உழைப்பில் கவனம் செலுத்தி, சுய வாழ்வை வளமாக்கும், மேஷ ராசிக்காரர்களே!
உங்கள் ராசிநாதன் செவ்வாய் ஆதாய ஸ்தானத்தில் அனுகூலமாக உள்ளார். ராகு, சூரியன், புதன் கூடுதல் அளவில் நற்பலன் தருவர். எதிர்மறையான சூழலை சரி செய்து முன்னேற்ற பாதையில் நடை போடுவீர்கள். உடன் பிறந்தவர்களின் உதவி கிடைக்கும். வீடு, வாகனத்தில் அதிக பயன்பாட்டு வசதி பெற சில மாற்றம் செய்வீர்கள். புத்திரரின் நற்செயல் மனதை மகிழ்விக்கும். உடல் நல ஆரோக்கியம் பலம்பெறும். தம்பதியர் பழைய விவகாரம் குறித்து பேச வேண்டாம். தொழில் சார்ந்த வகையில், அரசு உதவி கிடைக்க அனுகூலம் உண்டு. பணியாளர் கடமை உணர்ந்து செயல்படுவீர்கள். பெண்கள், பணச்செலவில் சிக்கனம் பின்பற்றுவீர்கள். மாணவர்கள், பெற்றோர், ஆசிரியரின் கருத்தை ஏற்று நடப்பீர்கள்.
பரிகாரம்: தட்சிணாமூர்த்தியை வழிபடுவதால், செயல்கள் சமயோசிதமாக நிறைவேற்ற வழி பிறக்கும்.
அடுத்தவரின் துன்பம் தீர ஆறுதலாக உதவும், ரிஷப ராசிக்காரர்களே!
உங்கள் ராசிநாதன் சுக்கிரன் பாக்ய ஸ்தானத்தில் அனுகூலமாக உள்ளார். சந்திரன், கேது நற்பலன் தருவர். ஆடம்பரச் செலவுகளால் சேமிப்பு பணம் குறையும். புதிய வாய்ப்புக்களை பயன்படுத்துவதால் வாழ்க்கைத்தரம் மேம்படும். பொது இடங்களில் எவருடனும் அதிகம் பேச வேண்டாம். வீடு, வாகன பாதுகாப்பில் கூடுதல் கவனம் வேண்டும். புத்திரர், வார பிற்பகுதி நாட்களில் தம் கடமை எது என உணர்ந்து கொள்வர். உறவினர் இல்ல விருந்து விழாவில் மகிழ்ச்சியுடன் கலந்து கொள்வீர்கள். இல்லறத்துணை ஒற்றுமையுடன் நடந்து கொள்வர். தொழில், வியாபாரத்தில் உருவாகிற இடையூறை தாமதமின்றி சரி செய்யவும். பணியாளர்கள் கூடுதல் வேலைவாய்ப்பை தவறாமல் ஏற்கவும். பெண்கள், குடும்ப நலன் சிறக்க தேவையான பணி மேற்கொள்வீர்கள். மாணவர்கள், புதிய பயிற்சி முறையால் படிப்பில் நல்ல தேர்ச்சி பெறலாம்.
பரிகாரம்: அர்த்தநாரீஸ்வரரை வழிபடுவதால், குடும்பத்தில் ஒற்றுமை வளரும்.
சொந்த பணிகளை உடனடியாக நிறைவேற்றும் மிதுன ராசிக்காரர்களே!
உங்கள் ராசிக்கு குரு, சனி, சுக்கிரன், புதனின் அமர்வு சிறப்பாக உள்ளது. கூடுதலாக உருவாகிற பணியை விருப்பமுடன் மேற்கொள்வீர்கள். புதியவர்களின் அன்பு, ஆதரவு கிடைக்கும். வாகன பயணம் இலகுவாக அமையும். உடன் பிறந்தவர்களின் கஷ்டம் தீர, இயன்ற அளவு உதவுவீர்கள். புத்திரர் உங்கள் சொல்படி நடந்து படிப்பு மற்றும் அறிவுத்திறனில் முன்னேற்றம் பெறுவர். எதிரி உங்களின் சமூக அந்தஸ்து கண்டு வியந்து விலகுவர். இல்லறத்துணை விரும்பிய பொருள் வாங்கித் தருவீர்கள். தொழிலில் உற்பத்தி, விற்பனை செழிக்கும். பணியாளர்களுக்கு சலுகை கிடைக்கும். பெண்கள், வீட்டு உபயோகப் பொருள் வாங்குவீர்கள். மாணவர்கள், ஞாபகத்திறன் வளர்த்து படிப்பில் கூடுதல் தேர்ச்சி பெறுவீர்கள்.
பரிகாரம்: தன்வந்திரி பகவானை வழிபடுவதால், உடல்நலம் ஆரோக்கியம் பெறும்.
மன அமைதியாக வாழ்வது, வளமான செல்வம் என கருதும் கடக ராசிக்காரர்களே!
உங்கள் ராசிக்கு சந்திரன், ராகு முழு அளவில் நற்பலன் தருவர். வார பிற்பகுதி நாட்களில் புதன் அதிர்ஷ்கரமான பலன் வழங்குவார். சமூகத்தில் பெற்ற நற்பெயரை பாதுகாக்கும் வகையில் நேர் வழியில் செயல்படுவீர்கள். வாகன பயன்பாடு அளவுடன் இருக்கும். புத்திரர் கவனக்குறைவான செயலால் சிரமம் எதிர்கொள்வர். உங்களின் கனிவான வழிகாட்டுதல், அவர்களை ஊக்கப்படுத்தும். உடல்நலத்திற்கு சீரான ஓய்வு அவசியம். இல்லறத்துணை, சில விஷயங்களில் மனக்குழப்பத்துடன் பேசுவார். தொழில், வியாபாரத்தில் சிறு அளவில் போட்டி ஏற்படலாம். இயந்திரபிரிவு பணியாளர்கள், பாதுகாப்புமுறை தவறாமல் பின்பற்ற வேண்டும். பெண்கள், உறவினர் குடும்ப விவகாரங்களில் கருத்து சொல்ல வேண்டாம். மாணவர்கள், சாகச விளையாட்டில் ஈடுபடக்கூடாது.
பரிகாரம்: சிவபெருமானை வழிபடுவதால், வாழ்வில் துன்பம் விலகி நன்மை ஏற்படும்.
சமயோசிதமான செயலால் சாதனை நிகழ்த்தும் சிம்ம ராசிக்காரர்களே!
உங்கள் ராசிநாதன் சூரியனுடன், தன ஸ்தான அதிபதி புதன் ஆறாம் இடத்தில் அனுகூலமாக உள்ளார். மனதில் புதிய ஞானம் பிறக்கும். வாழ்வியல் தொடர்பான சில உண்மை உணருவீர்கள். உடன் பிறந்தவர்களின் எண்ணத்திற்கு மாறாக நீங்கள் எதுவும் பேசவேண்டாம். வெளியூர் பயணத்தில் உரிய பாதுகாப்பு வேண்டும். புத்திரர் சுதந்திர எண்ணங்களுடன் செயல்பட விரும்புவர். வழக்கு விவகாரங்களில் அனுகூலத் தீர்வு கிடைக்கும்.இல்லறத்துணையின் உடல் நலம் சீராக மருத்துவ சிகிச்சை உதவும். தொழில், வியாபார நடைமுறை சராசரி அளவில் இருக்கும். பணியாளர், தன் கடமை உணர்ந்து பணிபுரிவது நற்பெயர் பெற்றுத்தர உதவும். பெண்கள், சேமிப்பு பணத்தில் பிள்ளைகளின் தேவை நிறைவேற்றுவர். மாணவர்கள், பாதுகாப்பு குறைந்த இடங்களில் செல்லக்கூடாது.
சந்திராஷ்டமம்: 24.1.15 நள்ளிரவு 12:01 மணி முதல் 26.1.15 மாலை 5:30 மணி வரை.
பரிகாரம்: பைரவரை வழிபடுவதால், மனதில் கவலை விலகி நிம்மதி ஏற்படும்.
எந்த செயலையும் திட்டமிட்டு நிறைவேற்றும் கன்னி ராசிக்காரர்களே!
உங்கள் ராசிக்கு சனி, சுக்கிரன், செவ்வாய் குருவின் அமர்வு சிறப்பாக உள்ளது. மகளின் ஜாதக யோக பலம், உங்கள் வாழ்வில் பலவித நன்மைகளை பெற்றுத்தரும். சமூகத்தில் உயர் அந்தஸ்து பெறுவீர்கள். குடும்பத்தில் மங்கல நிகழ்வு, உறவினர் வருகை கூடுதல் மகிழ்ச்சி தரும். புத்திரர் அறிவுத்திறமையை பயன்படுத்தி படிப்பு, வேலையில் முன்னேற்றம் காண்பர். எதிரியால் தொந்தரவு அணுகாத சுமுக வாழ்வு ஏற்படும். இல்லறத்துணை உங்களின் அன்பு நிறைந்த குணத்தை பாராட்டுவார். தொழில், வியாபாரத்தில் போட்டியை சமாளித்து கூடுதல் பணவரவு பெறுவீர்கள். பணியாளர், இலகுவாக பணி இலக்கு நிறைவேற்றுவீர்கள். பெண்களுக்கு, தாய்வீட்டு உதவி கிடைக்கும். மாணவர்கள், நன்றாக படித்து பாராட்டு, வெகுமதி பெறுவீர்கள்.
சந்திராஷ்டமம்: 26.1.15 மாலை 5:31 மணி முதல் 28.1.15 இரவு 9:46 மணி வரை.
பரிகாரம்: ஆஞ்சநேயரை வழிபடுவதால், தொழில், வியாபாரம் முன்னேற்றம் பெறும்.
லட்சியங்களை கண்போல கருதி நாளும் செயல்படும் துலாம் ராசிக்காரர்களே!
உங்கள் ராசிநாதன் சுக்கிரன் நான்காம் இடமான சுகஸ்தானத்தில் புதனுடன் உள்ளார். மீனத்தில் உள்ள கேது, மனதில் நல்ல ஞானத்தை தருவார். பேசும் வார்த்தையில் நிதானம், கூடுதல் நன்மையை பெற்றுத்தரும். தாய்வழி உறவினர்களிடம் இருந்த மனக்கிலேசம் விலகும். புத்திரர் விளையாட்டுத்தனமான குணங்களுடன் செயல்படுவர். உங்களின் வழிகாட்டுதல் நல்வழி நடத்தும். இஷ்டதெய்வ அருள் பலம் துணை நின்று வாழ்வில் சிரமம் அணுகாதவாறு பாதுகாக்கும். இல்லறத்துணை கூடுதல் அன்பு, பாசத்துடன் நடந்து கொள்வார். தொழில், வியாபாரம் முன்னேற்றம் பெற புதிய அனுகூலம் பிறக்கும். பணியாளர், பணியில் சமயோசிதமாக செயல்படுவீர்கள். பெண்களுக்கு, தாய்வீட்டு உதவி கிடைத்து, மனதில் மகிழ்ச்சியை அதிகரிக்கும். மாணவர்களின் படிப்புக்கான பணவசதி திருப்திகர அளவில் கிடைக்கும்.
சந்திராஷ்டமம்: 28.1.15 இரவு 9:47 மணி முதல் 30.1.15 அதிகாலை 4:10 மணி வரை.
பரிகாரம்: விநாயகரை வழிபடுவதால்,குடும்பத்தில் மங்கல நிகழ்வு உண்டாகும்.
நற்செயல்களால் சமூகத்தில் நன்மதிப்பு பெறும் விருச்சிக ராசிக்காரர்களே!
உங்கள் ராசிக்கு சூரியன், சுக்கிரன், குரு, ராகுவின் அமர்வு சிறப்பான பலன் தரும் இடங்களில் உள்ளது. மனதில் இருந்த தாழ்வு மனப்பான்மை விலகும். புதுமை எண்ணங்களுடன் பணிபுரிவீர்கள். உங்களை அவமதித்து பேசுபவர்களிடம் விலகுவது நல்லது. தம்பி, தங்கையின் வாழ்வு நலம் சிறக்க உதவுவீர்கள். வாகனத்தில் மிதவேகம் பின்பற்றவும். பூர்வ சொத்தில் பெறுகிற நன்மை அதிகரிக்கும். புத்திரர் விரும்பிய பொருள் வாங்கித் தருவீர்கள். பிறருக்காக பணப் பொறுப்பு ஏற்க வேண்டாம். இல்லறத் துணை, உங்களுக்கு உதவிகரமாக நடந்து கொள்வார். தொழில், வியாபார வளர்ச்சிக்கு புதியவர்களின் ஆதரவு முக்கிய காரணியாக இருக்கும். பணியாளர், ஓய்வு நேரத்தை பயன் உள்ளதாக்குவர். பெண்கள், வீட்டை அழகுபடுத்த கலை அம்சம் நிறைந்த பொருள் வாங்குவர். மாணவர்கள், சாகச விளையாட்டில் ஈடுபடக்கூடாது.
சந்திராஷ்டமம்: 30.1.15 அதிகாலை 4:11 மணி முதல், 31.1.15 அன்று நாள் முழுவதும்.
பரிகாரம்: ஸ்ரீகிருஷ்ணரை வழிபடுவதால், எண்ணமும், செயலும் சிறப்பாக அமையும்.
முயற்சி நிறைவேறும் வரை மனம் தளராமல் செயல்படும் தனுசு ராசிக்காரர்களே!
உங்கள் ராசிக்கு இரண்டில் சுக்கிரன், மூன்றில் செவ்வாய் அமர்ந்து அனுகூல பலன் தருகின்றனர். புதியவர்களின் அன்பு, பாசம் கிடைத்து மனதில் உற்சாகம் பெறுவீர்கள். பணிகளில் இருந்த தாமதம் விலகி முன்னேற்றம் ஏற்படும். உடன் பிறந்தவர், உங்களின் சொல்லுக்கு கூடுதல் மரியாதை தருவர். வாகன பாதுகாப்பில் உரிய கவனம் வேண்டும். புத்திரர் படிப்பு, வேலையில் சிறப்பிடம் பெறுவர். எதிர்ப்புகளை சரி செய்ய சிறிதளவு பணம் செலவாகும். இல்லறத் துணை, உங்களின் அருமை, பெருமையை மனதார பாராட்டுவார். தொழிலில் உற்பத்தி, விற்பனை சராசரி அளவில் இருக்கும். பணியாளர்கள், பணச் செலவில் சிக்கனம் பின்பற்றுதல் நல்லது. குடும்பப் பெண்கள், சமையலறை பணியில் நிதானம் கடைபிடிக்கவும். மாணவர்கள்,
வெளியிடம் சுற்றுவதை குறைப்பது நல்லது.
பரிகாரம்: மாரியம்மனை வழிபடுவதால், வீட்டில் மகிழ்ச்சி நிறைந்திருக்கும்.
கருணை மிகுந்த செயல்களால் இறையருள் பெறுகின்ற மகர ராசிக்காரர்களே!
உங்கள் ராசிநாதன் சனி பகவான் ஆதாய ஸ்தானத்தில் உள்ளார். சுக்கிரன், கேது, குரு கூடுதல் அளவில் நற்பலன் தருவர். செயல்கள் சிறப்பாக அமைந்து பலவித நன்மையை பெற்றுத் தரும். ஆன்மிக அருள் பெற்றவர்களின் அன்பு, ஆசி கிடைக்கும். அதிக விலையுள்ள பொருளை கவனமுடன் பாதுகாக்கவும். புத்திரரின் எதிர்கால நலன் சிறக்க பணிபுரிவீர்கள். பொறாமை குணம் உள்மனதில் வைத்து பேசுபவரிடம் விலகுவது நல்லது. இல்லறத் துணை, கூடுதல் அன்பு பாராட்டுவார். தொழில், வியாபாரம் செழித்து லாப விகிதம் அதிகரிக்கும். பணியாளர், இலகுவாக பணிபுரிந்து நன்மதிப்பு, வெகுமதி பெறுவீர்கள். பெண்கள், குடும்ப உறுப்பினர்களின் தேவையை நிறைவேற்றுவதில் கவனம் கொள்வர். மாணவர்கள், நண்பர்களிடம் படிப்பு தவிர பிற விவாதம் பேச வேண்டாம்.
பரிகாரம்: சனி பகவானை வழிபடுவதால், வாழ்வு சிறக்க சகல வளமும் கிடைக்கும்.
புதுமைக் கருத்துக்களை துணிந்து வரவேற்கும் கும்ப ராசிக்காரர்களே!
உங்கள் ராசிக்கு இந்த வாரம் சுக்கிரன் மற்றும் சந்திரன் நற்பலன் தருவர். பணச் செலவில் சிக்கனம் பின்பற்றுவதால் கடன் பெறுகிற சூழல் வராமல் தவிர்க்கலாம். சிலர், சுயலாபம் கருதி உங்களை புகழ்ந்து பேசுவர். அவர்களிடம் விலகி சொந்தப் பணியில் கவனம் கொள்வது நல்லது. வாகன பயன்பாடு சராசரி அளவில் இருக்கும். புத்திரரின் செயல்களில் வருகிற குளறுபடியை தவிர்க்க உதவுவீர்கள். தாய் வழி சார்ந்த குல தெய்வத்தை வழிபட அனுகூலம் ஏற்படும்.
இல்லறத் துணை சேமிப்பு பணத்தில் உங்களின் தேவையை நிறைவேற்ற உதவுவார். தொழில், வியாபார நடைமுறை கூடுதல் உழைப்பினால் சீராகும். பணியாளர் பாதுகாப்பு நடைமுறையை கவனமுடன் பின்பற்றவும். பெண்கள், அதிக பயன் தராத பொருள் வாங்க வேண்டாம். மாணவர்கள், படிப்பில் முன்னேற்றம் காண்பர்.
பரிகாரம்: முருகப் பெருமானை வழிபடுவதால், திட்டமிட்ட பணி எளிதில் நிறைவேறும்.
வாக்குறுதி தருவதில் நிதானம் பின்பற்றும் மீன ராசிக்காரர்களே!
உங்கள் ராசிக்கு குரு, சூரியன், புதன், சுக்கிரனின் அமர்வு சிறப்பான இடங்களில் உள்ளது. மனதில் உற்சாகம், பணியில் நேர்த்தி உருவாகும். புதிய திட்டம் நிறைவேறிய மகிழ்ச்சியில், இயலாதவர்களுக்கு உதவுவீர்கள். சமூகத்தில் கூடுதல் மதிப்பு, மரியாதை கிடைக்கும். புத்திரர், அறிவு சார்ந்த செயல்களால் பெருமை தேடித் தருவர். அரசு தொடர்பான நன்மை எளிதாக பெறலாம். எதிர்ப்பாளர் சொந்த சிரமங்களால் விலகுவர். இல்லறத் துணை ஒற்றுமை குணத்துடன் நடந்து கொள்வார். தொழிலில் அபிவிருத்தி பணிபுரிவீர்கள். பணியாளர், கூடுதல் தொழில் நுட்பம் அறிந்து கொள்வர். பெண்கள், ஆடை, அணிகலன் வாங்க நல்லயோகம் உண்டு. மாணவர்கள், படிப்பில் சிறந்த தேர்ச்சி பெறுவர்.
பரிகாரம்: சூரிய பகவானை வழிபடுவதால், அரசு சார்ந்த உதவி எளிதில் பெறலாம்.
