கமல்ஹாசனின் விஸ்வரூபம் 2 படத்தின் இறுதிக்கட்ட பணிகள் தற்போது விறுவிறுப்பாக நடந்து வருகிறது. இந்நிலையில் கமல்ஹாசனின் அடுத்த படமான ‘உத்தம வில்லன்’ படப்பிடிப்பு வரும் மார்ச் மாதம் தொடங்கும் என அறிவிக்கப்பட்டுள்ளது.
கமல்ஹாசன் கதை, திரைக்கதையில், கிரேசி மோகன் வசனத்தில் உருவாக இருக்கும் படம் உத்தம வில்லன். இந்த படத்தை கமல்ஹாசனின் நண்பர் ரமேஷ் அரவிந்த் இயக்குகிறார். விஸ்வரூபம் படத்திற்கு இசையமைத்த ஜிப்ரான், இந்த படத்திற்கும் இசையமைக்க உள்ளார். இதற்கான பாடல் டியூன்களை அவர் தயார் செய்து வருகிறார்.
இயக்குனர் பாலசந்தர் இந்த படத்தில் ஒரு முக்கிய கேரக்டரில் நடிக்க உள்ளார். கமல் மகள் வேடத்தில் நடிக்க முன்னணி நடிகை ஒருவரிடமும், ஜோடியாக நடிக்க பாலிவுட் நடிகை ஒருவரிடமும் பேச்சுவார்த்தை நடந்து வருகிறது.
சூப்பர் ஸ்டார் என்ற பெயர் பெற்ற நடிகர் ஒருவரின் தனிப்பட்ட வாழ்க்கையில் ஏற்படும் பிரச்சனைகளை நகைச்சுவையுடன் இந்த படத்தில் சொல்ல இருக்கின்றார்கள். மார்ச் மாதம் படபிடிப்புகளை தொடங்கி ஐந்து மாதங்களில் இந்த படத்தை முடிக்க திட்டமிட்டுள்ளர்கள். ஆகஸ்ட் அல்லது செப்டம்பரில் உத்தம வில்லன் ரிலீஸ் ஆகும்.
