உலககோப்பை கபடி: இறுதிப் போட்டிக்கு முன்னேறியது இந்திய அணி
கடந்த சில நாட்களாக உலககோப்பை கபடி போட்டிகள் நடைபெற்று கொண்டிருந்த நிலையில் தற்போது இந்த போட்டி இறுதிக்கட்டத்தை நெருங்கியுள்ளது. இதன்படி நேற்று நடைபெற்ற அரையிறுதி போட்டியில் தாய்லாந்து அணியை வீழ்த்தி இந்தியா அணி இறுதிப்போட்டிக்கு தகுதி பெற்றுள்ளது.
நேற்று நடைபெற்ற அரையிறுதி போட்டியில் தொடக்கம் முதலே இந்திய அணி வீரர்கள் சிறப்பாக விளையாடி ஆட்டத்தின் முதல் பாதியில் 36-8 என்ற புள்ளி கணக்கில் முன்னிலையில் இருந்தது.
ஆட்டத்தின் இரண்டாவது பாதியிலும் இந்திய அணியின் ஆதிக்கமே தொடர்ந்ததால் இறுதியில் 73-20 என்ற புள்ளிக் கணக்கில் தாய்லாந்து அணியை வீழ்த்தி இந்தியா இறுதிப் போட்டிக்கு தகுதி பெற்றது.
இதேபோல் நடைபெற்ற இன்னொரு அரையிறுதி போட்டியில் ஈரான் மற்றும் தென் கொரியா அணிகள் மோதின. இந்த போட்டியில் ஈரான் அணி 28-22 என்ற புள்ளிக் கணக்கில் வெற்றி வாகை சூடியது.
இதனையடுத்து இரண்டு முறை சாம்பியனான இந்திய அணி இரான் அணியுடன் இறுதிப் போட்டியில் மோதுகிறது.
