விஜய்யின் ‘தெறி’ சாதனைக்கு யூடியூப் இணையதளம் வாழ்த்து
இளையதளபதி விஜய் நடித்த ‘தெறி’ திரைப்படம் சமீபத்தில் வெளியாகி உலகம் முழுவதும் பெருவாரியான வசூலை குவித்துள்ளது. ரூ.100 கோடியை தாண்டி இன்னும் ஹவுஸ்புல் காட்சிகளாக ஓடிக்கொண்டிருக்கும் நிலையில் இன்று முதல் இந்த படம் செங்கல்பட்டு ஏரியாவின் திரையரங்குகளில் ரிலீஸ் ஆகியுள்ளது. இதனால் இந்த படத்தின் வசூல் இன்னும் அதிகரிக்கும் என எதிர்பார்க்கப்படுகிறது.
இந்நிலையில் இந்த படத்தின் டீசர் கடந்த பிப்ரவரி மாதம் 4ஆம் தேதி மாபெரும் வரவேற்பை பெற்றது. இந்த டீசருக்கு தற்போது யூடியூபில் 3 லட்சத்திற்கும் அதிகமான லைக்குகள் கிடைத்துள்ளது. இதனால் யூடியூப் நிர்வாகம் ‘தெறி’ குழுவினர்களுக்கு தனது பிரத்யேகமான வாழ்த்துக்களை தெரிவித்துள்ளது.
ஒரு தமிழ் படத்தின் சாதனையை யூடியூப் அங்கிகரித்தது மட்டுமின்றி வாழ்த்தும் தெரிவித்துள்ளதால் விஜய் உள்பட தெறி படக்குழுவினர் மிகுந்த மகிழ்ச்சியில் உள்ளதாக செய்திகள் வெளியாகியுள்ளது.
