ஒரே ஓவரில் முடிந்த 50 ஓவர் கிரிக்கெட் போட்டி
தென்னாப்பிரிக்கா, மேற்கிந்திய தீவுகள், ஆஸ்திரேலியா ஆகிய நாடுகள் கலந்து கொள்ளும் முத்தரப்பு ஒருநாள் கிரிக்கெட் போட்டி தற்போது நடைபெற்று வருகிறது. இந்த தொடரில் மூன்று அணிகளுமே தலா இரண்டு போட்டிகளில் வெற்றியும் மூன்று போட்டிகளில் தோல்வியும் பெற்றுள்ளது.
இந்நிலையில் நேற்று ஆஸ்திரேலியா மற்றும் தென்னாப்பிரிக்கா அணிகளுக்கு இடையேயான போட்டி பிரிட்ஜ்டவுன் நகரில் நடைபெற்றது. இந்த போட்டியில் ஒரு ஓவரில் தென்னாப்பிரிக்கா 8 ரன்கள் எடுத்திருந்த நிலையில் மழை குறுக்கிட்டது.
பின்னர் தொடர்ந்து மழை பெய்ததால் இந்த போட்டி ரத்து செய்யப்பட்டதாக அறிவிக்கப்பட்டது. இந்நிலையில் மேற்கிந்திய தீவுகள் மற்றும் ஆஸ்திரேலிய அணிகளுக்கு இடையிலான போட்டி நாளை நடைபெறவுள்ளது.
