ஜே.எஸ்.கே நிறுவனம் தயாரித்த இரண்டு படங்களான குற்றம் கடிதல், நாலு போலீஸும் நல்லா இருந்த ஊரும் ஆகிய இரண்டு படங்கள் வரும் 19ஆம் தேதி ரிலீஸாகவிருந்த நிலையில் தற்போது அந்த இரண்டு படங்களின் ரிலீஸும் தள்ளி வைக்கப்பட்டுள்ளது.
சமீபத்தில் ரிலீஸான விருது பெற்ற படமான காக்கா முட்டை’ திரைப்படம் நல்ல வசூலுடன் ஓடிக்கொண்டிருப்பதாலும், நாலு போலீஸும் நல்லா இருந்த ஊரும்’ படத்தின் ரிலீஸ் உரிமையை பெற்றுள்ள காஸ்மோவில்லேஜ் நிறுவனம்தான் ‘ரோமியோ ஜுலியட்’ படத்தையும் ரிலீஸ் செய்துள்ளதால், இந்த இரண்டு படங்கள் ரிலீஸானால் காக்கா முட்டை, ரோமியோ ஜூலியட் படங்களின் வசூல் பாதிக்கப்படும் என்ற காரணத்தால் ரிலீஸ் தேதி தள்ளி வைக்கப்பட்டுள்ளதாக கூறப்படுகிறது.
மேலும் அருள்நிதியின் டிமாண்ட்டி காலனி சூப்பர் ஹிட் பெற்றதால், நாலு போலீஸும் நல்லா இருந்த ஊரும்’ படத்திற்கு நல்ல எதிர்பார்ப்பு இருப்பதாகவும், எனவே பொறுமையாக அதிக தியேட்டர்களில் இந்த படத்தை ரிலீஸ் செய்ய முடிவு செய்யப்பட்டுள்ளதாக கூறப்படுகிறது. இந்த இரண்டு படங்களில் ரிலீஸ் தேதி திடீரென தள்ளி வைக்கப்பட்டதால் வடிவேலுவின் ‘எலி’ படத்திற்கு அதிக தியேட்டர்கள் கிடைக்க வாய்ப்பு இருப்பதாக கூறப்படுகிறது.
