நற்பெயரை தக்க வைக்கும், மேஷ ராசிக்காரர்களே!
ராசிக்கு மூன்றில் சுக்கிரன், ஆறில் ராகு அனுகூலமாக உள்ளனர். அனைவரிடமும் நட்புடன் பழகுவீர்கள். குடும்பத்தின் முக்கிய தேவையை நிறைவேற்றுவீர்கள். வாகனத்தில் பராமரிப்பு செலவு கூடும். புத்திரர் உடல்நலனுக்காக பணச் செலவு செய்ய நேரிடும். நிலுவைப்பணம் வசூலாகும். இல்லறத் துணையின் ஆலோசனை, வளர்ச்சிக்கு துணைநிற்கும். தொழில், வியாபாரத்தில் முயற்சிக்கேற்ப பலன் காண்பீர்கள். பணியாளர்கள், நேரம் தவறாமையை பின்பற்றுவது நல்லது. பெண்களுக்கு, தாய் வீட்டு உதவி கிடைக்கும். மாணவர்கள், புதியவர்களின் நட்பை பெறுவர்.
பரிகாரம்: அம்மன் வழிபாடு, வாழ்வில் வளம் சேர்க்கும்.
திட்டமிட்டு செயலாற்றுகின்ற, ரிஷப ராசிக்காரர்களே!
ராசிக்கு இரண்டில் சுக்கிரன், ஆதாய ஸ்தானத்தில் கேது அனுகூலமாக உள்ளனர். செயல்களில் உரிய திட்டமிடுதல் அவசியம். வார்த்தையின் இனிமையால் நல்லவரின் நட்பை பெறுவீர்கள். வாகனத்தில் மிதவேகம் பின்பற்றுவது நல்லது. இதமான அணுகுமுறையால் புத்திரரை நல்வழிப்படுத்த முயல்வீர்கள். இல்லறத் துணையின் ஆதரவால் ஒற்றுமை சிறக்கும். தொழில், வியாபாரத்தில் புதிய உத்தியால் லாபத்தை உயர்த்துவீர்கள். பணியாளர்கள், பணிச்சுமையை சந்தித்தாலும் ஆதாயம் காண்பர். பெண்கள், பிள்ளைகளின் நலனுக்காகப் பாடுபடுவர். மாணவர்கள், பெற்றோரின் கருத்துக்கு மதிப்பளிப்பர்.
பரிகாரம்: பெருமாள் வழிபாட்டில் ஈடுபடுவது அவசியம்.
தவறை திருத்திக் கொள்ளும், மிதுன ராசிக்காரர்களே!
சுக்கிரன், சனி, குரு, புதனின் அமர்வு சிறப்பாக உள்ளது. சமூகத்தில் நற்புகழுடன் விளங்குவீர்கள். பணவரவு திருப்திகரமாகும். விரும்பிய ஆடம்பரப் பொருளை வாங்குவீர்கள். தாயின் ஆசியால் உற்சாகம் காண்பீர்கள். புத்திரர், உங்கள் சொல் கேட்டு நடப்பர். ஆரோக்கியம் பலம் பெறும். இல்லறத் துணையுடன் விருந்து, விழாவில் கலந்து கொள்வீர்கள். தொழில், வியாபாரம் வியத்தகு வளர்ச்சி பெறும். பணியாளர்கள், சுதந்திரமாகப் பணியாற்றுவர். பெண்கள், நினைத்ததை சாதித்துக் காட்டுவர். மாணவர்கள், பொது அறிவில் மேம்படுவர்.
பரிகாரம்: தட்சிணாமூர்த்தி வழிபாடு, அமைதிக்கு வழிகாட்டும்.
அன்பால் பிறர் மனம் கவரும், கடக ராசிக்காரர்களே!
குரு, சனி, கேது தவிர மற்ற கிரகங்கள் அளப்பரிய நற்பலன் தருவர். மன உறுதியுடன் செயல்படுவீர்கள். பெரிய மனிதர்களின் உதவி கிடைக்கும். உடன் பிறந்தவர்களுக்கு சுபநிகழ்ச்சி நடத்த யோகமுண்டு. வாகன பயணம் இனிய அனுபவத்தைத் தரும். புத்திரர் விரும்பிய பொருளை வாங்கித் தருவீர்கள். எதிரியிடம் இருந்து விலகி இருப்பது நல்லது. இல்லறத் துணையின் அன்பை கண்டு மகிழ்வீர்கள். தொழில், வியாபாரத்தில் வளர்ச்சிப் பணி செய்வீர்கள். பணியாளர்களுக்கு, சலுகை கிடைக்கும். பெண்கள் மனதில் ஆன்மிக எண்ணம் உண்டாகும். மாணவர்கள், நண்பர்களின் பாராட்டை பெறுவர்.
பரிகாரம்: தன்வந்திரி வழிபாட்டால், ஆரோக்கியம் மேம்படும்.
திறமையால் புகழ் பெறும், சிம்ம ராசிக்காரர்களே!
சூரியன், சுக்கிரன் அனுகூல பலன் தரும் விதத்தில் அமர்ந்துள்ளனர். சுறுசுறுப்பாக செயல்பட்டு, பணிகளை விரைந்து முடிப்பீர்கள். வீடு, வாகனத்தின் பாதுகாப்பு விஷயத்தில் அக்கறை கொள்வது நல்லது. புத்திரரின் முன்னேற்றத்திற்கு வழிவகை செய்வீர்கள். வருமானம் அதிகரிப்பதால், பணக்கடன் தீரும். இல்லறத் துணையால், குடும்ப ஒற்றுமை மேலோங்கும். தொழில், வியாபாரம் அமோக வளர்ச்சி பெறும். பணியாளர்களுக்கு, சலுகை கிடைக்கும். பெண்கள், குடும்ப நலனுக்காகப் பாடுபடுவர். மாணவர்கள், விழிப்புடன் செயல்படுவது நல்லது.
பரிகாரம்: விநாயகர் வழிபாடு, தொழில் வளர்ச்சிக்கு துணைநிற்கும்.
உழைப்பால் உயர விரும்பும், கன்னி ராசிக்காரர்களே!
புதன், குரு, சனி அதிக நற்பலன் தருவர். கடந்த கால நற்செயலுக்குரிய பலனை, தற்போது காண்பீர்கள். வீடு, வாகனத்தில் பராமரிப்பு பணி இருக்கும். புத்திரர்கள், கடமையை உணர்ந்து செயல்படுவர். எதிரிகள் பலமிழந்து போவர். இல்லறத் துணையின் செயலை குறை சொல்வதை தவிர்க்கவும். தொழில், வியாபாரத்தில் எதிர்பார்த்த லாபம் சேரும். பணியாளர்கள், குறித்த காலத்தில் பணி இலக்கை நிறைவேற்றுவர். பெண்கள், பணப்பொறுப்பு ஏற்பது கூடாது. மாணவர்கள், மனஉறுதியுடன் செயல்பட்டு முன்னேறுவர்.
பரிகாரம்: தினமும் நீராடியதும் சூரியனை வணங்குங்கள்.
மன உறுதியுடன் பணிபுரியும், துலாம் ராசிக்காரர்களே!
உங்கள் ராசிக்கு சுக்கிரன், கேது நற்பலன் தருவர். மனதில் மகிழ்ச்சி நிறைந்திருக்கும். வருமானம் உயரும். உடன் பிறந்தவர்கள் எதிர்பார்ப்பை நிறைவேற்றுவீர்கள். வாகன பயன்பாடு சீராக இருக்கும். புத்திரரின் குறைபாட்டை சரிசெய்வீர்கள். இல்லறத் துணை கூடுதல் அன்பு, பாசம் கொள்வார். தொழிலில் சீரான வளர்ச்சி உண்டாகும். பணியாளர்கள் எதிர்பார்த்த சலுகை தாமதமாகும். பெண்கள், உறவினரால் மதிக்கப்படுவர். மாணவர்கள், புதிய கல்வியாண்டை எதிர்நோக்கி காத்திருப்பர்.
பரிகாரம்: முருகன் வழிபாடு, நம்பிக்கையைத் தரும்.
அமைதியான வாழ்வு முறையை விரும்பும், விருச்சிக ராசிக்காரர்களே!
உங்கள் ராசிக்கு புதன், சுக்கிரன், குரு, ராகுவின் அமர்வு சிறப்பான இடங்களில் உள்ளது. செயலில் முழுஅளவில் வெற்றி உண்டாகும். குடும்பத்தில் சுபநிகழ்வு நடந்தேறும். உறவினர் மத்தியில் செல்வாக்கு கூடும். புதிய வீடு, வாகனம் வாங்க அனுகூலம் உண்டு. புத்திரர், நற்செயலால் பெருமை சேர்ப்பர். எதிரி தொல்லை விலகும். இல்லறத் துணை, கருத்து ஒற்றுமை கொள்வார். தொழில், வியாபாரம் படிப்படியாக முன்னேற்றம் பெறும். பணியாளர்களுக்கு, சலுகை கிடைக்கும். பெண்கள், வீட்டு உபயோகப் பொருள் வாங்குவர். மாணவர்கள், புதிய கல்வியாண்டிற்கு தயாராவர்.
பரிகாரம்: மகாலட்சுமி வழிபாடு, சகல நன்மை தரும்.
நற்பண்புகளைப் பின்பற்றும், தனுசு ராசிக்காரர்களே!
உங்கள் ராசிக்கு செவ்வாய், சூரியன், சந்திரன் நற்பலன் தருவர். புதிய திட்டங்களை பரிசீலித்து செயல்படுத்தவும். வாகனத்தில் மிதமான வேகம், பயண முறையை எளிதாக்கும். புத்திரர் விரும்பிய பொருட்களை வாங்கித் தருவீர்கள். தொழிலில் போட்டியாளர்களின் எதிர்ப்பை சமாளித்து, வெற்றி காண்பீர்கள். இல்லறத் துணையின் தவறுகளை, அன்பினால் சரிசெய்வீர்கள். தொழிலில் சீரான வளர்ச்சியும், லாபமும் இருக்கும். பணியாளர்கள், சலுகை பெறுவதில் தாமதம் உருவாகலாம். பெண்கள், நகை, பணம் கவனமுடன் பாதுகாக்கவும். மாணவர்கள், கல்வி வளர்ச்சிக்கான சூழல் அமையப்பெறுவர்.
சந்திராஷ்டமம்: 24.5.15 காலை 6:00 மணி முதல், 25.5.15 அதிகாலை 4.28 மணி வரை.
பரிகாரம்: அர்த்தநாரீஸ்வரர் வழிபாடு, ஒற்றுமையை வளர்க்கும்.
வார்த்தையில் நிதானம் பின்பற்றும், மகர ராசிக்காரர்களே!
கேது, புதன், குரு, சனி அதிக நற்பலன் தருவர். செல்வ வளம் அதிகரிக்கும். விலகிய உறவினரும் சொந்தம் பாராட்டுவர். பணியில் புத்துணர்வுடன் ஈடுபடுவீர்கள். வாகன பயணம் இனிதாக அமையும். புத்திரர், எதிர்கால நலனுக்காக ஆலோசிப்பீர்கள். இல்லறத் துணையின் உடல் நலனில் அக்கறை தேவைப்படும். தொழில், வியாபாரத்தில் கூடுதல் கண்காணிப்பு நன்மை தரும். பணியாளர்கள், அதிக பொறுப்புணர்வுடன் பணிபுரிவது அவசியம். பெண்கள், உறவினர்களுடன் வாக்குவாதத்தில் ஈடுபடுவது கூடாது. மாணவர்கள், புதிய நண்பர்களின் நட்பைப் பெறுவர்.
சந்திராஷ்டமம்: 25.5.15 அதிகாலை 4.29 மணி முதல், 27.5.15 மாலை 4.08 மணி வரை.
பரிகாரம்: நரசிம்மர் வழிபாட்டால், வாழ்வில் இனிமை சேரும்.
அடுத்தவர் கருத்தை மதித்திடும், கும்ப ராசிக்காரர்களே!
சுக்கிரன், சந்திரன் மட்டுமே ஓரளவு நற்பலன் தருவர். திட்டமிட்ட பணி நிறைவேற தாமதம் ஆகலாம். நண்பர்கள் விஷயத்தில் நிதானம் தேவைப்படும். நிகழ் கால அனுபவம், புதிய படிப்பினை அளிக்கும். வெளியூர் பயணத்தை, பயன் அறிந்து மேற்கொள்வது நல்லது. புத்திரர் நற்செயல்களால், குடும்பநலன் பாதுகாக்கப்படும். உடல்நலம் சீராகும். இல்லறத் துணை இன்ப, துன்பங்களில் சமபங்கு கொள்வார். தொழில் மாற்றங்களை உரிய தருணங்களில் மேற்கொள்ளலாம். பணியாளர்கள், பணியில் மட்டும் கவனம் செலுத்துவது நல்லது. பெண்கள், வீட்டு செலவில் சிக்கனம் பின்பற்றுவர். மாணவர்கள், பொழுதுபோக்கில் ஈடுபடுவர்.
சந்திராஷ்டமம்: 27.5.15 மாலை 4.09 மணி முதல், 29.5.15 அதிகாலை 3:32 மணி வரை.
பரிகாரம்: சிவன் வழிபாடு, வெற்றிக்கு வழிவகுக்கும்.
குடும்பத்தினரிடம் பாசம் மிகுந்த, மீன ராசிக்காரர்களே!
உங்களுக்கு சூரியன், செவ்வாய் சுக்கிரன், குரு அதிக நற்பலன் தருவர். முருகனின் நல்லருள் துணைநிற்கும். பொன், பொருள் சேர்க்கை உண்டாகும். உடன் பிறந்தவர்களின் அன்பு, ஆதரவு கிடைக்கும். வீடு, வாகனத்தில் பராமரிப்புப் பணி மேற்கொள்வீர்கள். வீட்டில் மங்கல நிகழ்ச்சி நடந்தேறும். எதிரியும் பாராட்டும் விதத்தில் புதிய சூழல் உருவாகும். இல்லறத் துணை, குடும்பத்தின் எதிர்கால நலனில் அக்கறை கொள்வார். தொழிலில் லாப விகிதம் அதிகரிக்கும். பணியாளர்கள், பணி இலக்கை எளிதாக நிறைவேற்றுவர். பெண்களுக்கு, தாய்வீட்டு உதவி கிடைக்கும். மாணவர்கள், எதிர்காலம் குறித்து சிந்திப்பர்.
சந்திராஷ்டமம்: 29.5.15 அதிகாலை 3.33 மணி முதல், 30.5.15 நாள் முழுவதும்.
பரிகாரம்: பைரவர் வழிபாட்டால், நன்மை பெருகும்.
