4வது ஒருநாள் போட்டி: இந்தியா அதிர்ச்சி தோல்வி
மேற்கிந்திய தீவுகள் அணிக்கு எதிராக ஒருநாள் கிரிக்கெட் தொடரில் விளையாடி வரும் இந்திய கிரிக்கெட் அணி நேற்று ஆண்டிகுவாவில் நடைபெற்ற 4வது ஒருநாள் போட்டியில் அதிர்ச்சி தோல்வி அடைந்தது.
முதலில் பேட்டிங் செய்த மேற்கிந்திய தீவுகள் அணி 50 ஓவர்களில் 9 விக்கெட்டுக்களை இழந்து 189 ரன்கள் எடுத்தது. 190 ரன்கள் எடுத்தால் வெற்றி என்ற எளிய இலக்கை விரட்டிய இந்திய அணி 178 ரன்களுக்கு அனைத்து விக்கெட்டுக்களையும் இழந்து 11 ரன்கள் வித்தியாசத்தில் தோல்வி அடைந்தது.
ரஹானே 60 ரன்களும் தோனி 54 ரன்களும் எடுத்தனர். மேற்கிந்திய தீவுகளின் பந்துவீச்சாளர் ஹோல்டர் வெறும் 27 ரன்கள் கொடுத்து 5 விக்கெட்டுக்களை கைப்பற்றி ஆட்டநாயகன் விருதினை பெற்றார். இரு அணிகளுக்கும் இடையிலான கடைசி மற்றும் 5வது ஒருநாள் போட்டி வரும் 6ஆம் தேதி நடைபெறும். இதில் வெற்றி பெற்றால் மட்டுமே இந்திய அணி தொடரை கைப்பற்றும்
