டென்னிஸ் தரவரிசை பட்டியல். சானியா மிர்சா தொடர்ந்து முதலிடம்
சமீபத்தில் மார்ட்டினா ஹிங்கிஸ் உடன் இணைந்து அமெரிக்க ஓபன் டென்னிஸ் இரட்டையர் சாம்பியன் பட்டத்தை வென்ற இந்தியாவின் டென்னிஸ் வீராங்கனை சானியா மிர்சா உலக டென்னிஸ் வீரர்களின் தர வரிசைப்பட்டியலில் இரட்டையர் பிரிவில் முதலிடத்தை பெற்றுள்ளார். இவருக்கு அடுத்த இடத்தை இவருடைய இணை வீராங்கனையான மார்ட்டினா ஹிங்கிஸ் பெற்றுள்ளார். இதேபோல் ஒற்றையர் பிரிவில் செரீனா வில்லியம்ஸ் முதலிடத்தை பெற்றுள்ளார். மூன்றாவது இடத்தில் மார்ட்டினா சரபோவா உள்ளார்.
மேலும் ஆண்கள் ஒற்றையர் தர வரிசையில் இந்திய வீரர் யுகி பாம்ப்ரி 20 இடங்கள் முன்னேறி தனது சிறந்த தர நிலையாக 125-வது இடத்தை பிடித்துள்ளார். சோம்தேவ் 12 இடங்கள் பின்தங்கி 164-வது இடத்தை பெற்றுள்ளார்.
சகெத் மைனெனி 195-வது இடத்திலும், ராம்குமார் ராமநாதன் 218-வது இடத்திலும் உள்ளனர். ஆண்கள் இரட்டையர் பிரிவில் இந்திய வீரர்கள் ரோகன் போபண்ணா 13-வது இடத்திலும், லியாண்டர் பெயஸ் 33-வது இடத்திலும் இருக்கின்றனர்.
