டி-20 போட்டி: மே.இ.தீவுகள் அணியிடம் இந்தியா அதிர்ச்சி தோல்வி
மேற்கிந்திய தீவுகள் அணியுடன் ஒருநாள் போட்டி தொடரை 3-1 என்ற கணக்கில் வென்ற இந்திய அணி, நேற்று நடைபெற்ற டி-20 போட்டியில் 9 விக்கெட் வித்தியாசத்தில் அதிர்ச்சி தோல்வி அடைந்தது
இந்த போட்டியில் டாஸ் வென்ற மே.இ.தீவுகள் அணி, முதலில் பந்துவீச்சை தேர்வு செய்தது. இதனால் முதலில் பேட்டிங் செய்த இந்திய அணி 20 ஓவர்களில் 190 ரன்கள் எடுத்தது. தினேஷ் கார்த்திக் 48 ரன் களும், விராத் கோஹ்லி 39 ரன்களும் எடுத்தனர்.
191 ரன்கள் என்ற இலக்கை நோக்கி விளையாடிய மே.இ.தீவுகள் அணி லீவீஸ் அதிரடியால் இலக்கை 18.4 ஓவர்களில் ஒரே ஒரு விக்கெட்டை மட்டுமே இழந்து வெகு எளிதில் எட்டியது. 62 பந்துகளில் 125 ரன்களை லீவீஸ் குவித்து கடைசி வரை ஆட்டமிழக்காமல் இருந்து ஆட்டநாயகன் விருதையும் தட்டி சென்றார்.
