உலகின் மிகச்சிறிய துப்பாக்கி ஒன்றை சுவிஸ் நாட்டு விஞ்ஞானி ஒருவர் தயார் செய்து சாதனை செய்துள்ளார். இந்த துப்பாக்கி ஒரு தீக்குச்சி அளவே இருக்கும் என்பது குறிப்பிடத்தக்கது.
சுவிஸ் நாட்டை சேர்ந்த பால் எரார்ட் என்பவர் உலகின் மிகச்சிறிய துப்பாக்கியை வடிவமைத்துள்ளார். இந்த துப்பாக்கியில் உள்ள புல்லட்டின் அளவு 2.23மிமீ அகலமே கொண்டது என்பது குறிப்பிடத்தக்கது.
£4,500 மதிப்புள்ள இந்த துப்பாக்கியை லைசென்ஸ் வைத்திருப்பவர் யார் வேண்டுமானாலும் வாங்கி வைத்து கொள்ளலாம் என சுவிஸ் அரசு அனுமதி அளித்துள்ளது. ஜேம்ஸ்பாண்ட் சினிமாவில் வருவது போன்று அமைக்கப்பட்டுள்ள இந்த மிகச்சிறிய துப்பாக்கியை வாங்க சுவிஸ் மக்கள் பெரிதும் ஆர்வம் காட்டி வருவதாக கூறப்படுகிறது.
மேலும் இந்த துப்பாக்கியின் சாதனையை கின்னஸ் புத்தகத்திலும் விரைவில் இடம்பெறவுள்ளது என்பது குறிப்பிடத்தக்கது. இந்த துப்பாக்கி இரண்டு இன்ச் நீளமும், 1.3 இன்ச் அகலமும் 0.3 இன்ச் தடிமனும் உடையது. இந்த துப்பாக்கியின் மொத்த எடை 0.06 அவுன்ஸ் என்பது குறிப்பிடத்தக்கது.
