இளையதளபதி விஜய் தற்போது ‘புலி’ படத்திலும் அதன் பின்னர் அட்லி படத்திலும் நடிக்கவுள்ளார். இந்நிலையில் விஜய் தனது அடுத்த படத்தில் திருநங்கையாக நடிக்கவிருப்பதாக ஃபேஸ்புக், டுவிட்டர் போன்ற சமூக இணையதளங்களில் செய்திகள் இன்று காலை முதல் மிக வேகமாக பரவி வருகிறது. விஜய் திருநங்கை வேடத்தில் நடிக்கின்றார் என்ற வதந்தி பரவியவுடன் அஜீத் ரசிகர்கள் பயங்கரமாக கலாய்த்து டுவிட்டரில் ஸ்டேட்டஸ் போட்டு வருகின்றனர்.
ஆனால் திருநங்கையாக நடிக்கவிருப்பது விஜய் வசந்த் என்றும், விஜய் அல்ல என்றும் ஒரு தரப்பினர் அதற்கு விளக்கம் கொடுத்து வருவதாகவும் கூறப்படுகிறது. சென்னை 600028, சரோஜா, கனிமொழி, மதில் மேல் பூனை, பிரியாணி, என்னமோ நடக்குது போன்ற படங்களில் நடித்த விஜய் வசந்த் தற்போது ‘சிகண்டி’ என்ற படத்தில் நடித்து வருவதாகவும் அந்த படத்தில்தான் அவர் திருநங்கையாக நடித்து வருவதாகவும் கூறப்படுகிறது.
பெயர்க் குழப்பத்தால் ஒருசிலர் ஃபேஸ்புக்கில் இளையதளபதி விஜய் திருநங்கையாக நடிப்பதாக வெளிவந்துள்ள செய்தியால் பெரும் பரபரப்பு ஏற்பட்டுள்ளது. இதேபோல் விஜய் ஆண்டனி, ஏ.எல்.விஜய் ஆகியோர்களின் செய்திகள் வரும்போதும் சில குழப்பங்கள் ஏற்படுவதாக கூறப்படுகிறது.
