கடின உழைப்பால் அதிர்ஷ்டகர வாழ்வு பெறும், மேஷ ராசிக்காரர்களே!
உங்கள் ராசிநாதன் செவ்வாய், பத்தாம் இடத்தில் உச்சம் பெற்றுள்ளார். வார பிற்பகுதியில் ஓரளவு நற்பலன் தருவார். புதன், ராகு சிறப்பான பலன் தருவர். இடம், சூழ்நிலை உணர்ந்து பேச வேண்டும். இளைய சகோதரர் உறுதுணை புரிவர். வீடு, வாகனத்தில் கூடுதல் பாதுகாப்பு வேண்டும். புத்திரரின் தாழ்வு மனப்பாங்கு விலக, ஆலோசனை கூறுங்கள். நிலுவைப் பணம் இதமான அணுகுமுறையால் வசூலாகும். இல்லறத்துணையின் கருத்துகளை மதித்து செயல்படவும். தொழில், வியாபாரத்தில் சராசரி நிலை இருக்கும். பணியாளர்கள், அதிக பொறுப்புணர்வுடன் பணிபுரிய வேண்டும். பெண்கள், பணச்செலவில் சிக்கனம் பின்பற்றவும். மாணவர்கள், ஆசிரியரின் வழிகாட்டுதல்படி நடப்பது நன்மை தரும்.
பரிகாரம்: விநாயகப் பெருமானை வழிபடுவதால், மனதில் நல்ல சிந்தனை அதிகரிக்கும்.
இனிய வார்த்தை பேசி பிறர் மனதில் இடம் பெறும், ரிஷப ராசிக்காரர்களே!
உங்கள் ராசிநாதன் சுக்கிரன் பாக்ய ஸ்தானத்திலும், ஞான கிரகம் கேது லாப ஸ்தானத்திலும் அனுகூலமாக உள்ளனர். நிலுவைப் பணி நிறைவேற்ற மனதில் புதிய யுக்தி உருவாகும். உடல்நலம் பாதுகாப்பதால் புதிய பணி நிறைவேற்றலாம். புத்திரரின் உடல்நலத்திற்கு ஒவ்வாத உணவை உண்ண தரக்கூடாது. பணக்கடன் நெருக்குதலை சமாளிக்க புதிய வழிமுறை உருவாகும். இல்லறத்துணை செயல்பாடு குளறுபடியாக அமையலாம். தொழில், வியாபாரத்தில் அளவான மூலதனம் போதும். பணியாளர்கள், உத்வேகமுடன் செயல்படுவதால், குறித்த காலத்தில் பணி இலக்கு நிறைவேற்றலாம். பெண்கள், சேமிப்பு பணத்தில் வீட்டு உபயோகப் பொருள் வாங்குவீர்கள். மாணவர்கள், படிப்பு தவிர பிற விவாதம் பேச வேண்டாம்.
பரிகாரம்: சூரிய பகவானை வழிபடுவதால், முன்னோர்களின் பூர்வ புண்ணிய நற்பலன் துணை நிற்கும்.
நிகழ்வுகளை அனுபவ பாடமாக கருதி செயல்படும், மிதுன ராசிக்காரர்களே!
உங்கள் ராசிநாதன் புதன், எட்டாம் இடத்தில் சுக்கிரனுடன் அனுகூலமாக உள்ளார். குருவும், குரு பார்வை பெற்ற சனிபகவானும் கூடுதல் நற்பலன் தருவர். பணவரவு திருப்திகரமாகும். குடும்பத்தேவை பெருமளவில் நிறைவேறும். அக்கம், பக்கத்தவர் நல்அன்பு பாராட்டுவர். சிலர், புதியவீடு, வாகனம் வாங்க நல்யோகம் உண்டு. இஷ்ட தெய்வ வழிபாடு சிறப்பாக நடத்துவீர்கள். வழக்கு விவகாரத்தில் அனுகூலத்தீர்வு கிடைக்கும். இல்லறத்துணை சிறந்த ஆலோசனை சொல்வார். தொழில், வியாபாரம் புதியவர்களின் ஆதரவினால் செழிக்கும். பணியாளர்களுக்கு சலுகை கிடைக்கும். பெண்கள், உறவினர் குடும்ப மங்கள நிகழ்ச்சி சிறக்க உதவுவீர்கள். மாணவர்கள், நன்றாக படித்து விரும்பிய பரிசுப் பொருளை பெற்றோரிடம் வாங்குவர்.
பரிகாரம்: பைரவரை வழிபடுவதால், கஷ்டம் விலகி நன்மை கிடைக்கும்.
தன்னையும் உணர்ந்து, பிறருக்கும் நல்வழி சொல்லும் கடக ராசிக்காரர்களே!
உங்கள் ராசிக்கு ராகு, சூரியன், சந்திரன் மட்டுமே இந்த வாரம் நற்பலன் வழங்குவர். செயல்களில் நிதானம் வேண்டும். பணவரவு சராசரி அளவில் கிடைக்கும். உங்களின் கருணை நிறைந்த செயல், சமூகத்தில் கூடுதல் மதிப்பு பெற்றுத்தரும். வாகனத்தில் பராமரிப்பு பணி, பயண முறை எளிதாக அமைய உதவும். புத்திரரின் ஆர்வமிகு செயல்களை ஒழுங்கு செய்வது நல்லது. எதிரி சொந்த சிரமங்களால் விலகுவர். இல்லறத்துணையின் மனதில் எதிர்கால வாழ்வு பற்றிய நம்பிக்கை வளர உதவுங்கள். தொழில் போட்டியை சரி செய்ய மாற்று உபாயம் உதவும். பணியாளர்கள், பணியிடத்தில் தேவையற்ற விவாதம் தவிர்க்கவும். பெண்கள், நகை இரவல் கொடுக்க, வாங்க வேண்டாம். மாணவர்கள், அதிக விலையுள்ள பொருளை கவனமுடன் பயன்படுத்தவும்.
சந்திராஷ்டமம்: 27.12.14 நள்ளிரவு 12:01 மணி முதல், 28.12.14 காலை 6:27 மணி வரை.
பரிகாரம்: ராமபிரானை வழிபடுவதால், குடும்பத்தில் ஒற்றுமை வளரும்.
மனசாட்சி சொல்கின்ற கட்டளையை பெரிதும் மதிக்கும், சிம்ம ராசிக்காரர்களே!
உங்கள் ராசிக்கு, ஆறாம் இடத்தில் உள்ள செவ்வாய், புதன் நற்பலன் தருவர். பொது விவாதங்களில் கலந்து கொள்ள வேண்டாம். தம்பி, தங்கையின் அன்பு, உதவி உரிய தருணங்களில் கிடைக்கும். வீட்டில் மங்களமும், மகிழ்ச்சியும் நிறைந்திருக்கும். புத்திரரின் வெகுநாள் விருப்பத்தை, தாராள பணச்செலவில் நிறைவேற்றுவீர்கள். உடல்நல ஆரோக்கியம் பலம் பெறும். இல்லறத்துணை குடும்ப நலன் சிறக்க உதவுவார். தொழில், வியாபாரம் முன்னேற்றம் பெற, அதிகம் பணிபுரிய வேண்டும். பணியாளர்கள், நிர்வாகத்தின் சட்ட திட்டத்தை கூடுதலாக பின்பற்ற வேண்டும். பெண்கள், தாய்வீட்டு உதவி கேட்பதில் நிர்பந்தம் கூடாது. மாணவர்கள், கூடுதல் பயிற்சியினால் உரிய தேர்ச்சி விகிதம் பெறலாம்.
சந்திராஷ்டமம்: 28.12.14 காலை 6:28 மணி முதல், 30.12.14 காலை 9:26 மணி வரை.
பரிகாரம்: முருகப் பெருமானை வழிபடுவதால், எதிரியால் தொல்லை வராத சந்தோஷ வாழ்வு பெறுவீர்கள்.
சிறிதளவு பெற்ற நன்மையையும் பெரிதென போற்றும், கன்னி ராசிக்காரர்களே!
உங்கள் ராசிக்கு, மூன்றில் சனி, ஐந்தில் சுக்கிரன், லாப ஸ்தானத்தில் உச்சம் பெற்ற குரு அனுகூலமாக உள்ளனர். உறவினர்களின் கருத்துக்கு உரிய முக்கியத்துவம் தருவீர்கள். புதிய திட்டம் செயல்படுத்த நல்ல வாய்ப்பு வரும். மனதில் தைரியம் வளரும். வீடு, வாகனத்தில் உரிய பயன்பாட்டு வசதி கிடைக்கும்.மகளின் ஜாதக யோக பலம் வாழ்வில் அதிர்ஷ்டகரமான பலன்களை தரும். எதிரியும், மறைமுகமாக உங்களிடம் அனுகூலம் பெற முயற்சிப்பர். இல்லறத்துணை விரும்பிய பொருளை வாங்கித் தருவீர்கள். தொழில், வியாபாரத்தில் அபிவிருத்திப் பணி நிறைவேறும். பணியாளர்கள், கூடுதல் வேலைவாய்ப்பு பெறுவீர்கள். குடும்ப பெண்கள், வாழ்வில் பெற்ற நன்மைக்கு இஷ்ட தெய்வத்திற்கு வழிபாடு நடத்துவீர்கள். மாணவர்கள், புதியவர்களிடம் நிதானித்து பழக வேண்டும்.
சந்திராஷ்டமம்: 30.12.14 காலை 9:27 மணி முதல், 1.1.15 பிற்பகல் 1:57 மணி வரை
பரிகாரம்: சனி பகவானை வழிபடுவதால், தொழில் சிறந்து பணவரவு கூடும்.
மனசாட்சி சொல்கின்ற கட்டளையை பெரிதும் மதிக்கும், சிம்ம ராசிக்காரர்களே!
உங்கள் ராசிக்கு, ஆறாம் இடத்தில் உள்ள செவ்வாய், புதன் நற்பலன் தருவர். பொது விவாதங்களில் கலந்து கொள்ள வேண்டாம். தம்பி, தங்கையின் அன்பு, உதவி உரிய தருணங்களில் கிடைக்கும். வீட்டில் மங்களமும், மகிழ்ச்சியும் நிறைந்திருக்கும். புத்திரரின் வெகுநாள் விருப்பத்தை, தாராள பணச்செலவில் நிறைவேற்றுவீர்கள். உடல்நல ஆரோக்கியம் பலம் பெறும். இல்லறத்துணை குடும்ப நலன் சிறக்க உதவுவார். தொழில், வியாபாரம் முன்னேற்றம் பெற, அதிகம் பணிபுரிய வேண்டும். பணியாளர்கள், நிர்வாகத்தின் சட்ட திட்டத்தை கூடுதலாக பின்பற்ற வேண்டும். பெண்கள், தாய்வீட்டு உதவி கேட்பதில் நிர்பந்தம் கூடாது. மாணவர்கள், கூடுதல் பயிற்சியினால் உரிய தேர்ச்சி விகிதம் பெறலாம்.
சந்திராஷ்டமம்: 28.12.14 காலை 6:28 மணி முதல், 30.12.14 காலை 9:26 மணி வரை.
பரிகாரம்: முருகப் பெருமானை வழிபடுவதால், எதிரியால் தொல்லை வராத சந்தோஷ வாழ்வு பெறுவீர்கள்.
உண்மை, நேர்மை இரு கண்கள் என மதிக்கும், துலாம் ராசிக்காரர்களே!
உங்கள் ராசிநாதன் சுக்கிரன், சுக ஸ்தானத்தில் புதனுடன் அனுகூலமாக உள்ளார். சூரியன், கேது அதிக நற்பலன் தருவர். உறவினர் தாமாக முன் வந்து சில உதவி வழங்குவர். இனிய வார்த்தை பேசுவதால் நற்பெயரை பாதுகாக்கலாம்.புத்திரர், தன் செயல் சிறப்பாக அமைய கிடைக்கிற வாய்ப்புகளை பயன்படுத்துவர். இஷ்ட தெய்வ அருள் பலம் துணை நின்று எதிர்மறை பலன்களை விலக வைக்கும். இல்லறத்துணை உங்களின் நல்ல குணத்தை பாராட்டுவார். தொழில் வியாபாரம் முன்னேற்றம் பெறும். பணியாளர்களுக்கு சலுகை கிடைக்கும். பெண்கள், பணவசதிக்கேற்ப புத்தாடை, அணிகலன் வாங்குவீர்கள். மாணவர்கள், ஞாபகத்திறன் வளர்ந்து கூடுதல் தர தேர்ச்சி பெறுவீர்கள்.
சந்திராஷ்டமம்: 1.1.15 பிற்பகல் 1:58 மணி முதல், 3.1.15 இரவு 8:28 மணி வரை.
பரிகாரம்: துர்க்கையம்மனை வழிபடுவதால், புத்திரர் வகையில் அனுகூல பலன் பெறலாம்.
பகைவரின் செயல்களிலிருந்து பல விஷயங்கள் அறியும், விருச்சிக ராசிக்காரர்களே!
உங்கள் ராசிநாதன் செவ்வாய் உச்சபலத்துடன் மூன்றாம் இடத்தில் சுக்கிரனுடன், ‘சுக்கிர மங்களயோகம்’ தரும் அமைப்பில் உள்ளார். ராகுவும் நற்பலன் தருவார். சிறு செயலும் நேர்த்தியாக அமைந்து பணம், புகழ் பெற்றுத்தரும். குடும்பத்தில் சுபநிகழ்வு, மகிழ்ச்சிகர சூழல் உருவாகும். நண்பருடன் வாகனத்தில் மிதவேகம் பின்பற்றவும். பூர்வ சொத்தில் பெறுகிற பயன் அதிகரிக்கும்.எதிரியால் வருகிற கெடுசெயல் பலமிழக்கும். இல்லறத்துணை கருத்து ஒற்றுமையுடன் நடந்து கொள்வார். தொழில், வியாபாரத்தில் சமயோசிதமாக செயல்பட்டு, உரிய நன்மை பெறுவீர்கள். இயந்திரபிரிவு பணியாளர்கள், பாதுகாப்பில் கூடுதல் கவனம் வேண்டும். பெண்கள், குடும்பத்தேவை நிறைவேறி சந்தோஷ வாழ்வு நடத்துவர். மாணவர்கள், சாகச விளையாட்டில் ஈடுபடக்கூடாது.
சந்திராஷ்டமம்: 3.1.15 இரவு 8:29 மணி முதல், அன்று நாள் முழுவதும்.
பரிகாரம்: ஆஞ்சநேயரை வழிபடுவதால், தொழில் வளர்ச்சி பெற நல்வழி பிறக்கும்.
நண்பரின் ஆலோசனையை மதித்து செயலாற்றும், தனுசு ராசிக்காரர்களே!
இந்த வாரம், உங்கள் ராசிக்கு இரண்டாம் இடத்தில் உள்ள சுக்கிரன் மற்றும் சந்திரன் மட்டுமே நற்பலன் தருவர். புதிய திட்டங்களை உரிய பரிசீலனைக்கு பின் துவக்கலாம். பேசும் வார்த்தை வசீகரமாக அமைந்து முக்கியஸ்தரின் அன்பு, உதவியை பெற்றுத்தரும். பொதுநலப் பணியில் ஓரளவு ஈடுபாடு இருக்கும். வெளியூர் பயணத்தில் மாறுதல் ஏற்படலாம். புத்திரரை, அதிக விலையுள்ள பொருளை திருட்டுக்கு உட்படாமல் பாதுகாக்கச் சொல்லுங்கள். உடல் நலத்திற்கு சிகிச்சை உதவும். இல்லறத்துணையின் கூடுதல் அன்பு, மனதில் ஆறுதல் தரும். தொழிலில் குளறுபடி வராமல் செயல்படவேண்டும். பணியாளர்கள், பணக்கடன் பெறும் நிலையில் கெடுபிடி இல்லாதவரிடம் வாங்குவது அவசியம். பெண்கள், உறவினர் குடும்ப விவகாரத்தில் கருத்து சொல்ல வேண்டாம். மாணவர்கள், அக்கறையுடன் படிப்பதால் தேர்ச்சி விகிதம் சீராகும்.
பரிகாரம்: தன்வந்தரி பெருமானை வழிபடுவதால், உடல்நலம் ஆரோக்கியம் பெறும்.
பணிகளில் முழு மனதுடன் ஈடுபட்டு வளம் சேர்க்கும், மகர ராசிக்காரர்களே!
உங்கள் ராசிநாதன் சனிபகவான், லாப ஸ்தானத்தில் அனுகூலமாக உள்ளார். சுக்கிரன், கேது, குரு கூடுதல் நற்பலன் தருவர். ஞானம் நிறைந்த சிந்தனையும், வசீகர பேச்சும் அமைந்து உங்கள் தோற்றத்தில் புதுப்பொலிவு உருவாக்கும். குடும்பத்தேவையை நிறைவேற்ற தாராள பணவரவு கிடைக்கும். வாகன பயணம் அளவுடன் மேற்கொள்வீர்கள். புத்திரர், நண்பருக்கு இணையாக உங்களிடம் கருத்துகளை பகிர்ந்து கொள்வர். எதிர்ப்பாளரிடம் சமயோசிதமாக விலகுவீர்கள். இல்லறத்துணை வழிசார்ந்த உறவினர் கூடுதல் அன்பு பாராட்டுவர். தொழில், வியாபாரம் வியத்தகு வளர்ச்சி பெறும். பணியாளர்கள், கூடுதல் தொழில் நுட்பம் கற்றுக் கொள்வீர்கள். பெண்கள், குடும்ப நலன் பேணுவர். மாணவர்கள், பெற்றோர், ஆசிரியரின் வழிகாட்டுதலை மதித்து நடப்பர்.
பரிகாரம்: தட்சிணாமூர்த்தியை வழிபடுவதால், மனதில் அறிவாற்றல் அதிகரிக்கும்.
அடுத்தவர் துன்பம் போக்க இயன்ற அளவில் உதவும், கும்பராசிக்காரர்களே!
இந்த வாரம், உங்கள் ராசிக்கு, 11ல் சூரியன், 12ல் சுக்கிரன் அனுகூலமாக உள்ளனர். உடல் நலம் பேணுவதால் மட்டுமே, பணிகளில் ஈடுபாடு வளரும். தெய்வ நிந்தனை பேசுவர்களிடம் விலகுவது நல்லது. உடன் பிறந்தவர்களின் கஷ்டம் தீர உதவுவீர்கள். வெளியூர் பயணம் இனிய அனுபவம் தரும். புத்திரரின் செயல்களில் குளறுபடி வராமல் இருக்க ஆலோசனை கூறுங்கள். விவகாரத்தில் தீர்வு கிடைக்க தாமதமாகும். இல்லறத்துணை சேமிப்பு பணம் தந்து உதவுவார். தொழிலில் தாமதம் உருவாக்குகிற செயல் எதுவென அறிந்து கொள்வது நன்மை தரும். பணியாளர்கள், பணிநேரத்தில் விவாதம் பேசவே வேண்டாம. பெண்கள், தாய்வீட்டு உதவி கிடைத்து மகிழ்வீர்கள். மாணவர்களின் படிப்புக்கான உதவி, புதிய முயற்சியால் கிடைக்கும்.
பரிகாரம்: சங்கர நாராயணரை வழிபடுவதால், குடும்ப ஒற்றுமை பலம் பெறும்.
பிறர் தவறுகளை கண்டிப்பதுடன் மன்னிக்கவும் தயங்காத, மீன ராசிக்காரர்களே!
இந்த வாரம், உங்கள் ராசிக்கு குரு, சூரியன், செவ்வாய், புதன், சுக்கிரன் அனுகூல அமர்வில் உள்ளனர்; இதனால், மனமும், செயலும் உற்சாகம் பெறும். நிலுவைப்பணி நிறைவேற்றுவீர்கள். அக்கம், பக்கத்தவரிடம் நல் அன்பு மலரும். வீடு வாகனத்தில் அபிவிருத்தி செய்வீர்கள். புத்திரர், ஞானம் நிறைந்த மனதுடன் செயல்படுவார். எதிரி உருவாக்கிய கெடுசெயல் நன்மை தருவதாக மாறும். இல்லறத்துணை விரும்பிய பொருளை வாங்கித் தருவீர்கள். தொழில், வியாபாரம் செழிக்க, புதியவர்களின் உதவி கிடைக்கும். பணியாளர்கள், குறித்த காலத்தில் பணி இலக்கு நிறைவேற்றுவீர்கள். பெண்கள், பிள்ளைகளின் எதிர்கால நலன் சிறக்க உதவுவீர்கள். மாணவர்கள், இலகுவான மனம் அமைந்து கூடுதல் தரதேர்ச்சி பெறுவீர்கள்.
பரிகாரம்: நந்தீஸ்வரரை வழிபடுவதால், எதிர்ப்பு விலகி வாழ்வில் அனுகூலம் கிடைக்கும்.
