கருணாநிதியை குஷ்பு சந்தித்தது இதற்காகத்தானா?

கருணாநிதியை குஷ்பு சந்தித்தது இதற்காகத்தானா?

திமுக கூட்டணியில் இடம் பெற்றிருக்கும் காங்கிரஸ் கட்சிக்கு 41 தொகுதிகள் ஒதுக்கப்பட்ட நிலையில் நேற்று 33 தொகுதிகளுக்கான வேட்பாளர்கள் அறிவிக்கப்பட்டனர். மயிலாபூர் உள்பட இன்னும் 8 தொகுகளுக்கான வேட்பாளர்கள் அறிவிக்கப்படவில்லை. மயிலாபூர் தொகுதியில் நடிகையும் அகில இந்திய காங்கிரஸ் கட்சியின் செய்தித்தொடர்பாளருமான குஷ்பு போட்டியிடுவார் என்ற கருத்து நிலவி வருகிறது.

இந்நிலையில் நேற்று திமுக தலைவர் கருணாநிதியை நடிகை குஷ்பு திடீரென சந்தித்தார். நேற்று காலை வேட்பாளர் பட்டியல் அறிவிக்கப்பட்டவுடன் காங்கிரஸ் கட்சியின் வேட்பாளர்களான  மனோகர், ஹசன் மவுலானா, சிதம்பரம், மலேசியா பாண்டியன் ஆகியோர் கருணாநிதியை சந்தித்து வாழ்த்து பெற்ற நிலையில் மாலையில் குஷ்பு தனியாக திமுக தலைவரை சந்தித்துள்ளார்.

மயிலாப்பூர் தொகுதி வேட்பாளராக ஒருவேளை குஷ்பு அறிவிக்கப்பட்டால் தனக்கு ஆதரவாக கருணாநிதி பிரச்சாரம் செய்வது குறித்து பேச்சுவார்த்தை நடத்தியதாக கூறப்படுகிறது. இருப்பினும் மரியாதை நிமித்தமாகவே கருணாநிதியை சந்தித்ததாக குஷ்பு செய்தியாளர்களிடம் கூறினார்.

Chennai Today News: Why Kushboo meet Karunanidhi