உலககோப்பை டி-20 கிரிக்கெட் போட்டி: மழை காரணமாக போட்டிகள் ரத்து
உலககோப்பை டி-20 கிரிக்கெட் போட்டியின் லீக் ஆட்டங்கள் தற்போது நடைபெற்று வரும் நிலையில் நேற்று நடைபெறவிருந்த இரண்டு போட்டிகளும் ரத்து செய்யப்பட்டது.
முதல்போட்டியான நெதர்லாந்து மற்றும் ஓமன் நாடுகளுக்கு இடையேயான போட்டி தர்மசாலா என்ற இடத்தில் நடைபெற இருந்த நிலையில் மழை பெய்ததன் காரணமாக ஒரு பந்துகூட வீசப்படாமல் ரத்து செய்யப்பட்டது.
இந்நிலையில் வங்கதேசம் மற்றும் அயர்லாந்து அணிகளுக்கு இடையே நடைபெற்ற போட்டியில் முதலில் பேட்டிங் செய்த வங்கதேசம் 8 ஓவர்களில் 2 விக்கெட் இழப்பிற்கு 94 ரன்கள் எடுத்திருந்த நிலையில் மீண்டும் மழை பெய்ததால் இந்த போட்டியும் ரத்து செய்யப்பட்டது. இரண்டு போட்டிகளும் ரத்து ஆனதால் நான்கு அணிகளுக்கும் தலா ஒரு புள்ளி கிடைத்துள்ளது.
