தென்னிந்தியாவின் அல்டிமேட் சூப்பர் ஸ்டார் யார்? என்ற சர்வே ஒன்றை பாலிவுட்லைப் என்ற இணையதளம் தற்போது எடுத்து வருகிறது. இந்த பட்டியலில் ரஜினிகாந்த், கமல்ஹாசன், விஜய், அஜீத், மகேஷ்பாபு, பவண் கல்யாண், மம்முட்டி, மோகன்லால், ரவிதேஜா ஆகியோர் போட்டியில் உள்ளனர்.
நேற்று முன் தினம் வாக்குகள் பதிவாக ஆரம்பித்துள்ளது. தற்போதைய நிலவரப்படி அஜீத் மற்றும் விஜய் ஆகிய இருவருக்கும் இடையே கடும் போட்டி நடந்து வருகிறது.
நேற்றைய நிலவரப்படி அஜீத்துக்கு 37.21 சதவீத வாக்குகளும், விஜய்க்கு 37.1 சதவீத வாக்குகளும் பதிவாகி இருந்தது. ஆனால் இன்று விஜய்க்கு 37% வாக்குகளும், அஜீத்துக்கு 35.73% வாக்குகளும் கிடைத்துள்ளது. அஜீத்தும் விஜய்யும் மாறி மாறி முதலிடத்தை பிடித்து வருவதால் இருவருக்கும் இடையே கடும் போட்டி நிலவி வருகிறது.
இந்த பட்டியலில் பவன்கல்யாண் மூன்றாவது இடத்தில் இருந்தாலும் அவருக்கு 11.83% வாக்குகள் மட்டுமே கிடைத்துள்ளது. இந்தியாவின் சூப்பர் ஸ்டார் என அழைக்கப்படும் ரஜினிக்கு வெறும் 3.03% வாக்குகள் மட்டுமே கிடைத்துள்ளது.
