விவேகம்’ சென்சார் எப்போது? புதிய தகவல்
தல அஜித் நடித்து முடித்திருக்கும் ‘விவேகம்’ திரைப்படத்தின் படப்பிடிப்பு கடந்த மாதம் முடிவடைந்தது. அதன் பின்னர் இந்த படத்தின் போஸ்ட் புரடொக்ஷன்ஸ் பணிகள் விறுவிறுப்பாக நடந்து கொண்டிருந்த நிலையில் தற்போது அந்த பணியும் முடிவுக்கு வந்துவிட்டது.
இந்த நிலையில் ‘விவேகம்’ படத்தின் முதல் காப்பி கியூபில் அப்லோட் ஆகி கொண்டிருப்பதாகவும், இந்த காப்பி தயாரானதும் சென்சார் அதிகாரிகளுக்கு போட்டு காண்பிக்கப்படும் என்றும் தெரிகிறது. இருப்பினும் இந்த படம் ஏற்கனவே சென்சாருக்கு விண்ணப்பம் செய்தாகிவிட்டது என்பது குறிப்பிடத்தக்கது.
எனவே இவ்வார இறுதிக்குள் சென்சார் அதிகாரிகள் ‘விவேகம்’ படத்தை பார்த்து சான்றிதழ் கொடுப்பார்கள் என்று எதிர்பார்க்கப்படுகிறது.
சத்யஜோதி பிலிம்ஸ் நிறுவனத்தின் பிரமாண்டமாக தயாரிப்பில் உருவாகியுள்ள இந்த படத்தில் அஜித், காஜல் அகர்வால், அக்சராஹாசன், விவேக் ஓபராய் உள்பட பலர் நடித்துள்ளனர். இந்த படத்திற்கு அனிருத் இசையமைத்துள்ளார்.
