இந்தியா vs ஆஸ்திரேலியா. தர்மசாலா போட்டி எப்படி இருக்கும்?
இந்தியாவுக்கு சுற்றுப்பயணம் செய்துள்ள ஆஸ்திரேலிய கிரிக்கெட் அணி இதுவரை மூன்று டெஸ்ட் போட்டிகளில் விளையாடியுள்ளது. இரு அணிகளும் தலா ஒரு வெற்றியை ருசித்துள்ள நிலையில் ராஞ்சியில் நடந்த 3வது டெஸ்ட் டிராவில் முடிந்தது
இந்நிலையில் 4-வது மற்றும் இறுதி டெஸ்ட் போட்டி இமாச்சல பிரதேச மாநிலம் தர்மசாலாவில் வரும் 25-ந்தேதி தொடங்குகிறது. இந்த டெஸ்ட் போட்டி ஃபைனல் போன்று இருப்பதால் இதன் முடிவை அனைவரும் ஆவலுடன் எதிர்பார்த்து காத்திருக்கின்றனர்
தர்மசாலா ஆடுகளம் வேகப்பந்து வீச்சுக்கு ஏற்ற வகையில் இருக்கும் என்று எதிர்பார்க்கப்படுகிறது. இந்த மைதானம் குறித்து ஆடுகள பராமரிப்பாளர் சுனில் சவுகான் கூறியதாவது:- முதல் முறையாக டெஸ்ட் போட்டி நடைபெறும் தர்மசாலா ஆடுகளம் வேகப்பந்து வீச்சுக்கு ஏற்ற வகையில் இருக்கும் பந்து அதிகமாக பவுன்ஸ் ஆகும். ரஞ்சி டிராபி போட்டியில் வேகப்பந்து வீச்சை சமாளிக்க பேட்ஸ்மேன்கள் சிரமப்பட்டனர். அதே நிலையில் தான் டெஸ்ட் போட்டியிலும் இருக்கும்.
