சுறுசுறுப்பாக பணிபுரிந்து வாழ்வில் முன்னேறும், மேஷ ராசிக்காரர்களே!
இந்த வாரம், உங்கள் ராசிக்கு ஆறாம் இடத்தில் முக்கூட்டு கிரகங்களாக இடம் பெற்றுள்ள சூரியன், ராகு, புதன் அனுகூல பலன் தருவர். செயல்களை நிதானமாக மேற்கொண்டு உரிய நன்மை அடைவீர்கள். எவருடனும் அதிகம் பேச வேண்டாம். உடன்பிறந்தவர்களின் உதவி உண்டு. வாகன பயன்பாடு சீராக இருக்கும். புத்திரர் தகுதி, திறமையில் முன்னேற்றம் காண்பர். உடல்நலம் ஆரோக்கியம் பலம் பெறும். இல்லறத்துணையின் கருத்துக்கு உரிய முக்கியத்துவம் தர வேண்டும். தொழிலில் உற்பத்தி, விற்பனை தாமத கதியில் இயங்கும். பணியாளர்கள், கடமை உணர்ந்து செயல்படுவது அவசியம். பெண்கள், அத்தியாவசிய செலவு மட்டும் ஏற்பது நல்லது. மாணவர்கள், அக்கறையுடன் படித்து நல்ல தேர்ச்சி பெறுவீர்கள்.
சந்திராஷ்டமம்: 28.9.14 மாலை, 4:35 மணி முதல் 30.9.14 இரவு 9:43 மணி வரை.
பரிகாரம்: துர்க்கை அம்மனை வழிபடுவதுடன், ஏழைக்குடும்பத்திற்கு துவரம் பருப்பு தானம் வழங்கலாம்.
இனிய வார்த்தை பேசி நற்பெயர் பெறுகின்ற, ரிஷப ராசிக்காரர்களே!
இந்த வாரம், உங்கள் ராசிக்கு ஐந்தாம் இடத்தில் சுக்கிரன், ஆறில் சனி, பதினொன்றில் கேது அமர்வில் நற்பலன் பெறுவீர்கள். பேசுவதை விட, செயலுக்கு முக்கியத்துவம் தருவது அவசியம். தம்பி, தங்கையின் கூடுதல் அன்பு நெகிழ்ச்சி தரும். வீடு, வாகனத்தில் பராமரிப்பு பணி தேவைப்படும். புத்திரர், படிப்பு வேலைவாய்ப்பில் முன்னேற்றம் காண்பர். எதிரி மறைமுகமாக சிலர் மூலம் உதவி கேட்கும் நிலைமை உருவாகும். இல்லறத்துணை, பணவரவு அதிகம் பெற புதிய ஆலோசனை சொல்வார். தொழில், வியாபாரம் செழித்து, உபரி பணவரவுகிடைக்கும். பணியாளர்கள், சலுகை பெற நல்யோகம் உண்டு. பெண்கள், குடும்பத்திற்கான நன்மை கிடைத்து இஷ்ட தெய்வ வழிபாடு நடத்துவர். மாணவர்கள், உடல்நலத்திற்கு ஒவ்வாத உணவு உண்ண வேண்டாம்.
சந்திராஷ்டமம்: 30.9.14 இரவு 9:44 மணி முதல் 2.10.14 இரவு 12:56 மணி வரை.
பரிகாரம்: சரஸ்வதியை வழிபடுவதுடன் ஏழைக்குழந்தைகளின் படிப்புக்கு உதவலாம்.
நல்லவர்களின் வழிகாட்டுதல் ஏற்று செயல்புரியும், மிதுன ராசிக்காரர்களே!
இந்த வாரம், உங்கள் ராசிக்கு குரு, சுக்கிரன், புதன், செவ்வாய் அனுகூல பலன் தரும் இட அமர்வில் உள்ளனர். வார்த்தையில் வசீகரம், உண்மையின் தன்மை வெளிப்படும். சமூக நிகழ்வுகளில் புதிய பாடம் கற்றுக் கொள்வீர்கள். உறவினர்களின் வருகையால் வீட்டில் மகிழ்ச்சி அதிகரிக்கும். புத்திரர் விரும்பிய பொருமை, தாராள பணச்செலவில் வாங்கித் தருவீர்கள். எதிர்மறையாக உங்களிடம் செயல்பட்டவர், சொந்தப் பணிகளால் விலகுவர். இல்லறத்துணை, உங்களின் செல்வாக்கு, திறமை வளர உதவுவார். தொழிலில் அபிவிருத்தி செய்ய எதிர்பார்த்த பணம் கிடைக்கும். பணியாளர்கள், குறித்த காலத்தில் பணி இலக்கு நிறைவேற்றுவர். பெண்கள், உறவினர்களுக்கு உதவி வழங்குவர். மாணவர்கள், பெற்றோரின் சொல் கேட்டு நடந்து கொள்வர்.
சந்திராஷ்டமம்: 2.10.14 இரவு 12:57 மணி முதல் 4.10.14 அன்று நாள் முழுவதும்.
பரிகாரம்: பெருமாளை வழிபடுவதுடன், கற்கண்டு சாதம் நிவேதனம் செய்து, பக்தர்களுக்கு வழங்கலாம்.
நண்பரின் நற்குணத்தை மனம் திறந்து பாராட்டும், கடக ராசிக்காரர்களே!
இந்த வாரம், உங்கள் ராசிக்கு மூன்றாம் இடத்தில் சூரியன், ராகு, சுக்கிரன் அனுகூல பலன் தரும் அமர்வில் உள்ளனர். அர்த்தாஷ்டமச் சனியின் தாக்கத்தினால், எதிர்கொண்ட கஷ்டம் கொஞ்சம் கொஞ்சமாக விலகும். மனதில் புதிய நம்பிக்கை வளரும். பணிகளில் ஆர்வம் கொள்வீர்கள். வாகனத்தில் பாதுகாப்பு முறையை பின்பற்றவும். புத்திரரின் உடல்நலத்திற்கு சிகிச்சை தேவைப்படலாம். எதிரியால் இருந்த தொல்லை குறையும். இல்லறத்துணை மகிழ்ச்சிகர மனதுடன் கருத்துக்களை பகிர்ந்து கொள்வர். தொழில், வியாபாரத்தில் அரசின் சட்டதிட்டம் முறையாக பின்பற்றவும். பணியாளர்கள், ஓரளவு வேலை வாய்ப்பு பெறுவர். பெண்கள், பிள்ளைகள் நலனில் அக்கறை கொள்வீர்கள். மாணவர்கள், புதிய முயற்சியால் தேர்ச்சி விகிதம் பாதுகாத்திடுவர்.
பரிகாரம்: தட்சிணாமூர்த்தியை வழிபடுவதுடன், கோவில் வளாகத்தில் ஆல மரக்கன்று நட்டு வளர்க்கலாம்.
கால நேரத்தை பொன்போல கருதி செயல்படும், சிம்ம ராசிக்காரர்களே!
இந்த வாரம், உங்கள் ராசிக்கு சுக்கிரன், சனி பகவானின் அமர்வு மட்டுமே சிறப்பான வகையில் உள்ளன. தைரியத்துடன் செயல்படுவதால், பணிகளில் நன்மை கிடைக்கும். உங்கள் சொல்லுக்கு வரவேற்பு தருபவர்களிடம் மட்டும் பொது விஷயம் பேசலாம். தம்பி, தங்கை நல்அன்பு பாராட்டுவர். நீண்ட துார பயணத்தில் கூடுதல் பாதுகாப்பு அவசியம். புத்திரர், எதிர்பார்ப்பு தாமதம் ஆவதால் மனம் வருந்துவர். உடல் நலம் சீராக இருக்கும். இல்லறத்துணை சேமிப்பு பணம் தந்து உதவுவார். தொழில், வியாபாரம் வளர்ச்சி பாதையில் நடைபோடும். பணியாளர்கள், நிர்வாகத்திடம் நன்மதிப்பு பெறும் நோக்கில் செயல்படுவீர்கள். பெண்கள், மகிழ்ச்சிகர வாழ்வு நடத்துவர். மாணவர்கள, பாதுகாப்பு குறைவான இடங்களில் செல்ல வேண்டாம்.
பரிகாரம்: நாக தேவதையை வழிபடுவதுடன், உறவினர் குடும்ப கன்னிப் பெண்களுக்கு, மங்களப் பொருட்கள் தானம் வழங்கலாம்.
குடும்ப பெருமை காப்பதில் அக்கறை மிகுந்த, கன்னி ராசிக்காரர்களே!
இந்த வாரம், உங்கள் ராசியில் உள்ள சுக்கிரன் மூன்று, பதினொன்றாம் இடங்கள் முறையே இடம் பெற்ற செவ்வாய், குரு அதிக நற்பலன் தருவர். தாமதமான செயல்களை புதிய முயற்சியால் நிறைவேற்றுவீர்கள். சமூகத்தில் நன்மதிப்பு கிடைக்கும். வீடு, வாகனத்தில் கூடுதல் வசதிபெற சில மாற்றம் செய்வீர்கள். புத்திரர், உங்களின் எண்ணம் உணர்ந்து செயல்படுவர். எதிர்மறையாக இருந்த விஷயம் அனுகூலம் தருவதாக மாறும். இல்லறத்துணை கூடுதல் அன்பு, பாசம் கொள்வார். தொழில், வியாபாரத்தில் உருவாகும் குளறுபடிகளை தாமதம் இன்றி சரி செய்யவும். பணியாளர்கள், பணியிடத்தில் தேவையற்ற விவாதம் பேச வேண்டாம். பெண்கள், கலை அம்சம் நிறைந்த பொருள் வாங்குவர். மாணவர்கள், புதிய விஷயங்களை அறிவதில் ஆர்வம் கொள்வீர்கள்.
பரிகாரம்: ஆஞ்சநேயரை வழிபடுவதுடன், வடைமாலை சாற்றி பிரசாதம் வழங்கலாம்.
தன் தகுதி, திறமை வளர்ப்பதில் ஆர்வமுள்ள, துலாம் ராசிக்காரர்களே!
இந்த வாரம், உங்கள் ராசிக்கு ஆறாம் இடத்தில் கேது, பன்னிரெண்டாம் இடத்தில் ராசிநாதன் சுக்கிரன் சம சப்தம அமர்வில் அனுகூலமாக உள்ளனர்.ஆன்மிக அருள் பலம் மனதில் புதிய நம்பிக்கை தரும். நற்செயல்களில் வெற்றி கூடும். பேசுவதில் நிதானம் அவசியம் வீடு, வாகனத்தில் சராசரி பயன்பாடு இருக்கும். புத்திரர், பெற்றோருடன் அதிக நேரம் அன்பு பாராட்டி பழகுவதில் ஆர்வம் கொள்வர். எதிரியால் வருகிற கெடுதல் முயற்சி பலமிழந்து போகும். இல்லறத்துணை விரும்பிய பொருள் வாங்கித் தருவீர்கள். தொழில், வியாபாரம் சராசரி அளவில் இருக்கும். பணியாளர்களுக்கு ஓரளவு சலுகை கிடைக்கும். பெண்கள், சேமிப்பு பணத்தில் அழகு சாதனப் பொருள் வாங்குவர். மாணவர்கள், செயல்களில் முன்யோசனை பின்பற்றுவர்..
பரிகாரம்: முருகப் பெருமானை வழிபடுவதுடன், தமிழ் பாடம் சிறப்பாக படிக்கும் மாணவர்களுக்கு பரிசு வழங்கலாம்.
நேர்மை வழியில் நடந்து கூடுதல் நன்மை பெறும்,விருச்சிக ராசிக்காரர்களே!
இந்த வாரம், உங்கள் ராசிக்கு ஒன்பதாம் இடத்தில் உச்சம் பெற்ற குரு, பதினொன்றில் சூரியன், புதன், சுக்கிரன், ராகு அனுகூலமாக உள்ளனர். இலகுவான மனதுடன் பணிமேற்கொள்வீர்கள். வார்த்தையில் உண்மை, நேர்மை பிரதிபலிக்கும். குடும்பத்தில் ஒற்றுமை சீராக இருக்கும். வீடு, வாகனத்தில் கூடுதல் பாதுகாப்பு நல்லது.புத்திரர் செயல்திறன் வளர்த்துக் கொள்வர். எதிர்மனப்பாங்கு உள்ளவர்களை இனம்கண்டு விலகுவீர்கள். இல்லறத்துணை, உங்களின் நல்ல குணத்தை பாராட்டுவார். தொழில், வியாபாரம் செழித்து, உபரி பணவரவு கிடைக்கும். பணியாளர்கள், நன்மதிப்பு பெறுவர். பெண்கள், பிரார்த்தனை நிறைவேறி இஷ்ட தெய்வ வழிபாடு நடத்துவீர்கள். மாணவர்கள், படிப்பில் சிறப்பான இடம் பெறுவர்.
பரிகாரம்: நந்தீஸ்வரரை வழிபடுவதுடன், தலைச்சுமையாக பொருட்கள் விற்பவருக்கு உதவலாம்
உதவி கேட்பவருக்கு இயன்ற அளவில் உதவும், தனுசு ராசிக்காரர்களே!
இந்த வாரம், உங்கள் ராசிக்கு தர்ம, கர்ம ஸ்தான அதிகாரிகளான சூரியன், புதன், பத்தாம் இடத்தில் அனுகூலமாக உள்ளனர். தனம், புகழ் தரும் அதிபதி சனி பகவான் உச்ச பலத்துடன் உள்ளார். குடும்பத்தில் உருவாகும் மங்கள நிகழ்வுக்கு தாராள பணச்செலவு செய்வீர்கள். உறவினரின் கூடுதல் அன்பு, பாசம் உற்சாகம் தரும். வாகனத்தில் பராமரிப்பு பணி தேவைப்படும். புத்திரர், பித்தம் தொடர்பான பிணியால் சிரமம் வர வாய்ப்பு உண்டு. உணவுப் பழக்கத்தில் கட்டுப்பாடு வேண்டும். இல்லறத்துணையின் ஆலோசனை, புதிய வழியில் உங்களை நடைபோட வைக்கும். தொழில், வியாபாரத்தில் முயற்சி, உழைப்பு அனைத்தும் நன்மை தரும். பணியாளர்களுக்கு சலுகை கிடைக்கும். பெண்கள், பிறருக்காக எவ்வித பொறுப்பும் ஏற்க வேண்டாம். மாணவர்கள், முரண்பட்ட கருத்து பேசுபவரிடம் விலகவும்.
பரிகாரம்: தன் வந்தரி பகவானை வழிபடுவதுடன், ஏழையின் மருத்துவ சிகிச்சைக்கு உதவலாம்.
ஆன்மிக பணிகளில் ஒருமுகத்தன்மையுடன் ஈடுபடும், மகர ராசிக்காரர்களே!
இந்த வாரம் , உங்கள் ராசிக்கு கேது, குரு, சுக்கிரன், செவ்வாயின் அமர்வு சிறப்பாக உள்ளது. நண்பர்களின் ஆலோசனை உதவியால், பலவித நன்மை பெறுவீர்கள். சொல்லும், செயலும் ஒருமுகத்தன்மையுடன் அமைந்திடும். சிலர், புதிய வீடு, வாகனம் வாங்க நல்யோகம் உண்டு. புத்திரர், பெற்றோரின் சொல்லுக்கு ஏற்ப நடந்து கொள்வர். எதிரியால் வருகிற சிரமம் பலமிழந்து போகும். இல்லறத்துணை, குடும்ப நலன் சிறக்க ஒற்றுமை மனதுடன் பணி மேற்கொள்வார். தொழில், வியாபாரத்தில் புதியவர்களின் வருகையால் வளர்ச்சி, பணவரவு கூடும். பணியாளர்கள், தொழில் நுட்பத் திறனை வளர்த்துக் கொள்வர். பெண்கள், துன்பம் அணுகாத நல்வாழ்வு பெறுவீர்கள். மாணவர்களுக்கு, அறிவார்ந்த செயலால் பாராட்டு, வெகுமதி கிடைக்கும்.
பரிகாரம்: விநாயகரை வழிபடுவதுடன், அவல், பொரி, சர்க்கரை நிவேதனம் செய்து, பிரசாதம் வழங்கலாம்.
பணவரவுக்கு ஏற்ப செலவுகளை திட்டமிடும், கும்ப ராசிக்காரர்களே!
இந்த வாரம், உங்கள் ராசிக்கு எட்டாம் இடத்தில் உள்ள சுக்கிரன் மற்றும் புதன் அளப்பரிய நற்பலன் தருவர். மற்ற கிரகங்கள் எதிர்மறையாக உள்ளதால், செயல்களில் முன்யோசனை அவசியம். பொது இடங்களில் எவரிடமும் அதிக நேரம் பேச வேண்டாம். இளைய சகோதரர், முன்னர் கேட்ட உதவி வழங்குவதால் ஒற்றுமை வளரும். வாகனத்தில் மிதவேகம், பயணமுறையை இலகுவாக்கும்.புத்திரர், புதிய கருத்துக்குளை பகிர்ந்து தகுந்த விளக்கம் கேட்பர். எதிரியிடம் விலகுவது பணிநிறைவேற உதவும். இல்லறத்துணை உங்களின் நல்ல குணம் பாராட்டுவார். தொழிலில், உற்பத்தி விற்பனை சராசரி அளவில் இருக்கும். பணியாளர் குளறுபடி வராமல் கூடுதல் அக்கறையுடன் பணிபுரிய வேண்டும். பெண்கள், செலவுகளில் சிக்கனம் மேற்கொள்வீர்கள். மாணவர்கள், படிப்பில் சிறப்பிடம் பெற புதிய வழி ஆராய்வர்.
பரிகாரம்: சூரிய பகவானை வழிபடுவதுடன், கண்பார்வை குறைபாடு உள்ளவர்களுக்கு உதவலாம்.
பழகுபவர்களிடம் வாக்குறுதி தருவதில் நிதானமுள்ள, மீன ராசிக்காரர்களே!
இந்த வாரம், உங்கள் ராசிக்கு குரு, தினகதி சுழற்சி கிரகம் சந்திரன் மட்டுமே நற்பலன் தருகிறார். புதிய முயற்சிகளை தகுந்த திட்டமிடுதலுடன் துவங்க வேண்டும். நன்கு பழகிய ஒருவர், நயமுடன் பேசி பணஉதவி கேட்க கிரக நிலை உள்ளது. தகுதி மீறிய பொறுப்பு ஏற்க வேண்டாம். வீடு, வாகனத்தில் உரிய பாதுகாப்பு அவசியம். புத்திரர் கூடுதல் அன்பு, பாசத்துடன் நடந்து கொள்வர். அலைச்சல் பயணம் தவிர்ப்பதால், உடல் நல ஆரோக்கியம் சீராக இருக்கும். இல்லறத்துணையிடம் வாக்குவாதம் வேண்டாம். தொழில், வியாபாரத்தில் பழைய வாடிக்கையாளரின் வருகை சில நன்மை தரும். பணியாளர்கள், நிர்வாகத்தின் சட்ட, திட்டம் தவறாமல் பின்பற்ற வேண்டும். பெண்கள், ஒவ்வாத உணவு உண்ண வேண்டாம். மாணவர்கள், பெற்றோரின் சொல் வேதமென கருதி செயல்படுவது நன்மை தரும்.
சந்திராஷ்டமம்: 27.9.14 நள்ளிரவு 12:01 மணி முதல்28.9.14 மாலை 4:34 மணி வரை
பரிகாரம்: சனி பகவானை வழிபடுவதுடன், காகத்திற்கு எள், தயிர் கலந்த சாதம் வைக்கலாம்.
