அமெரிக்க அதிபர் டிரம்புக்கு மனநோயா?உளவியல் மருத்துவர்கள் அதிர்ச்சி தகவல்
அமெரிக்க அதிபர் டொனால்டு டிரம்புக்கு மனநோய் இருப்பதாகஉளவியல் நிபுணர்கள் எச்சரிக்கை விடுத்துள்ளதால் பெரும் பரபரப்பு ஏற்பட்டுள்ளது.
அமெரிக்க அதிபராக கடந்த ஜனவரி மாதம் பதவியேற்ற டொனால்ட் டிரம்ப் பதவி ஏற்ற நாள் முதலாக, புதுப்புது அதிரடிகளை டிரம்ப் மேற்கொண்டு வருகிறார். அத்துடன் சர்வதேச நாடுகளின் தலைவர்களுடன் அவர் முரண்பாடாகவும் நடந்துகொள்வதால், பல தரப்பிலும் அதிருப்தி எழுந்துள்ளது.
இந்நிலையில், அமெரிக்காவை சேர்ந்த பிரபல உளவியல் மருத்துவர்கள் குழுவினர், நேற்று யேல் பல்கலைக்கழகத்தில் நடைபெற்ற நிகழ்ச்சி ஒன்றில் பங்கேற்றுள்ளனர். இக்கூட்டத்தில் பேசிய டாகடர் ஜான் கார்னர் என்ற உளவிய மருத்துவர் அதிபர் டிரம்ப் குறித்து அதிர்ச்சிகரமான தகவல்களை வெளியிட்டுள்ளார்.
அவர் கூறியதாவது: டிரம்ப் அதிபராக பதவியேற்ற நாள் முதலாக, அவரது அன்றாட செயல்பாடுகள் மிகவும் அதிர்ச்சி அளிக்கிறது. இச்செயல்கள் மூலம் டிரம்ப் ஆபத்தான மன நோயால் பாதிப்படைந்துள்ளது தெளிவாக தெரிகிறது. இதுபோன்ற ஒரு சூழலில் அமெரிக்காவை தலைமையேற்று நடத்துவது மிகவும் ஆபத்தானது. டிரம்பின் ஒவ்வொரு நடவடிக்கையும் அமெரிக்காவை மட்டுமல்லாமல் உலக நாடுகளையும் பெருமளவில் பாதிக்கும். அமெரிக்க குடிமக்களுக்கு அதிபர் டிரம்பின் செயல்பாடுகள் தொடர்பான உண்மையை தெரிவிக்க உளவியல் மருத்துவர்களான எங்களுக்கு தார்மீக கடமையும் உள்ளது,’’ எனக் குறிப்பிட்டுள்ளார்.
