திமுக-காங்கிரஸ் கூட்டணியில் விரிசலா?
தினகரன் கட்சியுடன் காங்கிரஸ் கூட்டணி வைக்க வேண்டும் என்று காங்கிரஸ் பிரமுகர் ஒருவர் விரும்பி அதற்கான காய்களை நகர்த்தியதாகவும், இதனால் அதிருப்தி அடைந்த திமுகவை காங்கிரஸ் சமாதானப்படுத்தியதாகவும் கூறப்படுகிறது.
காவிரி பிரச்சனை உள்பட பல பிரச்சனைகளுக்கு திமுக ஆவேசத்துடன் குரல் கொடுத்து வந்தாலும் அடுத்த தேர்தலில் தினகரன் அணிக்கு கணிசமான வாக்கு கிடைக்கும் என்று காங்கிரஸ் பிரமுகர் ஒருவர் கணித்து காங்கிரஸ் மேலிடத்தில் கூறியதாகவும், இதற்கு காங்கிரஸ் மேலிடமும் ஆதரவு தெரிவித்திருப்பதாகவும் கூறப்படுகிறது.
ஏற்கனவே காங்கிரஸ்-திமுக தலைவர்களிடையே கருத்துவேறுபாடு இருந்து வரும் நிலையில் இந்த நடவடிக்கை திமுக தரப்பை அதிருப்தி அடைய செய்திருப்பதாகவும், விரைவில் இந்த கூட்டணி பிரிய வாய்ப்பு இருப்பதாகவும் நம்பத்தகுந்த வட்டாரங்கள் கூறுகின்றன
