ஏற்கனவே விஜய், சூர்யா ,விஷால் படங்கள் என தெலுங்கிற்கு டப் செய்யப்பட்டு மாபெரும் ஹிட்டாகி வரும் நிலையில் தற்போது அஜித்தின் ‘என்னை அறிந்தால்’ படமும் தெலுங்கில் வெளியாக உள்ளது. ஆக்ஷன் மற்றும் செண்டிமெண்ட் கலந்த கதைக்களமான இந்த படத்தில் பாடல்களும், ட்ரெய்லர்களும் சமூக வலைத்தளங்களில் பெரும் பரபரப்பை உண்டாக்கியது என்பது குறிப்பிடத்தக்கது.
கடந்த பிப்ரவரி மாதம் வெளியான ‘என்னை அறிந்தால்’ திரைப்படம் உலகம் முழுவதும் சூப்பர் ஹிட் ஆகி வசூலில் சாதனை புரிந்தது. இந்த படத்தின் மூலம் மார்க்கெட்டை இழந்திருந்த அருண்விஜய் மற்றும் கெளதம் மேனன் ஆகியோர் மீண்டும் புத்துணர்ச்சியுடன் கோலிவுட்டில் வலம் வந்து கொண்டிருக்கின்றனர்.
இந்நிலையில் ‘என்னை அறிந்தால்’ படத்தின் தெலுங்கு பதிப்பு தற்போது தயாராகிவிட்டது. விரைவில் இந்த படம் ஆந்திரா மற்றும் தெலுங்கானா மாநிலங்களில் பிரமாண்டமாக ரிலீஸாகவுள்ளது.
த்ரிஷா மற்றும் அனுஷ்காவுக்கு தெலுங்கில் நல்ல மார்க்கெட் இருப்பதாலும், ஏற்கனவே அஜீத் நடித்த படங்களில் தெலுங்கில் சூப்பர் ஹிட் ஆகியுள்ளதாலும், இந்த படமும் தெலுங்கில் சூப்பர் ஹிட் ஆகும் என எதிர்பார்க்கப்படுகிறது.
