கமல்ஹாசன் நடித்த உத்தம வில்லன்’ திரைப்படம் கடந்த சில நாட்களுக்கு முன்னர் ரிலீஸாகி தமிழகமெங்கும் நல்ல வசூலுடன் ஓடிக்கொண்டிருக்கும் நிலையில் அவர் தனது அடுத்த படத்திற்கான ஆரம்பகட்ட பணிகளை தொடங்கிவிட்டதாக கூறப்படுகிறது.
இந்நிலையில் இந்த படத்தில் கமல்ஹாசனுக்கு ஜோடியாக த்ரிஷா நடிக்க ஒப்பந்தமாகியிருக்கும் நிலையில் மெலும் இரண்டு ஹீரோயின்களை அவர் ஒப்பந்தம் செய்யவுள்ளதாக செய்திகள் வெளிவந்துள்ளன. கமல்ஹாசனுடன் ஏற்கனவே ‘இந்தியன்’ படத்தில் ஜோடியாக நடித்திருந்த மனீஷா கொய்ராலாவும், காவியத்தலைவன் படத்தில் நடித்த அனைகா ஷோடியும் இந்த படத்தின் முக்கிய கேரக்டர்களில் நடிக்கவுள்ளதாக கூறப்படுகிறது. மேலும் பிரகாஷ்ராஜும் இந்த படத்தில் நடிக்கவுள்ளார்.
முதலில் இந்த படத்திற்கு கமல்ஹாசன் ‘ஒரே இரவு’ என்ற டைட்டிலை தேர்வு செய்ததாக செய்திகள் வெளிவந்தது. ஆனால் தற்போது இந்த படத்திற்கு ‘தூங்காவனம்’ என்ற டைட்டிலை அவர் பரிசீலனை செய்து வருவதாக கூறப்படுகிறது. ஜிப்ரான் இசையமைக்கவுள்ள இந்த படத்தை ராஜேஷ் இயக்கவுள்ளார். இந்த படத்தை கமல்ஹாசனின் ராஜ்கமல் இண்டர்நேஷனல் நிறுவனம் தயாரிக்கவுள்ளது.
