நல்ல செயல்களால் அந்தஸ்து பெறும், மேஷ ராசிக்காரர்களே!
உங்கள் ராசிக்கு நட்புக்கிரகம் சுக்கிரன், பகை கிரகம் ராகு அனுகூல பலன் தருகிற இட அமர்வில் உள்ளனர். உடல்நல ஆரோக்கியம் பலம் பெறும். பணிகளில் அதிக ஈடுபாடு வளரும். உடன் பிறந்தவர்களுக்கு பண உதவி செய்வீர்கள். நல்லோரின் ஆலோசனை புதிய பாதையில் செயல்பட வைக்கும். வாகன பயன்பாடு சீராக இருக்கும். புத்திரரின செயல்குறையை சரி செய்வீர்கள். இல்லறத் துணை கூடுதல் அன்பு, பாசம் கொள்வார். தொழில் சார்ந்த இடையூறுகளை தாமதமின்றி சரி செய்யவும். பணியாளர்களுக்கு பணச் செலவு அதிகரிக்கும். பெண்கள், குடும்ப நலன் பாதுகாத்திடுவர். மாணவர்கள், வெளியிடம் சுற்றுவதை குறைக்கவும்.
பரிகாரம்: முருகப்பெருமான் வழிபாடு செல்வ வளம் தரும்.
வாக்குறுதியை உரிய காலத்தில் நிறைவேற்றும்,ரிஷப ராசிக்காரர்களே!
உங்கள் ராசிநாதன் சுக்கிரன் அசுர கிரகமான கேது, அனுகூல இட அமர்வில் உள்ளனர். பணவரவு அதிகம் பெற, புதிய வாய்ப்பு உருவாகும். தவறாமல் பயன்படுத்துவீர்கள். ஆன்மிக நம்பிக்கை, மனதில் ஊக்கம் தரும். அதிக விலையுள்ள பொருள் கவனமுடன் பாதுகாக்கவும். போக்குவரத்தில் கவனநடை பின்பற்றவும். புத்திரரின் உடல் நலத்திற்கு சிகிச்சை உதவும். எதிர்ப்புகள் வந்த வழியே திரும்பி விடும். இல்லறத் துணை பாசத்துடன் உதவுவார். தொழில், வியாபாரம் சுமாரான அளவில் இருக்கும். பணியாளர், கடமையை உணர்ந்து செயல்படவும், பெண்கள் சேமிப்பு பணத்தை பயன்படுத்துவர். மாணவர்கள், பெற்றோரின் எண்ணம் அறிந்து நடந்து கொள்ளவும்.
பரிகாரம்: தனலட்சுமி வழிபாடு தொழிலில் வளர்ச்சி தரும்.
அன்பும், பண்பும் நன்மை தரும் என வாழ்ந்திடும்,மிதுன ராசிக்காரர்களே!
உங்கள் ராசிக்கு நட்புக்கிரகங்களான சுக்கிரன், குரு, சனி பகை கிரகம் சூரியன் அனுகூல இட அமர்வில் உள்ளனர். நடை, உடை, செயலில் வசீகரம் அதிகரிக்கும். வாக்குறுதியை நிறைவேற்றுவீர்கள். அரசு சார்ந்த உதவி கிடைக்கும். வீடு, வாகனத்தில் பராமரிப்பு தேவைப்படும். புத்திரரின் எண்ணங்களை ஏற்றுக்கொள்வீர்கள். பணக்கடனில், ஒரு பகுதியை செலுத்துவீர்கள். இல்லறத்துணையின் உடல்நலம் ஆரோக்கியம் பெறும், தொழிலில் உற்பத்தி, விற்பனை செழிக்கும். பணியாளர்கள் பணம் சேமிப்பர். பெண்கள், குடும்ப உறுப்பினர்களை நன்கு உபசரிப்பர். மாணவர்கள், சாகச விளையாட்டில் ஈடுபட வேண்டாம்.
சந்திராஷ்டமம்: 9.5.15 நள்ளிரவு 12:01 மணி முதல் 11.5.15 இரவு 8:18மணி வரை.
பரிகாரம்: விநாயகர் வழிபாடு செயலில் கூடுதல் நன்மையைத் தரும்.
எளிமையான வாழ்வு முறை விரும்பி பின்பற்றும்,கடக ராசிக்காரர்களே!
உங்கள் ராசிக்கு குரு, சனி, கேது தவிர, மற்ற கிரகங்கள் அனுகூல பலன் தருவர். நற்செயல்களால் நண்பர், உறவினர்களிடம் புகழ் பெறுவீர்கள். புதிய வீடு, வாகனம் வாங்க சிலருக்கு அனுகூலம் உண்டு. புத்திரரின் மனக்குழப்பம் தெளிந்து வளர்ச்சிப் பாதையில் நடைபோடுவர். உடல் நல ஆரோக்கியம் சிறப்பாக அமைந்திடும். இல்லறத் துணை வழி சார்ந்த உறவினர்களால் உதவி உண்டு. தொழில், வியாபாரம் செழிக்க சில மாற்றம் செய்வீர்கள். பணியாளர், கூடுதல் தொழில் நுட்பம் அறிந்து கொள்வர். பெண்கள், புத்தாடை, ஆபரணம் வாங்க அனுகூலம் உண்டு. மாணவர்களின் படிப்பில் புதிய இலக்கு உருவாகும்.
சந்திராஷ்டமம்: 11.5.15 இரவு 8:19 மணி முதல் 13.5.15 காலை 11:47 மணி வரை.
பரிகாரம்: ஆஞ்சநேயர் வழிபாடு மனதில் நிம்மதியை தரும்.
கடமையை சரியாகச் செய்து, உரிய பலன் பெறும்சிம்ம ராசிக்காரர்களே!
உங்கள் ராசிக்கு பகை கிரகங்களான சுக்கிரன், புதன் அனுகூல இட அமர்வில் உள்ளனர். இதனால், பகைமை பாராட்டி வரும் நல்ல எண்ணத்துடன் உதவுகிற புதிய சூழல் உருவாகும். பேசுவதில் நிதானம் வேண்டும். தம்பி, தங்கை அதிக அன்பு பாராட்டுவர். வாகனத்தில் மிதவேகம் பின்பற்றவும். சொத்து ஆவணம் கவனமுடன் பாதுகாக்க வேண்டும். புத்திரரின் தேவையை நிறைவேற்ற கூடுதல் பணம் தேவைப்படும். எதிர்ப்பாக இருந்த விஷயம் பலமிழக்கும். இல்லறத் துணை விரும்பிய பொருள் வாங்கித் தருவீர்கள். தொழில் வியாபாரத்தில் நம்பிக்கையுடன் செயல்பட வேண்டும். பணியாளர் பணியிட சூழல் உணர்ந்து பணிபுரியவும். பெண்கள் மனதில் புதிய ஞானம் பெறுவர். மாணவர்கள், உடல்நலத்தில் உரிய கவனம் பின்பற்றவும்.
சந்திராஷ்டமம்: 13.5.15 காலை 11:48 மணி முதல் 15.5.15 நள்ளிரவு 1:32 மணி வரை.
பரிகாரம்: தன்வந்தரியை வழிபடுவதால் உடல்நலம் பெறும்.
அனுபவத்தை பாடமாக எண்ணிச் செயல்படும் கன்னி ராசிக்காரர்களே!
உங்கள் ராசிக்கு நட்புக் கிரகங்களான குரு, சனி அனுகூல இட அமர்வில் உள்ளனர். மனதில் தைரியம், செயலில் உத்வேகம் அதிகரிக்கும். இடம், சூழல் உணர்ந்து பேசுவீர்கள். வீடு, வாகனத்தில் திருப்திகர பயன்பாடு உண்டு. புத்திரர் தம் தகுதி, திறன் உணர்ந்து கொள்வர். எதிர்மனப்பாங்கு உள்ளவர் உதவி பெற முயற்சிப்பார். இல்லறத் துணையின் செயலை குறை சொல்ல வேண்டாம். தொழில், வியாபாரம் சுமாராக இருக்கும். பணியாளர், பணச்செலவில் சிக்கனம் பின்பற்றவும். பெண்கள் அதிக பயன்தராத பொருள் வாங்க வேண்டாம். மாணவர்கள் கலை பயில்வதில் ஆர்வம் கொள்வர்.
சந்திராஷ்டமம்: 15.5.15 நள்ளிரவு ௧:௩௩ மணி முதல் 16.5.15 அன்று நாள் முழுவதும்.
பரிகாரம்: சிவன் வழிபாடு இடையூறு வராமல் தடுக்கும்.
உழைப்பும், உண்மையும் இரு கண்கள் என, கருதும் துலாம் ராசிக்காரர்களே!
உங்கள் ராசிநாதன் சுக்கிரன், நட்புக் கிரகங்களான புதன், கேது அனுகூல இட அமர்வில் உள்ளனர். கடந்த கால நற்செயலுக்கான புண்ணிய பலன் தேடி வரும். குடும்பத் தேவையை நிறைவேற்ற பணவரவு கிடைக்கும். புத்திரரின் எண்ணத்தில் மறுமலர்ச்சி ஏற்படும். விருந்து, விழாவில் கலந்து கொள்வீர்கள். உடல்நல ஆரோக்கியம் பலம் பெறும். வாகன பயணம் இனிதாக அமையும். இல்லறத்துணை கருத்து ஒற்றுமை கொள்வார். தொழில் சிறக்க, புதியவர்களின் வருகை துணை நிற்கும். பணியாளர் குறித்த காலத்தில் பணி இலக்கை நிறைவேற்றுவர். பெண்களுக்கு, தாய் வீட்டு உதவி கிடைக்கும். மாணவர்கள், புதுமை கருத்தில் ஆர்வம் கொள்வர்.
பரிகாரம்: அன்னை மீனாட்சி வழிபாடு சகல நன்மையையும் தரும்.
தன்னைச் சார்ந்தவருக்கு நல்வழி காட்டும் விருச்சிக ராசிக்காரர்களே!
உங்கள் ராசிக்கு, சூரியன், சுக்கிரன், குரு, ராகு அனுகூல இட அமர்வில் உள்ளனர். பலநாள் நினைத்த எண்ணம் இனிதாக நிறைவேறும். உறவினர், நண்பரிடம் உங்கள் மீதான மதிப்பு, மரியாதை கூடும். சிலர் வீடு, வாகனம் வாங்க, நல்ல யோகம் உண்டு. புத்திரர், ஆன்மிக கருத்துகளில் நம்பிக்கை கொள்வர். எதிர்மறையாக இருந்த சில விஷயம் விலகும். இல்லறத்துணையின் சொல்லும், செயலும் நன்மையைத் தரும். தொழிலில், அபிவிருத்தி பணி புரிவீர்கள். பணவரவு திருப்திகரமாகும். பணியாளர்களுக்கு சலுகை, சன்மானம் அதிகரிக்கும். பெண்கள், மனக்கவலையை மறந்து, குடும்ப நலனில் கவனம் கொள்வர். மாணவர்கள், தன் செயல் குறையை சரி செய்வர்.
பரிகாரம்: சூரிய வழிபாடு, பூர்வ ஜென்ம நற்பலனைத் தரும்.
பணியில் கண்ணும் கருத்துமாக ஈடுபடும் தனுசு ராசிக்காரர்களே!
உங்கள் ராசிக்கு ஆறாம் இடத்தில் செவ்வாய், புதன் அனுகூலமாக உள்ளனர். சுற்றுச்சூழ்நிலையின் போக்கு உணர்ந்து செயல்பட வேண்டும். உடன்பிறந்தவர் அதிக அன்பு பாராட்டுவர். வீடு, வாகனத்தில், உரிய பாதுகாப்பை பின்பற்றவும். புத்திரரின் கவனக்குறைவை, இதமான அணுகுமுறையால் சரி செய்வது நல்லது. காலமுறை உணவுப்பழக்கம், சீரான ஓய்வு, உடல்நலத்தை பாதுகாக்க உதவும். இல்லறத்துணை வழி சார்ந்த உறவினர்களை குற்றம் சொல்ல வேண்டாம். தொழில் சார்ந்த இடையூறை, தாமதமின்றி சரி செய்யவும். பணியாளர்கள், பணியிடத்தில் விவாதம் பேச வேண்டாம். பெண்கள், பணச்செலவில் சிக்கனம் பின்பற்றவும். மாணவர்கள், அதிக பயன் தராத பொருளை வாங்க வேண்டாம்.
பரிகாரம்: மாரியம்மன் வழிபாடு, மனதில் தைரியத்தை வளர்க்கும்.
மதிநுட்ப செயல்களால், அதிக நன்மை பெறும் மகர ராசிக்காரர்களே!
உங்கள் ராசிநாதன் குரு, உச்சபலத்துடனும், சனி, கேது அனுகூல இட அமர்விலும் உள்ளனர். உடல்நலம் பேணுவதால் சொல், செயலில் புதிய பரிமளிப்பு உருவாகும். புதியவர்களின் உதவி கிடைக்கும். வீடு, வாகனத்தில் பராமரிப்பு தேவைப்படும். புத்திரரின் எதிர்கால நலனுக்காக, சில பணிகளை மேற்கொள்வீர்கள். ஒவ்வாத உணவு உண்ண வேண்டாம். இல்லறத்துணை, குடும்ப நலனில் அக்கறை கொள்வார். தொழிலில், உற்பத்தி, விற்பனை சராசரி அளவில் இருக்கும். பணியாளர், கால அவகாசத்தில் பணி இலக்கை நிறைவேற்றுவர். பெண்கள், பணப்பொறுப்பை ஏற்க வேண்டாம். மாணவர்கள், மன்னிக்கும் மனப்பாங்கு கொள்வர்.
பரிகாரம்: சாஸ்தா வழிபாடு, செயல்களை சிறப்பாக்கும்.
பணவரவுக்கு ஏற்ப செலவுகளில் திட்டமிடும் கும்ப ராசிக்காரர்களே!
உங்கள் ராசிக்கு, நட்புக் கிரகங்களான சூரியன், புதன், சுக்கிரன், அனுகூல இட அமர்வில் உள்ளனர். சொல், செயலில் நேர்மை நிறைந்திருக்கும். எதிர்கால வாழ்வில் நம்பிக்கை கொள்வீர்கள். மகளின் ஜாதக யோக பலம், அளப்பரிய நன்மைகளை தரும். இஷ்ட தெய்வ வழிபாடு நடத்துவீர்கள். உறவினர்களின் வருகை, வீட்டில் மகிழ்ச்சியை அதிகரிக்கும். பணவரவுக்கேற்ப, பொன், பொருள் சேர்க்கை கிடைக்கும். இல்லறத்துணையுடன் விருந்து விழாவில் கலந்து கொள்வீர்கள். தொழில், வியாபாரத்தில், பணிச்சுமை கூடும். பணியாளர், கூடுதல் வேலைவாய்ப்பு திருப்திகர அளவில் சன்மானம் பெறுவர். பெண்கள், பிள்ளைகள் நலனில் கவனம் கொள்வர். மாணவர்கள், சாகச விளையாட்டில் ஈடுபடக் கூடாது.
பரிகாரம்: தட்சிணாமூர்த்தி வழிபாடு, மனதில் புதிய ஞானத்தை தரும்.
நட்பின் பெருமையை முழுமனதுடன் போற்றும் மீன ராசிக்காரர்களே!
உங்கள் ராசிக்கு, தர்மகர்ம அதிபதிகளான செவ்வாய், குரு அனுகூல இட அமர்வில் உள்ளனர். சுக்கிரனும், நற்பலன் தருவார். செயல் சிறப்பாக அமைந்து, அதிக புகழ், பணவரவை தரும். உடன்பிறந்தவர்களுக்கு சுப நிகழ்ச்சி நடத்த, அனுகூலம் உண்டு. கண்களின் பாதுகாப்பில் கவனம் வேண்டும். வீடு, வாகனத்தை பிறர் பொறுப்பில் தர வேண்டாம். புத்திரர், வேத சாஸ்திர அறிவில் மேம்படுவர். எதிர்ப்பாளரிடம் இருந்து விலகவும். இல்லறத்துணை சொந்தங்களின் உதவியை பெறுவார். தொழில், வியாபாரம், வளர்ச்சிப்பாதையில் செயல்படும். பணியாளர் அதிக தொழில்நுட்பம் அறிந்து கொள்வர். பெண்கள், சிக்கன செலவில் பணம் சேமிப்பர். மாணவர்கள், தனித்திறனை வளர்த்துக் கொள்வர்.
பரிகாரம்: பெருமாள் வழிபாடு, தொழிலில் வளர்ச்சி தரும்.
