அமெரிக்கா: ஏரியில் கலந்த 30 லட்சம் லிட்டர் விஸ்கி தீப்பற்றி எரியும் அதிர்ச்சி வீடியோ
[carousel ids=”71181,71182,71183,71184″]
அமெரிக்காவில் உள்ள நகரம் ஒன்றில் விஸ்கி தயாரிக்கும் நிறுவனத்தில் ஏற்பட்ட எதிர்பாராத தீ விபத்தில் சுமார் 30 லட்சம் லிட்டர் விஸ்கி தீயில் கருகியது. இந்த தீ அருகில் இருந்த ஏரி ஒன்றிற்கும் பரவியதால் ஏரி தண்ணீரில் விஸ்கி கலந்து எரியும் காட்சி காண்போரை அதிர்ச்சிக்கு உள்ளாக்கியது.
அமெரிக்காவில் உள்ள Kentucky என்ற மாகாணத்தில் உள்ள ஏரி ஒன்றின் அருகே விஸ்கி தயாரிக்கும் ஆலை உள்ளது. இந்த ஆலையில் சமீபத்தில் ஏற்பட்ட தீ விபத்து காரணமாக உற்பத்தி செய்து குடோனில் பாதுகாத்து வைக்கப்பட்ட சுமார் 30 லட்சம் லிட்டர் விஸ்கிகள் தீயில் எரிந்து நாசமானது. இந்த ஆலையில் இருந்து விஸ்கிகள் ஆறுபோல் ஓடி அருகில் இருந்த ஏரி நீரில் கலந்து ஏரியும் எரியும் காட்சி காண்போரை அதிர்ச்சிக்குள்ளாக்கியது.
தகவல் அறிந்த உடன் மீட்புப்படையினர் விரைந்து வந்து தீயை அணைக்க போராடினர். எனினும் இந்த ஆலை முற்றிலும் தீயினால் நாசமாகியது. அதிர்ஷ்டவசமாக இந்த ஆலையில் பணிபுரிந்தவர்கள் யாருக்கும் எவ்வித காயமும் ஏற்படவில்லை. இந்த தீவிபத்து குறித்து விசாரணை நடந்து வருகிறது.
https://www.youtube.com/watch?v=teezfCrLrg8
