திடீரென மூடப்பட்ட வெள்ளை மாளிகை: தீவிரவாதிகள் அச்சுறுத்தலா?
அமெரிக்க அதிபர் வாழும் வெள்ளை மாளிகைக்கு உலகின் மிகச்சிறந்த பாதுகாப்பு போடப்பட்டிருக்கும். இருப்பினும் வெள்ளை மாளிகை அருகில் சில அசம்பாவித சம்பவங்கள் அவ்வப்போது நடைபெறுவதுண்டு. இந்த நிலையில் நேற்று வெள்ளை மாளிகை திடீரென தற்காலிகமாக மூடப்படுவதாக அறிவிக்கப்பட்டது
வெள்ளை மாளிகையின் வளாகத்தில் சந்தேகத்திற்குரிய வகையில் ஒரு பார்சல் கண்டெடுக்கப்பட்டதாகவும், அந்த பார்சலில் இருப்பது என்ன? என்று ஆய்வு செய்யும் வரை தற்காலிகமாக வெள்ளை மாளிகை மூடப்பட்டதாகவும் வெள்ளை மாளிகையின் செய்திக்குறிப்பு ஒன்று தெரிவித்துள்ளது
இந்த சம்பவம் நடைபெற்ற நேரத்தில் அதிபர் டிரம்ப் வெள்ளை மாளிகையில் இல்லை என்றும் அவர் குடும்பத்துடன் அரிசோனா மாகாணத்தில் நடைபெறும் நிகழ்ச்சிக்காக சென்றிருந்ததார் என்பதும் குறிப்பிடத்தக்கது
