பக்குவம் நிறைந்த மனதுடன் பணி மேற்கொள்ளும், மேஷ ராசிக்காரர்களே!
இந்த வாரம், உங்கள் ராசிக்கு ராகு, சுக்கிரன், புதன் அளப்பரிய வகையில் நற்பலன் தருவர்.
எதிர்ப்பு விலகி, வாழ்வில் முன்னேற்றம் பெற புதிய வழி பிறக்கும். எவரிடமும் சமயோசிதமாக பேசி, நன்மை பெறுவீர்கள். வீடு, வாகனத்தில் திருப்திகர நிலை உண்டு. புத்திரரின் உடல் நலத்திற்கு ஒவ்வாத உணவு, உண்ணத் தர வேண்டாம். பணக்கடன் பற்றிய கவலை குறையும். இல்லறத் துணை, கூடுதல் அன்பு பாராட்டுவார். தொழில், வியாபாரத்தில் உள்ள அனுகூலம் பாதுகாத்திடுவீர்கள். பணியாளர்களுக்கு, ஓரளவு சலுகை கிடைக்கும். பெண்கள், மன நிம்மதியுடன் பணிகளை கவனிப்பீர்கள். மாணவர்கள், ஆசிரியரின் வழிகாட்டுதல் ஏற்று நன்மை பெறுவீர்கள்.
சந்திராஷ்டமம்: 22.11.14 நள்ளிரவு 12:01 மணி முதல், 24.11.14 மதியம் 1:35 மணி வரை.
பரிகாரம்: சிவ பெருமானை வழிபடுவதால், தொழிலில் சுமுகநிலை உருவாகும்.
லட்சியம் நிறைவேற்ற கூடுதல் நேரம் பணி புரியும், ரிஷப ராசிக்காரர்களே!
இந்த வாரம், உங்கள் ராசிக்கு சனி பகவான் மற்றும் கேதுவின் அருள்பலம் மட்டுமே உள்ளது. மனதில் நேர்மறை சிந்தனை அதிகரிக்கும். சிரமம் தருகிற செயல்களில் இருந்து விலகுவீர்கள். குடும்பத்தின் செலவுக்கான பணத் தேவை அதிகரிக்கும். வாகனத்தில் மித வேகம் பின்பற்றவும். புத்திரரை நல்வழி நடத்துவதில், கூடுதல் அக்கறை தேவைப்படும். உடல் நல ஆரோக்கியம் சீராக இருக்கும்.இல்லறத் துணையிடம், பழைய விவகாரம் குறித்துப் பேச வேண்டாம். தொழில், வியாபார நடைமுறை சராசரி அளவில் இயங்கும். பணியாளர்கள், பணிகளை பொறுப்புணர்வுடன் நிறைவேற்றுவீர்கள். பெண்கள், கணவரின் அனுமதியின்றி பணம் கொடுக்க, வாங்க வேண்டாம். மாணவர்கள் தாழ்வு மனப்பான்மையை விலக்குவதால், படிப்பில் தேர்ச்சி விகிதம் கூடும்.
சந்திராஷ்டமம்: 24.11.14 மதியம் 1:36 மணி முதல், 26.11.14 மாலை 5:20 மணி வரை.
பரிகாரம்: நாக தேவதையை வழிபடுவதால், வாழ்வில் நன்மை அதிகரிக்கும்.
கருணை மனதுடன் பிறருக்கு உதவி செய்யும், மிதுன ராசிக்காரர்களே!
இந்த வாரம், உங்கள் ராசிக்கு இரண்டில் குரு, ஆறாம் இடத்தில் புத ஆதித்ய யோகம் தரும் வகையில் சூரியன், புதன் அனுகூலமாக உள்ளனர். சான்றோர்களின் அன்பு, ஆசி கிடைக்கும். தாமதமான பணிகளை, ஆர்வமுடன் பூர்த்தி செய்வீர்கள். அக்கம், பக்கத்தவர் உதவிகரமாக நடந்து கொள்வர்.புத்திரரின் படிப்பு, செயல் திறன் மந்த கதியில் இருக்கும். வழக்கு விவகாரத்தில், சாதகமான தீர்வு கிடைக்கும். இல்லறத் துணையின் மனதில் நம்பிக்கை வளர உதவுங்கள். தொழிலில் உற்பத்தி, விற்பனை வளர்ச்சி பெறும். பணியாளர்களுக்கு, ஓரளவு சலுகை கிடைக்கும். பெண்கள், செலவுகளில் சிக்கனம் கடைப்பிடிப்பர். மாணவர்கள், நண்பர்களிடம் நிதானித்து பழக வேண்டும்.
சந்திராஷ்டமம்: 26.11.14 மாலை 5:21 மணி முதல், 28.11.14 இரவு 8:05 மணி வரை.
பரிகாரம்: ஆஞ்சநேயரை வழிபடுவதால், செயல் திருப்திகரமாக நிறைவேறும்.
நீதி, நேர்மை குணம் மன உறுதியுடன் பின்பற்றும், கடக ராசிக்காரர்களே!
இந்த வாரம், உங்கள் ராசிக்கு மூன்றாம் இடத்தில் ராகு, ஐந்தில் உள்ள சுக்கிரன் மட்டுமே நற்பலன் தருவர். சமூகத்தில் பெற்ற நற்பெயரை பாதுகாப்பதில், கூடுதல் முயற்சி தேவைப்படும். ஆடம்பர செலவு தவிர்ப்பதால், சேமிப்பு குறையாமல் இருக்கும். நீண்ட துார வாகன பயணங்களில், சீரான ஓய்வு அவசியம். புத்திரர், தமது திறமையை வளர்த்திடும் லட்சியங்களுடன் செயல்படுவர். நீங்கள், பொது விவகாரங்களில் கருத்து சொல்ல வேண்டாம். இல்லறத் துணை கூடுதல் அன்பு, பாசத்துடன் உதவுவார். தொழிலில் சில மாற்றம் செய்து உற்பத்தி, விற்பனை அளவை சீர் செய்வீர்கள். பணியாளர்கள், பணி இலக்கு நிறைவேற்ற கால அவகாசம் தேவைப்படும். பெண்கள், குடும்ப நலன் சிறக்க இஷ்ட தெய்வ வழிபாடு மேற்கொள்வீர்கள். மாணவர்கள், சாகச விளையாட்டுகளில் ஈடுபடக் கூடாது.
சந்திராஷ்டமம்: 28.11.14 இரவு 8:06 மணி முதல், 29.11.14 அன்று நாள் முழுவதும்.
பரிகாரம்: குபேரரை வழிபடுவதால், தொழிலில் பண வரவு சீராகும்.
பேரும், புகழும், கூடுதல் பண வரவும் பெற விரும்பும், சிம்ம ராசிக்காரர்களே!
இந்த வாரம், உங்கள் ராசிக்கு நான்காம் இடத்தில் உள்ள சுக்கிரன், புதன், மூன்று, ஆறாம் இடங்கள் முறையே உச்ச பலத்துடன் உள்ள சனி, செவ்வாய் அளப்பரிய நற்பலன் தருவர். பேச்சில் ஆதாய நோக்கம் இருக்கும். கடந்த காலத்தில் விலகியவர், அன்பு பாராட்டுவார். புதிய வாகனம், வீடு வாங்க நல்யோகம் உண்டு. புத்திரரின் விருப்பம் கேட்டு நிறைவேற்றுவீர்கள். பணக்கடனில் ஒரு பகுதி செலுத்துவீர்கள். அரசுத் துறை சார்ந்தவர்களிடம், இதமான அணுகுமுறையை பின்பற்றவும். இல்லறத் துணை, உங்கள் நலன் சிறக்க உதவுவார். தொழிலில் உற்பத்தி, விற்பனை கூடும். பணியாளர்களுக்கு, வேலை வாய்ப்பு அதிகரிக்கும். பெண்கள், தாய் வீட்டு உதவி கிடைத்து மகிழ்வர். மாணவர்கள், புதிய நண்பர்களின் அன்பை பெறுவர்.
பரிகாரம்: பைரவரை வழிபடுவதால், எதிர்ப்பாளரின் கெடுதல் முயற்சி பலமிழக்கும்.
தன்னைச் சார்ந்தவர்களுக்கு இயன்ற அளவில் உதவும், கன்னி ராசிக்காரர்களே!
இந்த வாரம், உங்கள் ராசிக்கு சூரியன், சுக்கிரன் உச்ச பலம் பெற்ற குருவின் அமர்வு, சிறப்பான இடங்களில் உள்ளது. பேசும் வார்த்தையில் நிதானம், நற்பெயரை பாதுகாக்கும். புதியவர்களின் அறிமுகம், உதவி கிடைக்கும். வாகன பயன்பாடு சீராக இருக்கும். புத்திரர், தகுதி மீறிய செயல்களில் ஆர்வம் கொள்வர். உங்களின் அறிவுரை, கண்டிப்பு அனுகூலம் தரும். விஷப் பிராணிகளிடம் இருந்து விலகுவது நல்லது. இல்லறத் துணையின் கூடுதல் அன்பு, பாசம், நெகிழ்ச்சி தரும். தொழில், வியாபார நடைமுறை சராசரி அளவில் இருக்கும். பணியாளர்கள், நிர்வாகத்தின் சட்ட திட்டத்தை கவனமுடன் பின்பற்றவும். பெண்கள், குடும்ப நலன் சிறக்க பணி மேற்கொள்வர். மாணவர்கள், பெற்றோர், ஆசிரியரிடம் பாராட்டு பெறுவீர்கள்.
பரிகாரம்: அன்னை மீனாட்சியை வழிபடுவதால், குடும்பத்தில் ஒற்றுமை வளரும்.
பழகுபவர்களிடம் சூழ்நிலை உணர்ந்து பேசும், துலாம் ராசிக்காரர்களே!
இந்த வாரம், உங்கள் ராசிக்கு இரண்டாம் இடத்தில் சுக்கிரன், ஆறாம் இடத்தில் உள்ள கேது மட்டுமே நற்பலன் தருவர். ஆர்வம் மிகுந்த செயல்களில், கவனக் குறைவினால் தாமதம் ஏற்படலாம். பிறரது விமர்சனம் வராமல் செயல்படுவது அவசியம். உங்களின் ஆலோசனையை, அன்புக்கு உரியவர்கள் விரும்பி கேட்பர். போக்குவரத்தில் நிதானம் வேண்டும். புத்திரரின் தேவையை நிறைவேற்ற தாமதம் ஆவதால், வருத்தம் கொள்வர். ஆன்மிக அருள் பலம், துன்பம் விலக வழி ஏற்படுத்தும். இல்லறத் துணை வழி சார்ந்த உறவினர் உதவுவர். தொழில், வியாபாரத்திற்கு கூடுதல் மூலதனம் தேவைப்படும். பணியாளர்கள், பாதுகாப்பு நடைமுறையில் அக்கறை கொள்ளவும். பெண்கள், கணவரின் அன்பு, வாழ்த்து பெறுவர். மாணவர்கள், பாதுகாப்பு குறைந்த இடங்களில் செல்ல வேண்டாம்.
பரிகாரம்: விஷ்ணு பகவானை வழிபடுவதால், பூர்வ புண்ணிய நற்பலன்களை பெறலாம்.
பிறர் சொல்லும் புகழ்ச்சி, இகழ்ச்சியின் நோக்கம் உணர்ந்து செயல்படும், விருச்சிக ராசிக்காரர்களே!
இந்த வாரம், உங்கள் ராசிக்கு சுக்கிரன், குரு, ராகு, செவ்வாயின் அமர்வு சிறப்பான இடங்களில் உள்ளனர். குரு, செவ்வாய் உச்சம் பெற்ற நிலையில் ஒருவரை ஒருவர், சம சப்தமமாக பார்க்கின்றனர். பொருளாதார வளம் சிறந்து, புதிய சொத்து சேர்க்கை பெறுவீர்கள். பசு, பால் பாக்ய யோகம் மற்றும் முருகப் பெருமானின் நல்லருள் பலம் சிறப்பாக கிடைக்கும். புத்திரர் படிப்பு, வேலை வாய்ப்பில் முன்னேற்றம் காண்பர். உடல் நலம் ஆரோக்கியம் பெறும். இல்லறத் துணை விரும்பிய பொருள் வாங்கித் தருவீர்கள். தொழில், வியாபாரம் செழித்து வளரும். பணியாளர்கள், இலகுவாக பணி நிறைவேற்றுவர். பெண்கள் ஆடை, ஆபரணம் வாங்க நல்யோகம் உண்டு. மாணவர்கள், புதிய பயிற்சியினால் படிப்பில் சிறப்பான இடம் பெறுவர்.
பரிகாரம்: விநாயகரை வழிபடுவதால், புதிய செயல் கூடுதல் நன்மை தரும்.
செயல் நிறைவேற்ற உரிய தருணம் எதிர்பார்த்திருக்கும், தனுசு ராசிக்காரர்களே!
இந்த வாரம், உங்கள் ராசிக்கு சனி, சுக்கிரன் நற்பலன் தருவர். ராசிக்கு தர்ம, கர்ம அதிபதிகளான சூரியன், புதன் விரய ஸ்தானத்தில் உள்ளனர். இதனால், உங்களின் புகழ், பணத்திற்கு குறைவு வராமல் கவனமுடன் செயல்படவும். வீடு, வாகனத்தில், அறிமுகம் இல்லாதவர்களுக்கு இடம் தர வேண்டாம்.புத்திரர் பயன்படுத்தும் விலை உயர்ந்த பொருட்களை, கவனமுடன் பாதுகாக்க சொல்லுங்கள். சத்து நிறைந்த உணவு, சீரான ஓய்வு, உடல் நலம் பாதுகாக்கும். இல்லறத் துணையின் கூடுதல் அன்பில் மகிழ்வீர்கள். தொழிலில் உருவாகும் இடையூறை, தாமதமின்றி சரி செய்யவும். பணியாளர்கள், சுறுசுறுப்பாக செயல்படுவது நற்பலன் தரும். பெண்கள், நகை இரவல் கொடுக்க, வாங்க வேண்டாம். மாணவர்கள், புதியவரை நண்பராக ஏற்பதில் நிதானம் வேண்டும்.
பரிகாரம்: சனிபகவானை வழிபடுவதால், வாழ்வில் பலவித நன்மையும் ஏற்படும்.
அன்பு நிறைந்த செயல்களால் பிறர் மனம் கவரும், மகர ராசிக்காரர்களே!
இந்த வாரம், உங்கள் ராசிக்கு லாப ஸ்தானத்தில் சூரியன், புதன், சுக்கிரன் முக்கூட்டு கிரகங்களாக அனுகூல அமர்வில் உள்ளனர். மீன கேது, கடக குரு கூடுதல் நற்பலன் தருவர். பணி நிறைவேற்ற உதவும் சூட்சுமம் உணர்ந்து செயல்படுவீர்கள். பண வரவும், நன்மையும் அதிகரிக்கும். குடும்பத்தில் மங்கள நிகழ்வு ஏற்படும். தாய் வழி உறவினர் செயலை விமர்சிக்க வேண்டாம்.மகளின் ஜாதக யோகபலம், முழு அளவில் துணை நிற்கும். இல்லறத் துணையுடன் விருந்து, விழாவில் கலந்து கொள்வீர்கள். தொழில், வியாபாரத்தில் லாப விகிதம் கூடும். பணியாளர்களுக்கு, சலுகை கிடைக்கும். பெண்கள், வீட்டு அலங்காரப் பொருட்கள் வாங்குவீர்கள். மாணவர்கள், பெற்றோரின் அனுமதி இன்றி தொலை துார இடங்களுக்கு செல்ல வேண்டாம்.
பரிகாரம்: தட்சிணாமூர்த்தியை வழிபடுவதால், குடும்பத்தில் ஒற்றுமை, மகிழ்ச்சி கூடும்.
சுப நிகழ்ச்சிகளில் கலந்து கொள்வதில் ஆர்வம் மிகுந்த, கும்ப ராசிக்காரர்களே!
இந்த வாரம், உங்கள் ராசிக்கு பத்தாம் இடத்தில் உள்ள சூரியன், புதன் புத ஆதித்ய யோக பலனை முழு அளவில் தருகின்றனர். சமூக நிகழ்வுகளில் இருந்து புதிய அனுபவம் பெறுவீர்கள். வாழ்க்கைப் பாதையின் இலக்கு எதுவென தீர்மானிப்பீர்கள். உடன் பிறந்தவர் உதவி கேட்கும் நிலை உண்டு. வீடு, வாகன பாதுகாப்பில் உரிய கவனம் வேண்டும். புத்திரர் படிப்பு, வேலையில் முன்னேற்றம் அடைவர். சீரான ஓய்வு, உடல் நலம் பாதுகாக்க உதவும். இல்லறத் துணை மனதில், உங்கள் மீதான அதிருப்தியை மாற்றுங்கள். தொழில் வளர தேவையான அரசு சார்ந்த உதவி பெறலாம். பணியாளர்கள், பணி நிறைவேற்ற புதிய முயற்சி மேற்கொள்வர். பெண்கள், பணப் பொறுப்பு ஏற்கக்கூடாது.மாணவர்கள், அதிக பயன் தராத பொருள் வாங்க வேண்டாம்.
பரிகாரம்: சாஸ்தாவை வழிபடுவதால், மனதில் ஒருமுகத்தன்மை உருவாகும்.
எதிர்வரும் சூழ்நிலை உணர்ந்து சமயோசிதமாக செயல்படும், மீன ராசிக்காரர்களே!
இந்த வாரம், உங்கள் ராசிக்கு ஐந்தில் உச்சம் பெற்ற குரு, ஒன்பதில் சுக்கிரன், லாப ஸ்தானத்தில் செவ்வாய் அனுகூலமாக உள்ளனர். உறவினர் குடும்பத்தில் மங்கள நிகழ்ச்சி நடத்த, உங்களின் சொல்லும், செயலும் முக்கியப் பங்கு வகிக்கும். நிலுவைப் பணம் வசூலிப்பதில் ஆர்வம் கொள்வீர்கள். வாகன பயன்பாடு சராசரி அளவில் இருக்கும். புத்திரர், நற்குண நற்செயல்களால் பெருமை தேடித் தருவர். எதிரியால் வரும் தொந்தரவு, உங்களின் சமயோசித செயலால் விலகும். இல்லறத்துணை கூடுதல் அன்பு, பாசத்துடன் நடந்து கொள்வார். தொழிலில் வளர்ச்சிக்கான புதிய வழி பிறக்கும். பணியாளர்கள், தொழில்நுட்ப அறிவை மேம்படுத்துவீர்கள். பெண்கள், நிம்மதியான மனநிலையில் பணி மேற்கொள்வர். மாணவர்கள், உடல் நலத்திற்கு ஒவ்வாத உணவு உண்ண வேண்டாம்.
பரிகாரம்: சரஸ்வதியை வழிபடுவதால், பணிகள் சிறக்க புதிய யோசனை மனதில் ஏற்படும்.
