நேர்மை குணம் பின்பற்றி வாழ்வில் நன்மை பெறும் மேஷ ராசிக்காரர்களே!
உங்கள் ராசிநாதன் செவ்வாய் ராசிக்கு, 11ம் இடத்தில் சுக்கிரனுடன் அனுகூலமாக சுக்கிர மங்கள யோக பலத்துடன் உள்ளார். சூரியன், ராகு கூடுதல் நற்பலன் வழங்குவர். குடும்பத்தில் சுப நிகழ்வு ஏற்படும். உறவினர் அன்பு, பாசத்துடன் நடந்து கொள்வர். பணச்செலவு அதிகரிக்கும். புத்திரர் அறிவார்ந்த செயலில் ஈடுபடுவர். எதிர்ப்பு அணுகாத சுமுகவாழ்வு அமைந்திடும். இல்லறத்துணை விரும்பிய பொருள் வாங்கித்தருவீர்கள். தொழில் வளர்ச்சியில் புதிய பரிமளிப்பு உண்டாகும். பணியாளர்களுக்கு சலுகை கிடைக்கும். பெண்கள் உடல்நலம் பேணுவதில் அக்கறை வேண்டும். மாணவர்கள் அதிக முயற்சியினால் தேர்ச்சி விகிதம் சீராகும்.
பரிகாரம்: வீரபத்திர சுவாமியை வழிபடுவதால், வளம் நிறைந்த வாழ்வு கிடைக்கும்.
சிறு பணியையும் மனப்பூர்வமாக செயல்படுத்தும் ரிஷப ராசிக்காரர்களே!
இந்த வாரம் உங்கள் ராசிக்கு, சந்திரன், புதன், கேது நற்பலன் தருவர். மனச்சோர்வு வராமல் பணியில் ஈடுபடுவது நல்லது. சொத்தின் மீது கடன் பெற, நம்பகமானவர்களிடம் வாங்குவது நல்லது. வீடு, வாகனத்தில் பாதுகாப்பு முறை தவறாமல் பின்பற்றவும். புத்திரரின் சேர்க்கை சகவாசம் அறிந்து நல்வழி நடத்த வேண்டும். பொறாமை குணத்துடன் உங்களைப் பற்றி விமர்சிப்பவர்களிடம் விலகவும். இல்லறத்துணையின் எண்ணங்களை மதிப்பதால் ஒற்றுமை சீராகும். தொழில் வியாபாரத்தில் போட்டி அதிகரிக்கலாம். பணியாளர் தம் கடமை உணர்ந்து பணிபுரிவது நற்பெயரை பாதுகாக்க உதவும். பெண்கள், குடும்பத் தேவைகளுக்கு சேமிப்பு பணத்தை செலவு செய்வீர்கள். மாணவர்கள், பிறர் பொருளை பாதுகாக்கும் பொறுப்பு ஏற்க கூடாது.
பரிகாரம்: நந்தீஸ்வரரை வழிபடுவதால், தொழில் வளர்ச்சி சீராகும்.
பிறர் நலன் சிறக்க, தியாக மனதுடன் விட்டுக்கொடுக்கும் மிதுன ராசிக்காரர்களே!
உங்கள் ராசிக்கு குரு, சனி, சுக்கிரனின் அமர்வு சிறப்பான இடங்களில் உள்ளது. பல நாள் தாமதமான பணி எளிதாக நிறைவேறும். உங்களின் இனிய வார்த்தை புதியவர்களின் அன்பை பெற்றுத்தரும். உடன் பிறந்தவர்களின் எண்ணங்களுக்கு மாறாக செயல்பட வேண்டாம். வாகனத்தில் மிதவேகம் பின்பற்றவும். புத்திரர் ஆடம்பர செயல்களில் ஆர்வம் கொள்வர். நிலுவைப் பணம் வசூலாகும். இல்லறத்துணை கருத்து ஒற்றுமையுடன் நடந்து கொள்வார். தொழில் வியாபாரத்தில் சில மாற்றம் செய்து முன்னேற்றத்திற்கு வழி காண்பீர்கள். பணியாளர்களுக்கு, கூடுதல் வேலைவாய்ப்பு சன்மானம் கிடைக்கும். பெண்கள், குடும்ப நலன் சிறக்க உரிய பணிபுரிவீர்கள். மாணவர்கள், வெளியிடம் சுற்றுவதை குறைத்தால், படிப்பில் கவனம் வளரும்.
பரிகாரம்: முருகப்பெருமானை வழிபடுவதால், சகோதர வகையில் நன்மை ஏற்படும்.
சுற்றுப்புறச் சூழல் உணர்ந்து நல்வழியில் நடைபோடும் கடக ராசிக்காரர்களே!
உங்கள் ராசிக்கு, புதன், சுக்கிரன், ராகு அதிக நற்பலன் தருவர். எண்ணமும், செயலும் சிறந்து முன்னேற்றப் பாதையில் நடைபோடுவீர்கள். நண்பர், உறவினர் உங்களிடம் நல்அபிப்ராயம் கொள்வர். வீட்டில் மகிழ்ச்சி நிலைத்திருக்கும். வாகன பயன்பாடு சில நன்மை தரும். புத்திரரின் குழப்பமான செயல் நல்வழிகாட்டுதலால் சரிசெய்வீர்கள். உடல் நல ஆரோக்கியம் பலம்பெறும். இல்லறத்துணை அன்பு, பாசத்துடன் நடந்து கொள்வார். தொழில், வியாபாரத்தில் உள்ள நன்மைகளை கவனமுடன் பாதுகாப்பீர்கள். அரசியல்வாதிகளுக்கு, பதவி பெற அனுகூலம் உண்டு. பெண்களின் பேச்சு, செயலில் சாமர்த்தியம் நிறைந்திருக்கும். மாணவர்களின் படிப்புக்கான தேவை இனிதே நிறைவேறும்.
பரிகாரம்: பெருமாளை வழிபடுவதால், வாழ்க்கை சுபிட்சமாக அமைந்திடும்.
தெய்வ நம்பிக்கையும், ஆராய்ந்து செயல்படும் குணமும் உள்ள சிம்ம ராசிக்காரர்களே!
உங்கள் ராசிநாதன் சூரியன், ஆறாம் இடத்தில் அனுகூலமாக உள்ளார். சந்திரன் தவிர மற்ற கிரகங்கள் எதிர்மறையான பலன் தருவர். இதனால், ஒவ்வொரு செயலிலும் தகுந்த திட்டமிடல் அவசியம். வார்த்தையில் நிதானம் பின்பற்றுவதால் நற்பெயருக்கு குறை வராது. வாகன பராமரிப்பு செய்தால் பயணம் இலகுவாக அமையும். புத்திரரின் செயல் குறையை கண்டிப்பதில் நிதானம் வேண்டும். வழக்கு விவகாரத்தில் சமரச தீர்வு பெற அனுகூலம் உண்டு. தொழில் வியாபாரம் தாமத கதியில் இயங்கும். பணியாளர்களின் செலவுகளுக்கு சேமிப்பு பணம் பயன்படும். பெண்கள் நகை இரவல் கொடுக்க, வாங்கக்கூடாது. மாணவர்கள், நண்பரிடம் படிப்பு தவிர பிற விவாதம் பேச வேண்டாம்.
பரிகாரம்: தட்சிணாமூர்த்தியை வழிபடுவதால், சமூகத்தில் பெறுகிற கவுரவம் மேம்படும்.
குடும்பத்தின் தேவைக்காக அதிக அளவில் உழைக்கும் கன்னி ராசிக்காரர்களே!
உங்கள் ராசிக்கு சனி, புதன், செவ்வாய், குருவின் அமர்வு சிறப்பான இடங்களில் உள்ளது. மனதில் தைரியம் அதிகரிக்கும். உடன் பிறந்தவர்களின் கூடுதல் அன்பு, பாசம் மனதில் நெகிழ்ச்சி தரும். குடும்பத் தேவைகளை தாராள பணச்செலவில் நிறைவேற்றுவீர்கள். புதிய வாகனம் வீடு வாங்க சிலருக்கு யோகம் உண்டு. புத்திரர் நற்குண, நற்செயலால் பெருமை தேடித்தருவர். எதிர்மனப்பாங்கு உள்ளவர் மறைமுகமாக உங்களிடம் உதவி பெற விரும்புவர். இல்லறத்துணையின் தாமத செயல்களை குறை சொல்ல வேண்டாம். தொழில் வியாபாரத்தில் அபிவிருத்தி செய்வீர்கள். பணியாளர் குறித்த நேரத்தில் பணி இலக்கு நிறைவேற்றுவீர்கள். பெண்கள் எவருக்காகவும் பணப்பொறுப்பு ஏற்க கூடாது. மாணவர்கள், ஞாபகத்திறன் வளர்ந்து படிப்பில் முன்னேற்றம் காண்பர்.
பரிகாரம்: அன்னை மீனாட்சியை வழிபடுவதால், குடும்பத்தில் மங்கல நிகழ்வு ஏற்படும்.
மனதில் உள்ளதை வெளிப்படையாக பேசும் குணமுள்ள துலாம் ராசிக்காரர்களே!
உங்கள் ராசிக்கு சுக்கிரன், கேது, சந்திரன் நற்பலன் தருவர். வாழ்வில் கூடுதல் முன்னேற்றம் பெற லட்சிய எண்ணத்துடன் பணிபுரிவீர்கள். பூர்வ புண்ணிய பலன் துணை நின்று உதவும். பேசும் வார்த்தை மங்களமாக இருக்கும். உடன்பிறந்தவர்களின் அன்பு, ஆலோசனை கிடைக்கும். வீடு, வாகனத்தில் உரிய பாதுகாப்பு பின்பற்ற வேண்டும். புத்திரர் விரும்பிய பொருள் தாராள பணச்செலவில் வாங்கித் தருவீர்கள். உடல்நலம் ஆரோக்கியம் பலம் பெறும். இல்லறத்துணை உங்களின் நல்ல குணம் பாராட்டுவர். தொழில், வியாபாரத்தில் அதிக உழைப்பினால், உற்பத்தி, விற்பனை அதிகரிக்கும். பணியாளர்கள், அத்தியாவசிய செலவுகளுக்கு முக்கியத்துவம் தருவீர்கள். பெண்கள், வாழ்வில் பெற்ற நன்மைக்காக இஷ்ட தெய்வ வழிபாடு நடத்துவீர்கள். மாணவர்கள், பரிகாசம் பேசுபவரிடம் விலகுவது நல்லது.
பரிகாரம்: மகாலட்சுமியை வழிபடுவதால், தொழிலில் பணவரவு அதிகரிக்கும்.
எளியவரை அரவணைத்து செல்லும் மனிதாபிமானம் நிறைந்த விருச்சிக ராசிக்காரர்களே!
உங்கள் ராசிக்கு, சூரியன், சுக்கிரன், குரு, ராகுவின் அமர்வு சிறப்பான இடங்களில் உள்ளது. மனதில் உருவாகும் புதுமை நிறைந்த கருத்துக்களை செயல்படுத்துவீர்கள். சமூகத்தில் அந்தஸ்து கூடும். பணவரவு திருப்திகரமாகும். குடும்பத்தில் மங்கல நிகழ்வு, உறவினர் வருகை மகிழ்ச்சி தரும். போக்குவரத்தில் கவனநடை பின்பற்றவும். புத்திரரின் மனக்கவலை மாற தகுந்த ஏற்பாடு செய்வீர்கள். அளவுக்கு அதிகமாக உங்களை புகழ்ந்து பேசுபவரிடம் விலகுவது நல்லது. இல்லறத்துணை குடும்ப நலனில் அக்கறை கொள்வார். தொழில், வியாபாரத்தில் வியத்தகு வளர்ச்சி ஏற்படும். பணியாளர்களுக்கு சலுகை கிடைக்கும். பெண்கள், கலை அம்சம் நிறைந்த வீட்டு அலங்கார பொருள் வாங்குவீர்கள். மாணவர்கள் உடல்நலத்திற்கு ஒவ்வாத உணவு உண்ண வேண்டாம்.
சந்திராஷ்டமம்: 31.1.15 நள்ளிரவு 12:01 மணி முதல் 2.2.15 மதியம் 12:56 மணி வரை.
பரிகாரம்: விநாயகரை வழிபடுவதால், நற்செயல்கள் அதிக நன்மையை தரும்.
நம்பிக்கைக்கு உரியவர்களிடம் பரிபூரண அன்பு காட்டும் தனுசு ராசிக்காரர்களே!
உங்கள் ராசிக்கு மூன்றாம் இடத்தில் செவ்வாய், சுக்கிரன் அமர்வில் சுக்கிர மங்கல யோகம் உருவாகிறது. மற்ற கிரகங்களில் சந்திரன் ஓரளவு நற்பலன் தருவார். மனதை ஒருமுகப்படுத்துவதால், பணி திட்டமிட்டபடி நிறைவேற்றலாம். பணத்தேவையின் அளவு அதிகரிக்கும். கெடுபிடிகுணம் உள்ளவர்களிடம் கடன் வாங்க வேண்டாம். முருகப்பெருமானின் நல்லருள் உறுதுணை புரியும். வாகன பராமரிப்பு பயணம் எளிதாக அமைந்திட உதவும். புத்திரர் படிப்பு, வேலையில் ஆர்வம் கொள்வர். உடல்நலம் ஆரோக்கியம் பெறும். இல்லறத்துணை மகிழ்ச்சிகர மனதுடன் கருத்துக்களை சொல்வார். தொழில், வியாபாரம் தாமத கதியில் இயங்கும். பணியாளர், நிர்வாகத்தின் சட்ட திட்டம் தவறாமல் பின்பற்றவும். பெண்கள், உறவினர் குடும்பத்தில் சுபநிகழ்ச்சி நடத்த உதவுவீர்கள். மாணவர்கள், பாதுகாப்பு குறைந்த இடங்களில் செல்ல வேண்டாம்.
சந்திராஷ்டமம்: 2.2.15 மதியம் 12:57 மணி முதல் 4.2.15 இரவு 11:46 மணி வரை.
பரிகாரம்: காமதேனுவை வழிபடுவதால், குடும்பத்தில் ஒற்றுமை, மகிழ்ச்சி நிறைந்திருக்கும்.
தன் தகுதி, திறமையினால் பணிகளுக்கு சிறப்பு சேர்க்கும் மகர ராசிக்காரர்களே!
உங்கள் ராசிக்கு சுக்கிரன், கேது, குரு, சனி கூடுதல் நற்பலன் தருவர். ஆன்மிக கருத்துக்களை
ரசனையுடன் பேசுவீர்கள். உடன்பிறந்தவர்களின் மனதில் நல்லதொரு மாற்றம் உருவாக உதவுவீர்கள். வீடு, வாகனத்தில் நம்பகத்தன்மை இல்லாதவருக்கு இடம் தர வேண்டாம். புத்திரர் அறிவார்ந்த செயல் புரிந்து பெற்றோர், உறவினரிடம் பாராட்டு பெறுவர். உடல்நலத்திற்கு ஒவ்வாத உணவு உண்ண வேண்டாம். நிர்பந்த பணக்கடனில் ஒரு பகுதி செலுத்துவீர்கள். இல்லறத்துணை உங்களின் மதிப்பு, மரியாதை அதிகரிக்க துணை நிற்பார். தொழில், வியாபாரத்தில் புதியவர்களின் ஆதரவினால் வளர்ச்சி ஏற்படும். பணியாளர், கூடுதல் வேலைவாய்ப்பு சம்பள உயர்வு பெறுவர். பெண்கள், குடும்ப பணவரவுக்கேற்ப புத்தாடை, அணிகலன் வாங்குகிற யோகம் உண்டு. மாணவர்கள் படிப்பில் முன்னேற சில ஒழுங்குமுறை பின்பற்றுவது நல்லது.
சந்திராஷ்டமம்: 4.2.15 இரவு 11:47 மணி முதல் 7.2.15 காலை 11:31 மணி வரை
பரிகாரம்: ஆஞ்சநேயரை வழிபடுவதால், பணி சிறந்து முழு அளவில் நிறைவேறும்.
இன்று, துன்ப நிகழ்வுகளை மனச்செம்மையுடன் ஏற்றுச் செயல்படும் கும்ப ராசிக்காரர்களே!
இந்த வாரம், உங்கள் ராசியில் உள்ள சுக்கிரன், லாப ஸ்தானத்தில் உள்ள புதன் மற்றும் சந்திரன் நற்பலன் தருவர். நடை, உடை, செயலில் தன்னை சார்ந்தவர்கள் ஏற்றுக்கொள்கிற வகையில் மாற்றங்களை பின்பற்றுவது நல்லது. உடன்பிறந்தவர்களின் நம்பிக்கை குறைந்த பேச்சு, செயலை விமர்சிக்க வேண்டாம். வாகன பயன்பாடு சராசரி அளவில் இருக்கும். புத்திரர் தன்னையும் உணர்ந்து, உங்களுக்கும் உதவியாக செயல்படுவார். உடல்நலத்திற்கு சிறு அளவில் மருத்துவ சிகிச்சை தேவைப்படலாம். இல்லறத்துணை கருத்து ஒற்றுமையுடன் நடந்து கொள்வார். தொழிலில் உருவாகிற இடையூறை தாமதமின்றி சரி செய்யவும். இயந்திரப்பிரிவு பணியாளர் பாதுகாப்பு நடைமுறையில் கூடுதல் கவனம் பின்பற்றவும். பெண்கள், சேமிப்பு பணத்தை குடும்ப செலவுக்கு பயன்படுத்துவர். மாணவர்கள், கூடுதல் தர தேர்ச்சி பெறுவீர்கள்.
சந்திராஷ்டமம்: 7.2.15 காலை 11:32 மணிமுதல் அன்று நாள் முழுவதும்.
பரிகாரம்: பைரவரை வழிபடுவதால், உடல் நல ஆரோக்கியம் சீராகும்.
செயல் நிறைவேற மாற்றுத்திட்டத்துடன் செயல்படும் மீன ராசிக்காரர்களே!
உங்கள் ராசிக்கு குரு, புதன், சூரியன், சுக்கிரன் அனுகூல அமர்வில் உள்ளனர். மனம், செயலில் புத்துணர்வு ஏற்படும். பணிகள் அத்தனையும் முழு அளவில் சிறப்பாக நிறைவேற்றுவீர்கள். வீட்டில் செல்வ வளம், மகிழ்ச்சி சிறப்பாக அமைந்திடும். புதிய வாகனம் வாங்க நல்யோகம் உண்டு. புத்திரர் வேத சாஸ்திரம் அறிவதில் ஆர்வம் கொள்வர். எதிரி வியந்து விலகுகிற புதிய சூழல் உருவாகும். இல்லறத்துணை வழி சார்ந்த உறவினர் அதிக அன்பு பாராட்டுவர். தொழில், வியாபாரத்தில் அபிவிருத்தி பணிபுரிவீர்கள். பணியாளர், தொழில்நுட்ப பயிற்சி பெற வாய்ப்பு வரும். பெண்கள், குடும்ப உறுப்பினர்களின் அன்பை பெற்று சந்தோஷ வாழ்வு நடத்துவர். மாணவர்கள், நன்றாக படித்து பாராட்டு பெறுவர்.
பரிகாரம்: ஸ்ரீராமபிரானை வழிபடுவதால், எதிர்ப்பு அணுகாத சுமுக வாழ்வு உருவாகும்.
