எதிர்கால நலனை கவனத்தில் வைத்து செயல்படும் மேஷ ராசிக்காரர்களே!
உங்கள் ராசி நாதன் செவ்வாய் ஆட்சி பலத்துடன் மாறுபட்ட பலன் தரும் இடத்தில் உள்ளார். குருவின் பார்வை செவ்வாயின் மீது பதிவதால் சிரமம் குறையும். சுக்கிரன், புதன் நல்லருள் வழங்குகின்றனர். குடும்பத்தின் எதிர்கால நலன் கவனத்தில் கொண்டு செயல்படுவீர்கள். நல்லவர்களின் ஆசி, உதவி கிடைக்கும்.புத்திரர் நற்குணம், நல்லறிவுடன் நடந்து கொள்வர்.எதிரியால் வருகிற இடையூறு விலகும்.இல்லறத் துணை கூடுதல் அன்பு பாராட்டுவார். தொழில் சிறக்க அதிக அளவில் பணிபுரிவது அவசியம். பணியாளர் தமது கடமை உணர்ந்து பணிபுரிவீர்கள். பெண்கள், குடும்பத்தின் அத்தியவாசியச் செலவுக்கு முக்கியத்துவம் தருவர். மாணவர்கள் ஆசிரியரின் வழிகாட்டுதல் தவறாமல் பின்பற்ற வேண்டும்.
சந்திராஷ்டமம்: 1.9.14 காலை 8:55 மணி முதல், 3.9.14 மதியம் 1:55 மணி வரை.
பரிகாரம்: விநாயகரை வழிபடுவதுடன் சுண்டல், மோதகம் நிவேதனம் செய்து பிரசாதம் வழங்கலாம்
தன்னிடம் பழகுபவர்களுக்கு இயன்ற அளவில் உதவும், ரிஷப ராசிக்காரர்களே!
உங்கள் ராசி நாதன் சுக்கிரன் நான்காம் இடத்தில் அனுகூலமாக உள்ளார். சனி, கேது கூடுதல் நற்பலன் தருவர். பேச்சு, செயலில் நிதானம், புதிய நன்மைகளை பெற்றுத் தர உதவும். சொத்து ஆவணம், அதிக விலையுள்ள பொருள், பிறர் பொறுப்பில் தர வேண்டாம். குடும்பத்தில் நிலவும் அமைதி, மகிழ்ச்சியை அக்கறையுடன் பாதுகாக்க வேண்டும். வாகனத்தில் மித வேகம் பின்பற்றவும், புத்திரரின் விருப்பம் நிறைவேற தாமதம் ஆவதால் வருத்தம் கொள்வர். உடல் ஆரோக்கியம் பலம் பெறும்.இல்லறத் துணையின் செயல் குறையை பெரிதாக கருதி விமர்சிக்க வேண்டாம். தொழில், வியாபாரம் சராசரி இலக்கை அடைய ஆன்மிக வழிபாடு துணை நிற்கும். பணியாளர்கள், பணியிடத்தில் தேவையற்ற விவாதம் பேச வேண்டாம். பெண்கள், குடும்ப பெருமைகளை உறவினர்களிடம் சொல்லி மகிழ்வர்.மாணவர்கள், வெளியிடம் சுற்றுவது குறைப்பதால் படிப்பில் கவனம் அதிகரிக்கும்.
சந்திராஷ்டமம்: 3.9.14 மதியம் 1:56 மணி முதல் 5.9.14 மாலை 5:06 மணி வரை.
பரிகாரம்: துர்க்கை அம்மனை வழிபடுவதுடன் உறவினர், பெண்ணுக்கு மங்கலப் பொருட்கள் தானம் வழங்கலாம்.
சந்தோஷ நிகழ்வுகளை பொக்கிஷமாக கருதும், மிதுன ராசிக்காரர்களே!
உங்கள் ராசிக்கு ராகு, சனி, கேது தவிர, மற்ற கிரகங்கள் அளப்பரிய வகையில், நற்பலன் தருவர்.
பேச்சில் வேதத்தின் சாயல் நிறைந்திருக்கும். புதியவர்களின் அன்பு, பாசம் கிடைத்து பெருமிதம் அடைவீர்கள். சிலர், புதிய வீடு, வாகனம் வாங்க பண வசதி, சாதக சூழ்நிலை துணை நிற்கும். புத்திரர் விரும்பிய பொருட்கள் அதிக தரம் உள்ளதாக வாங்கித் தருவீர்கள். உடலில் பிணி, தொந்தரவு குறைந்து, ஆரோக்கியம் பலம் பெறும்.இல்லறத் துணை, உங்களின் அன்பை இறைவன் தந்த பாக்கியமாக கருதி மகிழ்வார். தொழில், வியாபாரத்தில் அபிவிருத்தி பணிபுரிவீர்கள்.பணியாளர்களுக்கு, சில சலுகை கிடைக்கும்.பெண்கள், குடும்பத்தில் மகிழ்ச்சிகர சூழ்நிலை அமைந்து, சந்தோஷ வாழ்வு நடத்துவர். மாணவர்கள், புதிய பயிற்சி முறையால் படிப்பில் முன்னேற்றம் காண்பர்.
சந்திராஷ்டமம்: 5.9.14 மாலை 5:07 மணி முதல் 6.9.14 அன்று நாள் முழுவதும்.
பரிகாரம்: பைரவரை வழிபடுவதுடன் தலைச் சுமையாக பொருள் விற்பவருக்கு உதவலாம்.
உலக நடப்புக்களை அறிவதில் ஆர்வமுள்ள, கடக ராசிக்காரர்களே!
உங்கள் ராசிக்கு இந்த வாரம் சுக்கிரன், ராகு, சந்திரன் மட்டுமே நற்பலன் தருவர். மனதில் உருவாகிற குழப்பமான எண்ணங்களை, உங்கள் நலம் விரும்புபவரின் ஆலோசனையால், சரி செய்வது நன்மை பெற உதவும். கண்களின் பாதுகாப்பில் உரிய கவனம் வேண்டும். அவமதித்து பேசுபவர், உங்கள் அருகில் வந்தால் விலகுவது நல்லது. வாகனத்தில் பராமரிப்பு பயண முறையை எளிதாக உருவாக்கும்.புத்திரரின் பிடிவாத குணம் சரி செய்வதில், நிதான அணுகுமுறை வேண்டும். சத்து நிறைந்த உணவு உண்பதால், உடல் நலம் பலம் பெறும். இல்லறத் துணை குடும்ப சூழ்நிலை உணர்ந்து உதவுவார்.தொழிலில் அளவான மூலதனம், அதிக உழைப்பு, நிம்மதி தரும். இயந்திர பிரிவு பணியாளர் பாதுகாப்பு முறை தவறாமல் பின்பற்றவும்.பெண்கள், பணச் செலவில் சிக்கனம் மேற்கொள்வது நல்லது. மாணவர்கள், புதியவரை நண்பராக ஏற்பதில் கவனம் வேண்டும்.
பரிகாரம்: சனி பகவானை வழிபடுவதுடன், படிப்பில் சிறந்த ஏழை மாணவர்களுக்கு உதவலாம்.
வாழ்வில் முன்னேற்றம் பெற வாய்ப்பு உருவாக்கும், சிம்ம ராசிக்காரர்களே!
உங்கள் ராசியில் சுக்கிரன், மூன்றாம் இடத்தில் உச்சம் பெற்ற சனி பகவான் மட்டுமே, நற்பலன் தருகின்றனர். சிலர், சுயலாபம் பெற, உங்களை புகழ்ந்து பேசுவர். அவர்களிடம் விலகுவது, திட்டமிட்ட பணிகளை நிறைவேற்ற புதிய வாய்ப்பாக அமையும். ஆடம்பர செலவு தவிர்ப்பதால், பணக்கடன் பெறுகிற சூழ்நிலை வராது.வீடு, வாகனத்தில் உரிய பாதுகாப்பு பின்பற்ற வேண்டும். புத்திரர், சில விஷயங்களில் பிடிவாதம் கொள்வர். வழக்கில் சாதகமான தீர்வு கிடைக்கும்.இல்லறத் துணை, உங்களின் மனக் கஷ்டம் நீங்க உதவுவார். தொழில், வியாபாரத்தில் லாப விகிதம் குறைத்து, சில நன்மை பெறுவீர்கள்.பணியாளர், கூடுதல் வேலைவாய்ப்பை ஏற்றுக் கொள்வர். பெண்களுக்கு தாய்வீட்டு உதவி கிடைக்கும். மாணவர்கள், வாகனத்தில் மித வேகம் பின்பற்றவும்.
பரிகாரம்: கிருஷ்ணரை வழிபடுவதுடன் கற்கண்டு சாதம், நிவேதனம் செய்து பிரசாதம் வழங்கலாம்
ஆடம்பர பொருட்களை அளவுடன் பயன்படுத்தும், கன்னி ராசிக்காரர்களே!
இந்த வாரம், உங்கள் ராசிக்கு செவ்வாய், குரு, சுக்கிரனின் அமர்வு சிறப்பாக உள்ளது. துவங்கும் நற்செயல் முழு அளவில் வெற்றி தரும். உடன் பிறந்தவர் முக்கியமான தருணங்களில் உதவுவர்.வாகன பயன்பாடு திருப்திகரமான அளவில் இருக்கும். புத்திரர் நற்குணம் உள்ளவர்களின் நட்பு, அன்பு பெறுவர். எதிர்மறையானவர்களின் செயலால், புதிய அனுபவ பாடம் கற்றுக் கொள்வீர்கள்.இல்லறத் துணை அன்பு நிறைந்த பரிசு தருவார். தொழில், வியாபாரத்தில் வருகிற இடையூறு மாற்ற உபாயத்தால் சரி செய்வது அவசியம். பணியாளர், முக்கிய தேவைக்கு சிறு அளவில் பணக்கடன் பெறுவர். பெண்கள், பணவசதிக்கேற்ப புத்தாடை, அணிகலன் வாங்குவர். மாணவர்கள், நன்றாக படித்து ஆசிரியரிடம் பாராட்டு பெறுவர்.
பரிகாரம்: ஆஞ்சநேயரை வழிபடுவதுடன், வடை மாலை சாற்றி, பிரசாதம் வழங்கலாம்.
நீதி, நேர்மை தவறாமல் பணியில் ஈடுபடும், துலாம் ராசிக்காரர்களே!
உங்கள் ராசி நாதன் சுக்கிரன் ஆதாய ஸ்தானத்தில், சூரியனுடன் அனுகூலமாக உள்ளார். கேது கூடுதல் நற்பலன் தருவார். ஆன்மிக அருள்நெறி கருத்துகளை பின்பற்றி பணிபுரிவீர்கள். சிரமம் விலகி, வாழ்வில் புதிய நம்பிக்கை ஒளி உருவாகும். பேச்சு, செயலில் நிதானம் இருக்கும். அக்கம் பக்கத்தவர் அன்பு பாராட்டுவர். வாகனம் அளவுடன் பயன்படுத்துவீர்கள். புத்திரர் அறிவுத் திறனில் முன்னேற்றம் அடைவர். பணக்கடனில் ஒரு பகுதி செலுத்துவீர்கள்.இல்லறத் துணை வழி சார்ந்த உறவினர் உதவுவர். தொழில், வியாபார நடைமுறையில் மாற்றம் கொண்டு வருவீர்கள். பணியாளர், பணி இலக்கு எளிதாக நிறைவேற்றுவர். பெண்கள், உறவினர் குடும்பத்தில் மங்கல நிகழ்ச்சி நடத்த உதவுவர். மாணவர்கள், பாதுகாப்பு குறைந்த இடங்களில் செல்ல வேண்டாம்.
பரிகாரம்: சிவனை வழிபடுவதுடன் ஏழை முதியவர்களுக்கு புத்தாடை தானம் வழங்கலாம்.
நல்ல கருத்துகளுக்கு முக்கியத்துவம் தரும் விருச்சிக ராசிக்காரர்களே!
உங்கள் ராசிக்கு சூரியன், குரு, ராகு, புதனின் அமர்வு, சிறப்பான இடங்களில் உள்ளது. பேச்சு, செயல் திறனில் உத்வேகம் உருவாகும். தாமதமான பணி புதிய முயற்சியால் நிறைவேறும்.நண்பர், உறவினர் மனப்பாங்கு உணர்ந்து, கருத்து பகிர்ந்து கொள்வீர்கள். பூர்வ சொத்தில் திருப்திகர அளவில் பண வரவு கிடைக்கும். புத்திரரின் ஆன்மிக நம்பிக்கை மென்மேலும் வளர உதவுவீர்கள்.எதிரியின் பாசாங்கு செயலை உணர்ந்து விலகுவீர்கள்.இல்லறத் துணை மனதில், உங்கள் மீதான நம்பிக்கைக்கு குறை வராமல் நடந்து கொள்ளவும். தொழிலில் அரசு தொடர்பான உதவி கிடைக்க அனுகூலம் உண்டு. பணியாளர்களுக்கு சிறு அளவில் சலுகை உண்டு. பெண்கள், நகை இரவல் கொடுக்க, வாங்க வேண்டாம்.மாணவர்கள், படிப்பு தவிர பிற விவாதங்களில் ஈடுபடக்கூடாது.
பரிகாரம்: முருகனை வழிபடுவதுடன் அவரின் பெயர் வைத்த ஏழைச் சிறுவர்களுக்கு உணவு வழங்கலாம்.
இலகுவான மனதுடன் சூழ்நிலையை எதிர்கொள்ளும், தனுசு ராசிக்காரர்களே!
உங்கள் ராசிக்கு பாக்யம், ஜீவன ஸ்தானங்கள் முறையே சுக்கிரன், புதனின் அனுகூல அமர்வு உள்ளது. சனி பகவான் வாழ்வில் பெற வேண்டிய ஆதாயம் அதிகம் கிடைக்க உதவுகிறார். நீதி, நேர்மை அதிக அளவில் பின்பற்றுவீர்கள். விலகிச் சென்றவர் விரும்பி அன்பு பாராட்டுவர். வாகன பயன்பாடு அளவுடன் இருக்கும். புத்திரர் உடல் நலத்திற்கு மருத்துவ சிகிச்சை தேவைப்படலாம்.உங்களை பரிகாசமாக பேசியவர், தன் செயலுக்கு வருந்துவர்.இல்லறத் துணை இன்ப, துன்பங்களில் சம பங்கு கொள்வார். தொழில், வியாபாரத்தில் வளர்ச்சி பெற, சில மாற்றம் உருவாக்குவீர்கள்.பணியாளர்களுக்கு கூடுதல் சன்மானம் கிடைக்கும்.பெண்கள், சமையலறை பணிகளில் தகுந்த கவனம் வேண்டும். மாணவர்கள், நல்ல தேர்ச்சி பெற, புதிய முயற்சி மேற்கொள்வர்.
பரிகாரம்: நந்தீஸ்வரரை வழிபடுவதுடன், பசுவுக்கு பழம், கீரை வழங்கலாம்.
ஆன்மிக நம்பிக்கை உள்ளவர்களிடம், நல் அன்பு பாராட்டும், மகர ராசிக்காரர்களே!
உங்கள் ராசிக்கு கேது, குரு, சுக்கிரன், செவ்வாயின் அமர்வு, சிறப்பான இடங்களில் உள்ளது. செயல் சிறக்க இஷ்ட தெய்வ அருள் பலம் துணை நிற்கும். புதிய வாகனம், வீடு வாங்க நல்யோகம் உண்டு.உறவினர்களின் வருகை மகிழ்ச்சி தரும். புத்திரரின் தேவை என்ன என்பதை அறிந்து நிறைவேற்றுவீர்கள். எதிர்மனப்பாங்கு உள்ளவர் பார்வையில் தெரியும்படி பணம் செலவு செய்ய வேண்டாம்.இல்லறத் துணை, உங்களின் நல்ல குணம் பாராட்டுவார். தொழில், வியாபாரத்தில் புதியவர்களின் அறிமுகம் நன்மை தரும்.பணியாளர், தொழில்நுட்பத் திறன் வளர்த்துக் கொள்வார். பெண்கள், விதவிதமான உணவு தயாரித்து, குடும்ப உறுப்பினர்களை உபசரிப்பர்.மாணவர்கள், கருணை மனதுடன் நண்பருக்கு உதவுவீர்கள்.
பரிகாரம்: சாஸ்தாவை வழிபடுவதுடன், குழந்தைகள் காப்பகத்திற்கு உதவி வழங்கலாம்.
மனதில் கருணையும், செயலில் பொறுமையும் நிறைந்த கும்ப ராசிக்காரர்களே!
உங்கள் ராசிக்கு எட்டாம் இடத்தில் உச்சம் பெற்றுள்ள, புதன் மற்றும் தினகதி சுழற்சி கிரகம் சந்திரன் மட்டுமே நற்பலன் தருகின்றனர்.சிலரது வற்புறுத்தலுக்காக, உங்களுக்கு தொடர்பு இல்லாத விவகாரங்களில் கருத்து சொல்ல வேண்டாம். உடல் நல ஆரோக்கியம் பேணுவதால், பணி திட்டமிட்டபடி நிறைவேறும்.வீடு, வாகனத்தில் அறிமுகம் இல்லாதவர்களுக்கு இடம் தர வேண்டாம். புத்திரர் படிப்பு, வேலை வாய்ப்பில் முன்னேற்றம் காண்பர். இல்லறத் துணையின் மனக் குறையை அன்பு, பாசத்தினால் மாற்றுங்கள். தொழில், வியாபாரம் தாமத கதியில் இயங்கும். பணியாளர் கூடுதல் வேலைவாய்ப்பை மறுக்காமல் பயன்படுத்த வேண்டும். பெண்கள், நகை பாதுகாப்பில் கூடுதல் கவனம் பின்பற்றவும்.மாணவர்கள், அதிக பயன் தராத பொருள் வாங்குவதில் ஆர்வம் தவிக்கவும்.
பரிகாரம்: மாரியம்மன் வழிபாடு நடத்துவதுடன், சர்க்கரைப் பொங்கல் நிவேதனம் செய்து, பிரசாதம் வழங்கலாம்.
சூழ்நிலை உணர்ந்து செயல் மேற்கொள்ளும், மீன ராசிக்காரர்களே!
உங்கள் ராசிக்கு ஐந்தில் குரு, ஆறாம் இடத்தில் சூரியன் அனுகூல பலன் தரும் வகையில் உள்ளனர். சான்றோரின் அன்பு, ஆசி மனதில் உத்வேகம் தரும். எதிர்ப்பு விலகி முன்னேற்ற பாதையில் நடைபோடுவீர்கள். வாகன பராமரிப்பு பயண முறையை இலகுவாக்கும். புத்திரர் வேத சாஸ்திர கருத்துகளை அறிந்து பின்பற்றுவதில் ஆர்வம் கொள்வர். உடல் நல ஆரோக்கியம் சீராக இருக்கும்.இல்லறத் துணையின் மாறுபட்ட கருத்தை, குடும்ப நலன் கருதி சகித்துக் கொள்வீர்கள். தொழிலில் இருக்கிற அனுகூலம் பாதுகாப்பதால், பணவரவு திருப்திகரமாகும்.பணியாளர்கள், நிர்வாகத்தின் சட்ட திட்டம் கவனமுடன் ஏற்று செயல்படுவர். பெண்கள், மின்சார உபகரணங்களை கவனமுடன் பயன்படுத்தவும். மாணவர்கள், கருத்து பேதம் உள்ளவரிடம் விவாதிக்க வேண்டாம்.
சந்திராஷ்டமம்: 30.8.14 நள்ளிரவு 12:01 மணி முதல் 1.9.14 காலை 8:54 மணி வரை.
பரிகாரம்: நடராஜரை வழிபடுவதுடன் நடனக் கலை பயில்பவர்களுக்கு, பரிசுப் பொருட்களை வழங்கலாம்.
