்தானத்தில் அனுகூலமாக உள்ளார். புதன், ராகு நற்பலன் வழங்குவர். குடும்பத் தேவையை நிறைவேற்ற, தாராள அளவில் பண வரவு கிடைக்கும். மனதில் உத்வேகமும், செயல்களில் பரிமளிப்பும் உருவாகும். எதிர்ப்பு விலகி, முன்னேற்றப் பாதை எதுவென புலப்படும். உடன் பிறந்தவர்களின் உதவி உண்டு. வாகனத்தில் மித வேகம் பின்பற்றவும். புத்திரர் மனதில் நம்பிக்கை வளர, இதமாக அறிவுரை சொல்வீர்கள். இல்லறத் துணையிடம், கருத்து வேறுபாடு வராத அளவில் அன்பு பாராட்டுங்கள். தொழிலில் உருவாகிற வளர்ச்சியை கவனமுடன் பாதுகாக்கவும். பணியாளர்களுக்கு, ஓரளவு சலுகை கிடைக்கும். பெண்கள், கணவரின் வாழ்வியல் சூழ்நிலையை உணர்ந்து நடந்து கொள்ளவும். மாணவர்கள், ஆசிரியர் வாழ்த்தும் வகையில் படிப்பில் கவனம் கொள்வீர்கள்.
சந்திராஷ்டமம்: 15.1.15 இரவு 11:14 மணி முதல், 17.1.15 அன்று நாள் முழுவதும்.
பரிகாரம்: தட்சிணாமூர்த்தியை வழிபடுவதால், புதிய பணி எளிதாக நிறைவேறும்.
சிறு செயலிலும் ரசனை மிகுந்த மனதுடன் ஈடுபடும், ரிஷப ராசிக்காரர்களே!
உங்கள் ராசிக்கு, ஒன்பதாம் இடத்தில் உள்ள சுக்கிரன், 11ல் உள்ள கேது நற்பலன் தருவர். நண்பர், உறவினர்களிடம் பெற்ற நற்பெயரை பாதுகாப்பதில் அக்கறை கொள்வீர்கள். அரசு தொடர்பான அனுகூலம் பெறுவதில் தாமதம் இருக்கும். புத்திரரின் சேர்க்கை, சகவாசம் உணர்ந்து, அவர்கள் நல்வழியில் செயல்பட உதவுங்கள். விருந்து, விழாவில் கலந்து கொள்ள அழைப்பு வரும். இல்லறத் துணை, உங்களின் நல்ல குணம் பற்றி உறவினர்களிடம் சொல்லி பெருமிதம் கொள்வார். கூடுதல் உழைப்பினால் தொழில், வியாபாரத்தில் திட்டமிட்ட இலக்கை அடைய முடியும். பணியாளர்கள், அதிக பொறுப்பு உணர்வுடன் பணிபுரிய வேண்டும். பெண்கள், குடும்பத்தின் முக்கிய தேவைக்கு மட்டும் பணம் செலவு செய்வது நல்லது. மாணவர்கள், உடல் நலத்திற்கு ஒவ்வாத உணவை உண்ண வேண்டாம்.
பரிகாரம்: சூரிய பகவானை வழிபடுவதால், தந்தை வழி உறவினர் உதவி கிடைக்கும்.
தன்னைச் சார்ந்தவர் மனதிலும் நம்பிக்கை வளர்க்கும், மிதுன ராசிக்காரர்களே!
உங்கள் ராசிக்கு குடும்பம், பண வரவு ஸ்தானத்தில் உச்ச பலத்துடன் குரு உள்ளார். சனி, சுக்கிரன், புதன் கூடுதல் நற்பலன் தருவர். உடல் நலம் ஆரோக்கியம் பெற்று, பணிகளில் ஆர்வம் கொள்வீர்கள். பண வரவு திருப்திகரமான அளவில் கிடைக்கும். வீடு, புதிய வாகனம் வாங்க சிலருக்கு யோகம் உண்டு. புத்திரர், பெற்றோர், சான்றோர்களின் கருத்துகளை ஏற்று செயல்படுவர். வழக்கு விவகாரத்தில் சுமுக தீர்வு கிடைக்கும். இல்லறத் துணை, கருத்து ஒற்றுமையுடன் குடும்ப நலம் பேணுவார். தொழிலில் அபிவிருத்தி பணியை திட்டமிட்டபடி நிறைவேற்றலாம். பணியாளர்கள், கூடுதல் வேலைவாய்ப்பை மகிழ்வுடன் ஏற்றுக் கொள்வீர்கள். பெண்கள், கணவரின் கூடுதல் அன்பு, பாசம் கிடைத்து சந்தோஷ வாழ்வு பெறுவர். மாணவர்கள், புதிய பயிற்சியினால் படிப்பில் முன்னேற்றம் காண்பர்.
பரிகாரம்: மகாலட்சுமியை வழிபடுவதால், தொழில் சிறந்து மதிப்பு, மரியாதை அதிகரிக்கும்.
எளியவரையும் மதித்து பழகும் மனப்பான்மையுள்ள, கடக ராசிக்காரர்களே!
உங்கள் ராசிக்கு ராகு, சூரியன், சந்திரன் மட்டுமே நற்பலன் தருவர். கடந்த காலத்தில் நீங்கள் செய்த நற்செயலுக்கு, உரிய பலன் தேடி வரும். உடன் பிறந்தவர்களின் வாழ்க்கை முன்னேற்றம் பெற உதவுவீர்கள். நண்பருடன் வாகனத்தில் மிதவேகம் பின்பற்றவும். சொத்து ஆவணம் பாதுகாப்பதில் உரிய கவனம் வேண்டும். எதிர்வரும் சிரம சூழலை மதிநுட்பத்துடன் சரி செய்வீர்கள். இல்லறத் துணையின் உடல் நலம் சீராக, மருத்துவ சிகிச்சை உதவும். தொழில், வியாபாரத்தில் புதியவர்களின் வருகை, மாறுபட்ட தன்மையை எதிர்கொள்ள வைக்கும். பணியாளர்கள், நிர்வாகத்தின் சட்ட திட்டத்தை தவறாமல் பின்பற்ற வேண்டும். பெண்கள், கணவரின் பேச்சு, செயலில் குறை காணும் சிந்தனையை தவிர்க்கவும். மாணவர்கள், அதிக பயன் தராத பொருளை வாங்குவதில் ஆர்வம் வேண்டாம்.
பரிகாரம்: பைரவரை வழிபடுவதால், எதிர்ப்பு விலகி வாழ்வில் அனுகூலம் வளரும்.
தன்னம்பிக்கையும், செயல்களில் உறுதியும் கொண்ட, சிம்ம ராசிக்காரர்களே!
இந்த வாரம், உங்கள் ராசிக்கு புதன், சந்திரன் மட்டுமே நற்பலன் தருவர். எந்த செயலிலும் நிதானத்தை பின்பற்ற வேண்டும். சுயகவுரவம் பாதுகாப்பதற்காக, அதிக பணம் செலவு செய்கிற நிலையை தவிர்ப்பதால் சிரமம் விலகும். அளவான உழைப்பு, சீரான ஓய்வு, உடல் நல ஆரோக்கியத்தை பாதுகாக்கும். வெளியூர் பயணத்தில் கூடுதல் பாதுகாப்பை பின்பற்ற வேண்டும். புத்திரர், தம் தேவை நிறைவேற தாமதம் ஆவதால் வருத்தம் கொள்வர். இல்லறத் துணை, பணிகளில் சில குளறுபடிகளை எதிர்கொள்வார். தொழிலில் உருவாகிற மந்த நிலையை மாற்ற, உங்கள் நலம் விரும்புபவரின் ஆலோசனை உதவும். பணியாளர்கள், பணியிடத்தில் தேவையற்ற விஷயங்களில் விவாதம் பேச வேண்டாம். பெண்கள், பிறருக்காக பணப் பொறுப்பை ஏற்கக்கூடாது. மாணவர்கள், பாதுகாப்பு குறைந்த இடங்களில் செல்ல வேண்டாம்.
பரிகாரம்: சனி பகவானை வழிபடுவதால், மனதில் குழப்பம் விலகி சந்தோஷம் கூடும்.
நண்பர் கருத்தின் நியாயம் உணர்ந்து செயல்படும், கன்னி ராசிக்காரர்களே!
உங்கள் ராசிக்கு செவ்வாய், குரு, சுக்கிரன், சனி பகவானின் அருள் பலம் சிறப்பாக உள்ளது. பல நாள் மனதில் திட்டமிட்ட பணிகளை முழு முயற்சியுடன் மேற்கொள்வீர்கள். எதிர்பார்த்த நன்மை கிடைக்கும். இளைய சகோதரர் உதவி, ஆலோசனை வழங்குவர். நம்பகத்தன்மை இல்லாதவருக்கு வீடு, வாகனத்தில் இடம் தர வேண்டாம். புத்திரர் விரும்பிய பொருளை, தாராள பணச் செலவில் வாங்கித் தருவீர்கள். விவகாரங்களில் அனுகூலத் தீர்வு கிடைக்கும். இல்லறத் துணை, கூடுதல் அன்பு, பாசத்துடன் நடந்து கொள்வார். தொழில், வியாபாரத்தில் வளர்ச்சி பெற புதிய வாய்ப்பு வரும். பணியாளர்கள், தன் கடமையை உணர்ந்து பணிபுரிவீர்கள். பெண்கள், புத்தாடை, அணிகலன் வாங்க அனுகூலம் உண்டு. மாணவர்கள், புதியவர்களை நண்பராக ஏற்பதில் உரிய கவனம் வேண்டும்.
பரிகாரம்: ஆஞ்சநேயரை வழிபடுவதால், சுப செய்தி எதிர்பார்த்தபடி கிடைக்கும்.
செயல்களில் நியாயம், நேர்மை குணம் அதிகம் பின்பற்றும், துலாம் ராசிக்காரர்களே!
உங்கள் ராசிக்கு சூரியன், புதன், சுக்கிரன், கேதுவின் அமர்வு சிறப்பான இடங்களில் உள்ளன. மனதில் ஞானம் நிறைந்த சிந்தனை உருவாகி, புதிய பாதையில் நடைபோட வைக்கும். நிம்மதி நிறைந்த வாழ்க்கை முறை உருவாகும். சமூகப் பணியிலும் ஈடுபாடு கொள்வீர்கள். புத்திரரின் உடல் நலம் ஆரோக்கியம் பெற, சத்தான உணவை உண்ணத் தருவீர்கள். எதிர்ப்பாளர், உங்களின் நல்ல செயல்களை வியப்புடன் கவனிப்பர். இல்லறத் துணை வழிசார்ந்த உறவினர்களால் உதவி உண்டு. தொழில், வியாபாரத்தில் புதிய மாற்றம் கொண்டு வர முயற்சி மேற்கொள்வீர்கள். பணியாளர்கள், நிர்வாகத்தின் வழிகாட்டுதலை பின்பற்றி நற்பெயர் பெறுவீர்கள். பெண்கள், குடும்ப உறுப்பினர்களின் விருப்பம் நிறைவேற்றுவதில் அக்கறை கொள்வீர்கள். மாணவர்களின் படிப்புக்கான பண வசதி, திருப்திகரமான அளவில் கிடைக்கும்.
பரிகாரம்: கிருஷ்ணரை வழிபடுவதால் நன்மையும், செல்வ வளமும் அதிகரிக்கும்.
பிறர் போற்றும் வகையில் சமூகப் பணி புரிந்திடும், விருச்சிக ராசிக்காரர்களே!
இந்த வாரம், உங்கள் ராசிக்கு சுக்கிரன், ராகு, குருவின் அமர்வு சிறப்பான இடங்களில் உள்ளன. வாரப் பிற்பகுதி நாட்களில், சூரியன் நற்பலன் தருவார். மனம், செயலில் உற்சாகம் அதிகரிக்கும். நல்லோரின் ஆதரவு கிடைத்து, பல நாள் திட்டமிட்ட செயலை நிறைவேற்றுவீர்கள். நீண்ட துார வாகன பயணம், பயன் அறிந்து மேற்கொள்ளவும். புத்திரரின் சந்தேகத்தை நிவர்த்தி செய்வதில் முக்கிய கவனம் கொள்வீர்கள். விவகாரங்களில் விலகுவதால் பணச் செலவு, கால விரயம் வராமல் தவிர்க்கலாம். இல்லறத் துணை, குடும்ப ஒற்றுமையை பாதுகாத்திடுவார். தொழில், வியாபாரத்தில் வளர்ச்சி நிலை உருவாகும். உத்தியோகஸ்தர்கள், பணியாளர்களுக்கு ஊக்கம் தந்து பணி இலக்கு நிறைவேற்றுவர். பெண்கள், இஷ்ட தெய்வ வழிபாடு நடத்துவீர்கள். மாணவர்கள், சாகச விளையாட்டில் ஈடுபடக் கூடாது.
பரிகாரம்: விநாயகரை வழிபடுவதால், விவகாரம் அணுகாத நல்வாழ்வு பெறுவீர்கள்.
திட்டமிட்ட இலக்குகளை சாமர்த்தியமாக நிறைவேற்றும், தனுசு ராசிக்காரர்களே!
உங்கள் ராசிக்கு சுக்கிரன், செவ்வாய், சந்திரன் மட்டுமே நற்பலன் வழங்குவர். பிறர் மனம் அறிந்து பேசி, நற்பெயரை பாதுகாப்பீர்கள். எதிர்ப்பு விலகி, வாழ்வில் முன்னேற்றம் பெற புதிய வாய்ப்புகளை பெற்றுத் தரும். இஷ்ட தெய்வ அருள் பலம் துணை நிற்கும். ஆன்மிக நம்பிக்கை உள்ளவர்களின் அறிமுகம், உதவி கிடைக்கும். குடும்ப உறுப்பினர், ஒற்றுமை எண்ணங்களுடன் செயல்படுவர். பூர்வ சொத்தில் வளர்ச்சியும், திருப்திகர பணவரவும் கிடைக்கும். இல்லறத் துணை, உங்களை புகழ் மிக்கவராக உருவாக்குவார். தொழிலில் உற்பத்தி, விற்பனை அளவுடன் இருக்கும். பணியாளர்கள், பணியின் தரம் குறித்து அதிப்தியாக பேசுபவரிடம் விலகுவது நல்லது. பெண்கள், பணச் செலவில் சிக்கனம் பின்பற்றுவது அவசியம். மாணவர்கள், வெளியிடம் சுற்றுவதை குறைக்கவும்.
பரிகாரம்: முருகப் பெருமானை வழிபடுவதால், பண வரவுக்கு ஏற்ப செலவு உருவாகும்.
இயலாதவர்களுக்கு உதவி புரிந்து மனமகிழ்ச்சி பெறும், மகர ராசிக்காரர்களே!
உங்கள் ராசியில் அனுகூலமாக உள்ள சுக்கிரனை, சனி, கேது, குரு அனுகூல இடங்களில் அமர்வு பெற்று பார்க்கின்றனர்; இதனால், நடை, உடை, செயலில் வசீகர மாற்றம் உருவாகும். முக்கியஸ்தரின் அன்பு, உதவி கிடைக்கும். தெய்வ வழிபாடுகளில் ஆர்வம் கொள்வீர்கள். குடும்பத்தில் மங்கள நிகழ்வு ஏற்படும். அதிக விலையுள்ள பொருட்களை கவனமுடன் பாதுகாக்க வேண்டும். புத்திரர் விரும்பிய பொருளை வாங்கித் தருவீர்கள். பணி சார்ந்த வெளியூர் பயணம் ஏற்படலாம். இல்லறத் துணை, கருத்து ஒற்றுமையுடன் குடும்ப நலம் பேணுவார். தொழிலில் உற்பத்தி, விற்பனை செழித்து உபரி பண வரவு கிடைக்கும். பணியாளர்கள், சிறப்பாக பணிபுரிந்து பாராட்டு, வெகுமதி பெறுவீர்கள். பெண்களுக்கு, தாய் வீட்டு உதவி கிடைக்கும். மாணவர்கள், பிறர் பொருளை பாதுகாக்கும் பொறுப்பை ஏற்க கூடாது.
பரிகாரம்: துர்க்கையம்மனை வழிபடுவதால், குடும்பத்தில் ஒற்றுமை சீராகும்.
சிறு அளவில் பெறுகின்ற நன்மையையும் பெரிதென போற்றும், கும்ப ராசிக்காரர்களே!
உங்கள் ராசிக்கு சூரியன், சுக்கிரன், சனி பகவான் மட்டுமே இந்த வாரம் நற்பலன் வழங்குவர். இயலாது என ஒதுக்கி வைத்த பணியை, உத்வேகமுடன் நிறைவேற்றுவீர்கள். அரசு சார்ந்த அனுகூலம் பெற உதவி உண்டு. உறவினர் குடும்ப விவகாரங்களில் சமரசம் பேச வருகிற அழைப்பை தவிர்க்கவும். பூர்வ சொத்தில் இருந்த இடையூறு விலகும். புத்திரர், உங்கள் சொல் கேட்டு நடந்து கொள்ள முயற்சிப்பர். சத்து நிறைந்த உணவு, சீரான ஓய்வு, உடல் நலம் காக்க உதவும். இல்லறத் துணை விரும்பிய பொருளை வாங்கித் தருவீர்கள். தொழில், வியாபாரத்தில் உள்ள அனுகூலத்தை கவனமுடன் பாதுகாக்கவும். பணியாளர்கள், பொறாமை குணம் உள்ளவர்களிடம் சொந்த விசயம் பேச வேண்டாம். பெண்கள், நகை இரவல் கொடுக்க, வாங்கக் கூடாது. மாணவர்கள், படிப்பில் சிறப்பு பெற சிலரது உதவி கிடைக்கும்.
சந்திராஷ்டமம்: 11.1.15 அதிகாலை 4:12 மணி முதல், 13.1.15 மதியம் 2:57 மணி வரை.
பரிகாரம்: காமதேனுவை வழிபடுவதால், வாழ்வில் பெற்ற நலன்கள் பாதுகாப்பாக இருக்கும்.
கூடுதல் பணிகளை சவாலாக கருதி நிறைவேற்றும், மீன ராசிக்காரர்களே!
உங்கள் ராசிக்கு குரு, சூரியன், சுக்கிரன், புதனின் அமர்வு சிறப்பான இடங்களில் உள்ளது. எண்ணங்களில் புதுமை கருத்து உருவாகும். தாமதமான பணியை நிறைவேற்ற, அதிர்ஷ்டகர வாய்ப்பு கிடைக்கும். தம்பி, தங்கைக்கு மங்கள நிகழ்ச்சிக்கான பேச்சுவார்த்தை திருப்திகரமாகும். வீடு, வாகனத்தில் அபிவிருத்தி பணி மேற்கொள்ளலாம். புத்திரரின் சொல்லும், செயலும் சிறப்பாக அமைந்து பெருமை தேடித் தரும். நிலுவைப் பணம் வசூலாகும். இல்லறத் துணை, உங்களின் நல்ல குணம் பாராட்டுவார். புதியவர்களின் வரவேற்பு கிடைத்து தொழில், வியாபாரத்தில் வளர்ச்சி காண்பீர்கள். அரசியல்வாதிகளுக்கு, பொறுப்பான பதவி பெற அனுகூலம் உண்டு. பெண்கள், பிள்ளைகள் நலனில் அதிக அக்கறை கொள்வீர்கள். மாணவர்கள், மகிழ்ச்சிகர மனதுடன் படித்து, நல்ல தேர்ச்சி விகிதம் பெறுவர்.
சந்திராஷ்டமம்: 13.1.15 மதியம் 2:58 மணி முதல், 15.1.15 இரவு 11:13 மணி வரை.
பரிகாரம்: நாக தேவதையை வழிபடுவதால், எதிரியினால் தொல்லை அணுகாத நிலை ஏற்படும்.
